素食的藝術

 

最近忽然有著想食素既心……因為真係知道佢既好處囉!

雖然我未至於係一個食肉獸， 但可能年紀開始大啦， 哈哈哈， 身體內裡都無以前咁強壯。 例如食少少熱氣野， 就好快喉嚨痛; 食得太多魚生或者扒類， 又去唔到 ”大大” 喎， 你話呀!! 年紀都唔係大咗好多啫， 點解拱快就變到咁削架??!!

不過， 我當然知道平日既工作壓力同運動量少都會有影響既!! Anyways， 食素一定唔會係一個差既選擇， 係咪?!

選擇食素，係因為健康理由、宗教理由，定係對動物的憐憫??  不過無論咩理由，沒有「肉」念的生活，一定會減少對動物毒素的吸收，而且有助延緩衰老、提升腦力架!!

有時食肉，都係為咗果種口感同味道。 哼! 原來家下D素菜既水準已經可以去到同真正食物有8、9成似架啦，所以話呢，為咗健康，我地要為食素行出第一步喇~!!

唔知你地有無試過銅鑼灣舊大越旁軒尼詩大廈既  "靈畫齋"  私房菜呢???  雖然我已經去過兩次，但我仲好掛住馮太D手勢呀!!! 　喂喂各位好友， 如果你都有興趣想試下，send個 email或者打電話俾我，我會去 book枱呀!!  (因為 at least 4 位先俾 book。 你知啦，唔係個個人鍾意食素架嘛，所以我都好難約 friends 去再食!! 如果你地信我既 TASTE，haaaa….唔該快D搵我。)

P.S. 『好抵食架  --->  HK$165@,   圍餐 Style 但有好多野食, 食到肥佬都叫飽!』

 

                     

                       * 相片來自openrice.com