越式米紙卷 Rice Paper Roll

今日搞搞新意思, 做一個越式米紙卷做晚餐...

材料包括: 生菜, 青椒, 蟹柳, 紅蘿蔔, 牛柳 & 春卷皮...

其實要做依個卷真係超級簡單, 只係之前既洗切醃炒需要一D時間...



       

自製林明頓蛋糕仔

好開心今日重陽節放假, 除左可以訓耐D之外, 就係可以整下野食…

岩岩就靜靜雞整左我同亨利都好鍾意食既 <林明頓蛋糕仔> 啦… 諗住俾個驚喜亨利...

每次去 Pacific Coffee, 我同亨利都會叫 Lamington Cake 架…

其實整法真係超級簡單, 材料只須: 朱古力, 蛋糕, 同埋椰絲就 ok 啦...


        

新髮型

 

忙忙忙… 好耐無寫 blog 啦…

雖然好忙, 但都要忙住靚, hahaa…

最近去電左個新髮型, 不過其實同我臨結婚之前一樣, 就係去電陶瓷曲髮啦…

本來想電個 yeah D 既爆炸頭, 不過最後都係放棄左, 費時到細佬結婚果陣時我 set 唔到頭同襯唔到條裙…

今次@ Salon足足坐左四個半鐘, 坐到腳抽筋; 但好彩今次都電得幾好, 好挺好自然, 仲有人讚靚喔!!

 

        

     *  依個 look 簡直好似一隻曱甴頭咁... hahaa... 

         我都係第一次用依個架餐電髮!!!  不過效果幾好喎~~~!

 

 

Wedding Logo Design

 

依排好忙… 加上中秋節同埋自己大壽, 所以…  不過心情都好興奮…

我最愛既細佬踏入大日子既倒數啦, 我既心情就同樣緊張!  細佬同 Elaine 除左 confirm 帖既設計同內容外, 佢地都想另外再整一張註冊既 invitation card 放入帖內一齊派俾來賓…

依個時候, 當然我要主動舉腳去跟進依個 big task 啦…  hehee…

近排忙就忙在為佢地設計一個獨一無二既 Wedding Logo 啦!!!

上網發現, 原來都有幫人設計 Wedding Logo 架!  而最平既收費要收三百幾四百蚊一個…

Um…  唔知我可唔可以之後用我工餘兼煮完飯後既時間, 為將結婚既 bloggers 設計簡單既 Wedding Logo 呢???!!! 當然收費會係平過人地啦~~~ hahaa…

Wedding Logo 其實都真係幾有用架, 例如可以放係帖, 註冊邀請卡, 坐位表, 簽名布, 枱卡, 小禮物, 寄相信封等等, 真係好有意義同紀念喔!!!

Well, 以下就係一D我幫細佬同 Elaine 設計既簡單既 logos' samples 啦, 你地覺得靚唔靚呀???

 

#1

     

 #2

 

        

 

#3

       

 

#4

       

 

#5

       

 

#6

        

 

#7

        

 

#8

       

 

 

 

&lt;時光旅的戀人 The Time Traveler&#39;s Wife&gt;

 

開心既時間過得特別快, 又係時候 check-out 啦… 真係估唔到依度要朝早十一點就要交房啦…

食完個好豐富既自助早餐之後, 我同亨利就同迪士尼講拜拜啦…

 

         

        

        

        

   *   真係估唔到原來早餐都有好多選擇架!!! (依度只係其中一角咋)

 

最估唔到原來之後仲有節目…  就係亨利上網買左戲飛跟住會去東涌UA睇 <時光旅的戀人 The Time Traveler’s Wife>…  好開心, 因為好耐都無同亨利去睇戲啦…

雖然我無睇過佢既原著小說, 但套戲既愛情故事都幾得意…

如果人類真係有穿越時空既能力, 隨時會不受控制地穿梭於人生各個階段, 究竟會唔會係件好事呢???  不過無論係點, 我地都要好好珍惜每次每刻對方相聚的時光喔!

 

        

        

 

 

 

迪士尼黑色世界

 

亨利除左book 左酒店住一晚之外, 佢都買左夜場飛玩迪士尼黑色世界…

從前我同佢都無去過什麼哈佬喂… 今次難得可以去玩, 心情都好興奮!!!

真係估唔到原來夜場都有好多人…  不過都唔及我地兩年前情人節既時候黎迪士尼咁多人…

我地除左玩左D”簡單”既機動遊戲之外, 我地都入晒所有鬼屋 (最耐都係等左廿分鐘咋, 真係好啦!)…

雖然生日入鬼屋玩好似唔係好老黎, 但唔緊要啦, 因為最後都係好開心咁笑住出黎; 好佩服果D扮鬼既後生仔女, 佢地真係做得好好, 令我地好驚又好笑!!!

最後當然係睇埋靚靚既煙花先走啦~~~

 

 

      

  *  夜晚黎原來係咁靚架!!!

 

      

      

      

      

      

      

      

      

      

      

     

     

     

  *  好彩臨走都俾我見到佢地影相~~~

 

     

     

     

     

 

 

 

驚喜生日 @ Disneyland

上星期五係我既生日…  好開心亨利俾左個好驚喜同好難忘既生日我呀!!!
 
幾日前佢同我講會出外過夜為我慶祝生日; 我個心仲諗住唔通去住黃金海岸??? 不過我點問佢, 佢都唔肯講…
 
Hahaa… 到正日啦, 我既心情真係好興奮, 因為完全唔知去邊度過生日…
 
去到東涌線, 心情就更加興奮, 因為唔知係味去迪迪尼呢???~~!!
 
OH… 去欣澳轉車呀! 好野, 原來亨利同我去迪迪尼呀!!!

 

 

       

 

 

周圍影左一陣相, 亨利就話同我去 Disneyland Resort 飲野... 

野飲黎左一陣, SURPRISE 就黎啦...  無啦啦間 lounge 既人都同我唱生日歌加一人攞住個蛋糕呀!!! 嘩, 果一刻我淨係識得笑, 仲有好多人都望住架...

 

       

 * 環境真係好靚呀~!

 

      

 *   我既 Camomile Tea...  好香好濃!

 

      

 *   亨利既 Capuccino ... 好滑呀!

 

       

 

       

 

 *   好靚既蛋糕喔!!! 多謝亨利既安排...

 

      

 *   帶左依個襟章, 每個 staff 見到我都會同我講 "生日快樂"! 真係好開心呀!

 

        

 * 亨利送俾我既生日卡

 

       

 

 *   跟住就去 Hollywood Hotel check-in 啦... 因為我地會住依間...

 

       

       

       

 *   一入房就有人拍門送上依個毛巾蛋糕俾我啦... 我好鍾意呀!!!

 

        

       

       

       

  *   休息左一陣, 我同亨利就去左游水... 仲好開心見到高飛狗呀!!!

 

      

 *  真係估唔到原來高飛狗會同埋我地一齊游水架... 佢仲有玩滑梯添! hahaa....