“Seoul” Good 凍住過聖誕–不知所謂的民宿

當十一月頭決定到首爾慶祝聖誕兼結婚兩周年時, 我真係好努力搵 agents 訂packages, 可惜地點方便既酒店一早已經被訂滿, 就算到十二月才知道有房既時候, 價錢都要成港紙 HK$1,300 蚊一晚, 實在貴得有點不值...

最後我同亨利決定試住一下韓國的民宿, 從網上搵原來選擇也不少...

為了購物及機場巴士上落方便, 我們決定選擇明洞附近的民宿...

從網上看見 Seoul Tower Ville 是一間不錯的民宿, 可惜第一晚入住已經有一個差得不能接受的經歷...



        

    *  民宿的外貌





       

       

       

    *  民宿的 reception



我們由仁川機場坐左個多個鐘大巴士到達明洞世宗酒店, Bell Boy 好好幫我地打電話通知 Seoul Tower Ville 既民宿主人 Mr. Ko 黎接我同亨利...

見面時, Mr. Ko 完全無同我們打招呼, 上左車都無溝通, 唔明點解網上有 bloggers 仲話佢好 nice?!  跟住我叫亨利用普通話問佢依家有房未 (因為我地朝早九點幾就到左), 佢就答左一句 “沒有” 就算...

跟住去到民宿的接待處休息左一個鐘, Mr. Ko 話有房可以俾我地了, 實在興奮...

雖然房間比網上所見到不同 (細左D), 個心仲諗住會連續住5晚, 佢實會俾間正D既房我地; 不過衰在我地咁早到步, 有房俾我地已經好好啦...



      

   *  內裡其實都不太差既~



      

      

可惜, 估到估唔到依間民宿隔離係一個地盤, 凌晨到朝早有勁多地盤工人係度揼鐵揼木, 嘈到痴線, 完全係訓唔到...  你諗下, 前一晚凌晨機已經無覺好訓, 點知去到民宿第一晚, 又嘈到咁, 真係黑仔~

訓醒第二朝一早, 我同亨利即刻周圍睇下仲有無其他民宿; 幸運之神好眷顧我地, 好好彩附近另一間民宿有房仲要可以連續住幾晚...

依個時候, 我同亨利立即返 Seoul Tower Ville 靜靜地執好晒行李, 再同 Mr. Ko 講話我地有事要回港, 俾番一晚住宿錢佢...  點知佢好似癲狗咁鬧我地, 大大聲話我地咁遲先講 (我心諗你間民宿咁嘈, 夠無同我地講啦!!!)  跟住我地俾一晚錢佢時, 佢用普通話講要俾多一 "萬"?  跟住我地攞左一萬 won 俾佢, 佢竟然大力掟張一萬 won 落地下大聲話“不夠”!!!  SHIT, 韓國人乜咁無禮貌? 佢究竟乜野態度呀??? 原來佢係想收多一 "晚"錢!  頂佢個肺, 我拿拿臨豪多一晚錢 (50,000won) 俾佢跟住同亨利即走!!! (真係好彩第一日無俾晒五晚既住宿錢佢, 如果唔係, 依個 trip 唔係去 relax, 而係去被拆磨!)

咁既民宿服務, 去咁多次旅行我地都係第一次見! 大聲吠無問題, 我地都好明白突然退房佢做唔到生意係慘左D, 但洗唔洗大力掟張錢落地呀????? 咁X差既態度對旅客究竟佢點做生意呀??!!! 真係#$%!^&*@.

各位網友, 如果你地想去韓國明洞住 Seoul Tower Ville, 真係要諗清諗楚先好!  不過如果你地唔介意凌晨被隔離個地盤嘈到無得訓, 同埋由一個咁X無禮貌既民宿老闆去 serve 你既話, 咁我地就祝你旅行愉快啦!