劉華

點解依個世界上仲會有D咁唔用腦既人?? 竟然用盡咁多年既積蓄去追星呢?

最估唔到既係 --- 佢竟然已經係二十九歲啦!!! 真係“可悲”!

更可悲既係, 佢既父母仲同佢一齊傻; 最後仲要不明不白地死埋個老父!!! 唉… 唉…. 生命係好寶貴架!!!

依位小姐, 請你唔好再對香港既傳媒狂數劉華啦! 請你亦都唔好誤會以為你岩晒!! 大陸既傳媒, 如果你地係有讀過書既, 都唔該你地唔好再種容佢, 而寫衰劉華!! 每個有腦既香港人真係覺得你地好好笑!!!!

金鳳

嘩, 好耐都未試過OT到凌晨4點幾.....尋晚訓落床果陣D雀仔都開始起身周圍叫 - 5點啦!! 捱一晚夜, 真係訓十晚都補唔番!! 唉, 老啦!!!

工作永遠都係做唔完, 點解我都要咁博?! 當然唔係為咗份人工咁簡單啦, 哈哈, 不過我都係無OT補, 亦都無假期補番....so, 生活就係咁囉!!!

不過, 尋晚雖然好辛苦; 但都好開心有機會食到一間我未試過既餐廳 --- 金鳳.

唔好笑, 我知道依野老名牌好出名, 但就係無機會試. 之前一心去旺角果間食, 點知等位要等成廿張; 傻架咩, of course 走人啦....

尋晚做到九點肚餓啦, Naomi (printer 公司既staff)同我去食飯, 帶咗我去銅鑼灣間金鳳食. 嘩, 仲要等位呀!!! 之後, 我叫咗個羊, 佢叫咗個牛柳大家share....woo, 好多蒜呀; 好香好正好林好多好大塊呀. 真係頂梗市, 個羊扒set only $67蚊, 你話呀, 出面果D餐廳真係賺死佢. 依家終於明白點解咁多人等位啦!!!!!!

至於金鳳既競爭對手 - 森美餐廳, 就有D唔同; 間森美餐廳反而細個成日去食, 因為阿爸識個老細兼且間餐廳好近屋企. 不過, 森美既style同金鳳好唔同; 佢比較高級DD, 不過價錢就好貴啦.....所以家陣大個都好耐無去返森美食 lu...

Anyway, 下星期五會同Ellen, Mosze去試Harmony Cafe (at C.B.). 佢係一間樓上Cafe但主打天然有機素食, 所以好想去試下呢!!!

 

 

 

 

 

Three Sixty

之前阿蘇介紹過中環Landmark開咗間supermarket, 已經好想去; 可惜香港人(本人)真係好忙, 哈哈...好好彩, 今日有機會去shop下!

最初以為佢係舊惠康個位, 但去到先記得個位都已經封埋; 所以去問人先知原來位於二樓.  個名好得意 - Three Sixty.  依 ---- 又係360???!!! Anyways, 可能係全層360度既shopping area, 所以有此名啦!!

啊, 感覺似行City Super 或者 Great之類, 但幾舒服, D人又nice, 都好多外地products, 好似去咗外國行超市.  我買左D果 jam, 麵包, Tuna, etc.  三樓仲有個小Food Hall.  Woo...好香! 不過, 我都係買左個Kiwi+Pineapple 既雪糕, 好好味呢!

食食食

Yo!!! 又係時候要諗下食乜啦!! 唔知你地對食buffet有咩好介紹呢?

我聽日會同D同事去尖沙咀間新世界萬麗食buffet, 好期待呀! 因為果間未去過, 間野好似好high咁喎, 又成三百幾蚊一個人, 唔平架嘛!! 不過, 我地一放工要即刻標去; 依家仲諗緊點樣由Cyberport去係最快同最方便既??!!

記得上次食buffet, 已經係兩年前既事啦....果次係因為媽咪生日去左合和旋轉餐廳食; well, ok 咁囉, 都唔係好多選擇!!

又到夏天啦, 都係唔好食咁多, 廢事俾人話我有左!!!!!!!!

最憎人打尖

今朝等10B返工, 去到港大門口, 已經見到兩條友熟口熟面, 因為佢地都係返 Cyberport.

 

10B朝朝都好full, 所以要提醒12分精神上車....架車如常九點正到, 嘩, 好彩有三個人落車, 心想一定上到, 點知有個PK衝埋黎搶閘, 佢明知我係要上依架車, 佢無讓我, 就咁迫左上去....OHHHHH, 真係好嬲呀!  

 

好彩跟住有架經 Cyberport 既碧瑤灣車在後, 我就上啦....(不過依架要落左車再行一段小路先到公司, 仲要避過個巴籍 secure, 因為佢要 mark返住客先可以通依條路); 好彩最後避過左, 因為佢問緊一個人既資料填緊, 嘩, 幾驚佢又問我 (上兩個星期俾佢問過啦, 我話唔知, 第一次行, 所以佢先俾我走小路).  D有錢地方真係麻煩, 明明唔係私家路, 又要搞咁多野, 阻鬼住晒!!!

 

唉! 聽朝又要同人爭上車啦!! 如果上唔到九點果班10B, 下一架要等到九點半架.... $%@#^!@

馬交之旅

好野又去旅行啦．．．

澳門 --- 一個拱細既地方，點解可以有咁多酒店同賭場？？！！就係因為想去見識下個４間新酒店同賭場，我就同亨利講想去！亨利好快就去plan同訂埋酒店船飛，呵呵，其他野又唔見佢拱快喎！！

我地去左氹仔山度士食lunch, 嘩，好正呀！由其是個葡汁蜆同焗鴨飯，好好味呀！！從來未食個D蜆會個個都咁肥肉同無空殼架！！！

　

之後去左幾個新賭場玩，哈哈，成為四百元大細送俾新葡京＋永利＋金莎...

　最衰個漁人碼頭 tea (butter biscruit cake + ice moca) 飽到夜晚成十點幾先食得落，crazy!!!

第二日，我地去左拱北行街街．．．依到既味千竟然有得韓燒呀，好得意！！之後夜晚就返番澳門食所謂既拖地叉燒，well, ok咁囉，無乜太大特別！！唯一一個遺憾，就係去左兩次既牛什舖都收左舖．．．無得食！

Anyway, 依個trip都幾relax同開心，雖然澳門都係同以前一樣，亦都唔係外間所講既咁多人visit (最多人我諗都係賭場),都係值得一去既！

不過，今次之後，又唔知幾時會再去 lu.....

* 就係依個葡汁肥蜆+焗鴨鴨飯同薯仔菜湯 @山度士葡式餐廳

*嘩, 下次唔會再食"漏"到爆既butter biscuit cake @Ruby Cafe!!!

* 韓國燒烤@味千拉麵 ===> 好香呀!!!