夢遊

尋晚係咁大個女第一次夢遊, 真係嚇傻阿媽......

訓到半夜, 自己無啦啦起咗身, 仲走入阿爸阿媽房; 跟住開咗個衣櫃然後又關番埋.... 因為 "板" 咗一聲, 我自己同阿媽都醒咗.... (自己真係完全唔知點解入咗佢地個房)

阿媽好驚咁問我 : 你做乜呀? 係咪唔夠暖要搵被..... OH!!! 我先知死亦都唔知咩事, 只係識答 "無野"...

我跟住去埋個厠所再訓過...

今朝諗番起都真係幾驚... 唔明點解無啦啦會夢遊! 係...工作同生活都好有壓力, 但都係同以前差唔多啫!!

不過為咗安全, 都係叫定阿媽鎖好門窗先!!!