自我讀中四去韓國之後,都無再試過一家人去旅行啦!
本來媽咪話佢今年新年請晒去泰國旅行, 不過, 怕周車勞動既佢, 又無啦啦話不如去一兩day大陸玩下算! 非常失望既細佬都唯有接受, 好過留係香港度過… 而今次既旅行, 當然就交俾亨利同我去計劃啦!
因為我地之前有個去大梅沙既難忘旅程, 再加上新開既“東部華橋城”, 帶佢地去依到就真係最好不過!!!
我地去左永東訂喜來登酒店加東部華橋城既 package, 初三起行!
去大梅沙, 最出名就係食乳鴿. 我地一到, 梗係醫左個肚先啦… 除左食乳鴿, 有樣野都係必食, 就係炭燒蠔啦!!!!!
下午三點到左酒店 check in, 竟然話要至少等多45分鐘先至有房, 因為仲未清潔得切喎???!!! 嘩, 聽到真係好激動! 不過, 酒店 D staff 都好好, 笑住黎 serve; 為左安全, 都叫佢快 D reserve 定三間隔鄰既房俾我地先. 由於我同亨利以前住過, 有亨利個名既 record, 酒店為左補償我地, 幫我地 upgrade 晒去最高級既 – 經典海景房 (比以前住的更大). Woo, 真係由心裡面笑出黎呀!!!
一齊參觀完間酒店, 三間房就差唔多 ready, 真係好彩! 睇見爹地媽咪細佬佢地見到間靚房既興奮程度, 我真係好開心呀.
第二日, 我地去“東部華橋城”玩. (離 Sheraton 只係十分鐘路程) 依個地方, 比海洋公園大幾倍唔止. 中國大陸地方大, 要起乜就有乜, 真令人嘆為觀止!
旅程完畢, 細佬竟然話想住多一晚. 我問佢酒店值幾多分, 佢話: 100! 佢仲話今個夏天一定會再同Elaine黎… 岩既, 因為個泳池同私人沙灘同樣可以俾到去左泰國既感覺呢~~!
* 由房露台望出的景... 簡直靚爆!!
* 大陸都將會有個 U型觀景橋呀!!! hahaa....
行花市, 我每一年都會做! 今年亦唔例外. 驚訝既係, 竟然無想像中咁多人…
係年三十晚屋企做完節, 我就同亨利坐車去銅鑼灣行花市. 開始行既時候已經係晚上十點幾; 不過氣氛好熱鬧. 雖然都有好多人, 但我同亨利都可以埋到每個攤檔到睇野!
以前個舊老細講過, 行花市可以轉運; 而亨利就話行花市一定要買番D野, 唔好空手出去… 所以我地好努力睇下買番樣野玩下!
今年真係好佩服D年青人, 諗到好多搞笑既吹氣玩意. 我最鍾意就係個粒大金莎朱古力, 真係好似呀. 不過, 我地都無買到; 而係買左個好有意頭既金條cushion, 仲有一個實用既小枱燈.
今朝拿起個 DC义電, 先記得原來之前睇咗劉華 concert 既相仲未 save 番入電腦…
睇番果日D相真係好開心, 因為個位大家都無諗過會咁前架! 講真, 雖然一個成$480蚊好“尺”, 但感覺真係好值得… 仲有我同咗華仔握手添呀!!!
* 你睇，個位真係好前架！！！
* 竟然用自己部 cheap cheap DC 都可以影到咁靚, woooo...
* 依個就係我個型仔細佬同佢女朋友啦!
* 紅館就黎大修，所以都要影番張相留念先!!
