好開心呀! 貪得意第一次整個 <豆腐布丁>, 成功左又好好味呀!!!
參考左網上一 D bloggers 既方法, 我去買齊材料就試下整啦...
只要有百福甜豆漿 (買甜既就唔洗加糖煮啦), 一盒屋仔奶, 淡忌廉, 同魚膠粉就搞掂, so easy!
* 將約1/4豆漿 (200ml) + 半盒忌廉 (100ml) + 1/3 屋仔奶 (50ml) 用中細火加熱
* 跟住另一面開半碗暖水同魚膠粉攪溶... OK 左就倒入埋個豆漿奶度繼續煮, 最後再加多 1/4 百福豆漿 (>200ml) 落煲野度攪多兩攪就可以入杯啦!
* 倒好就入雪櫃最好雪一晚...
* 好野! 成功左!! 等我加塊奇異金果片點綴下先...
* Woo, 好滑呀! 仲要岩岩好既甜味, 正喔!!!
加紅豆蓉上面食仲正呀
回覆刪除[版主回覆09/04/2009 11:04:00]網上有好多人都係加紅豆蓉, 我唔想抄足, 又唔想搞咁多野, 因為浸紅豆要時間, 之後又要煮成蓉...
本來我想加芒果架... 不過近排既芒果唔靚, 所以...
依家簡簡單單原汁原味都幾好呀!
日一卜の日記 : 好野喎 , 似模似樣 , 唔知我攪唔攪得掂呢 ?
回覆刪除Bye Bye !
[版主回覆09/04/2009 11:05:00]HOHOHO, 自家制豆腐花咁, 真係簡單容易又好味! 你一定搞得掂架, 快D試下啦...
又一好食之作喎 !! 搞到我都好想整來食tim~ 整完出來係咪好滑嘟嘟架?!
回覆刪除[版主回覆09/05/2009 11:55:00]haha... 係呀! 因為又有忌廉同埋奶, 唔滑都唔得啦... 不過記得用個篩隔一隔先到入杯雪!!!
好似幾好味，又簡單!
回覆刪除[版主回覆09/05/2009 11:57:00]無錯! 簡直係凝固版既百福豆腐花咁!!! 好好味! 又滑!
咁easy?! 等我搵日又試下先~
回覆刪除[版主回覆09/10/2009 12:23:00]真架... 四樣材料就搞掂, 正呀!!!
唔知難唔難整到~
回覆刪除我都好想學下整!
[版主回覆09/13/2009 12:54:00]一D都唔難架!
樣樣份量跟好, 煲時不用大火, 少少滾起就ok入杯啦!!
你都試下整啦, 好好呢!
你好~
回覆刪除我請問你呢,,,魚膠粉係咪成包落哂？
[版主回覆06/14/2010 16:11:00]HI, 唔係呀!!! 好似第三張相咁, 半碗水加一湯匙左右就夠啦!!!