驚喜回足本的假日自助早午餐

最近小兒生日, 帶他食自助餐絕對是一個好提議~ 上網搜尋推介看到這裡有假日自助早午餐優惠, 一位成人惠顧可免收隨行的一位小童, 計落真係好抵! 加上仲可以任食幾個鐘, 就決定一家三口來這裡慶祝啦! 而坐港鐵在黃竹坑站落車, 行去酒店都好近好方便!

假日自助早午餐由上午11點半開始~ 可能時間尚早, 所以不算多人! 而環境更比想像中寬敞~ 食物擺放陳置仲好整齊乾淨!

酒店見我地有小朋友, 仲好貼心安排我地坐梳化位~ 而張枱仲好大好闊落, 坐得好舒服!

估不到這裡的假日自助brunch食物款式都幾多~ 冷盤有新鮮的大蝦和蜆~ 亦有蕎麥麵、綠茶麵、芝士等!

而沙律菜除了有一般的選擇外, 仲有營養價值高的羽衣甘藍! 其他的buffet真的好少見!

亦有啱小朋友口味的炒飯、炒麵和蔬菜類等! 味道正常, 不會偏油或偏鹹!

由於buffet是東南亞主題, 所以食物的款式都充滿東南亞風味! 有超香濃的新加坡肉骨茶、惹味的沙嗲串燒和豬頸肉~ 仲有大人同小朋友都鍾意的越南炸蝦餅和蝦片等...

仲有我第一次食的海南雞粥! 粥底延綿清淡中帶出雞的香味, 好特別!

而日式刺身和手握壽司的選擇款式都算多~

亦有小朋友喜歡的鮮奶玉米片或可可米等, 夠晒健康!

至於甜品區實在令我驚喜! 細件cake和甜品杯款式超多! 而清香的班蘭蛋糕、仲有班蘭椰汁西米露同埋清新的荔枝布甸都係必食! 不得不提仲有個招牌柚子蜜蛋散, 原來是酒店自家製的, 入口好鬆脆, 幾好味!

仲有個candy corner!! 絕對是小朋友最愛的地方!

這個buffet除左有任飲橙汁和蘋果汁外, 仲有自助咖啡或茶供應! 好啱我這個無啡不歡的人!

剛剛踏入4月, 酒店仲轉左日韓美食主題! 而我又再約朋友星期六黎食, 這次的brunch除左繼續有新鮮的冷盤、沙律菜、壽司、甜品等供應外, 熟食有驚喜好味的韓式炸雞! 原味、柚子蜜味和辣味炸雞三款都好脆口! 炸雞肉嫩有汁, 完全不乾不硬~ 炸粉亦不會太厚, 入口更無油膩感! 我一人還吃了五件, 胃口大開!

這個賣相吸引的大阪燒亦是必食! 每一件仲佈滿鰹魚片碎~ 口感不錯, 不會太淋和太鹹! 吃一件其實不會夠喉! 哈哈...

仲有韓式年糕、韓式牛仔骨、燒雞和小肋骨都好有水準和惹味!

吃完一輪濃味熟食可以試一碗蟹肉素冷麵~ 伴淡淡的素麵豉油, 感覺清新!

還有賣相吸引的日式和菓子~ 煙煙韌韌和甜甜的三色小糯米糰, 吃完好滿足!

總括而言, 這裡的假日自助早午餐整體食物都很不錯! 環境舒服又不限時, 食幾個鐘已經回足本!

如心南灣海景酒店   LIS Café

地址: 香港香港仔黃竹坑道55號P3樓層 (港鐵黃竹坑站B出口，步行只需5-7分鐘)

查詢及訂座: 3968 8833 / 6793 4223 (WhatsApp)

網址: http://www.lhotelgroup.com/tc/hotel/lhotel-island-south/  

♥My Facebook Fanpage♥ 
卜卜B        

              

 ♡(✿◕‿◕)  希望大家喜歡我這次的分享~
歡迎留言給我或 email to amyblogblog@gmail.com