亨利又大一歲啦! 祝亨利身體健康, 開開心心, 事事順利…
尋晚十一點幾, 我入廚房做我第一次既電飯煲焗蛋糕送俾亨利, 等踏正十二點時可以同佢即刻唱生日歌同埋吹蠟燭許願!
我買左一盒 Pancake 粉, 貪佢今次用完少少之後可以整 pancake 食, 廢事買一大包自發粉用… 材料仲有朱古力粉 (少少), 鮮奶 (50g), 雞蛋 (兩隻), 牛油 (少少), 白糖 (少少), 水 (少少)…
只要將D蛋打好, 再將已加牛油&糖既鮮奶 mix 埋個打好既蛋再搞, 最後就加 Pancake 粉同埋朱古力粉, 同一方向搞到全部野溶晒, 就可以倒入個電飯煲裡面焗啦…
40分鐘之後, 一個黑左少少既朱古力蛋糕就出場啦!!! hehee...
* 有焗蛋糕功能既 Panasonic 電飯煲, 正!
* 算係用簡單既材料, 就可以整蛋糕啦! 預設 35分鐘焗, 再 keep warm 5分鐘後可以出爐啦!!!
* 用 Pancake 粉整既效果相信比自發粉整, 係唔會發得太鬆同埋高, 所以我依個 cake 賣相唔係好得... hehe...
* 本來想用 cream 整個哈哈笑樣, 點知個 cake 太熱, 搞到溶溶地...
* 亨利好開心呀!!!
* Um... 用 Pancake 粉整, 口感竟然都似番 pancake 咁厚厚地! 如果下次再整， 我諗要落多少少糖同水, 相信會再好食D同埋會軟身D!
* Anyway, 今次第一次整, 都總算成功! 最緊要係亨利開心同埋鍾意食, yeah!
電飯煲 ~ 焗蛋糕 , 利害呀 .
回覆刪除Bye Bye !
我都試過用這個電飯煲焗蛋糕給uncle duck，其實都幾方便，不過那次自發粉份量太多，加上當時玥瑜的參與，弄得我一頭煙，所以都是買一個「無咁嬲」！
回覆刪除[版主回覆01/26/2010 21:15:00]hahaa... 原來如此... 不過如果有 mood, 整下黎開心下都幾好哦！
不過如果你叫我好 prof 咁又用打蛋器, 又用磅計份量用焗爐果隻, 就咪搞我！我都寧願買一個!
好耐之前都聽人講過電飯煲焗蛋糕，今次係第一次見識。
回覆刪除祝亨利生日快樂!
[版主回覆01/26/2010 21:17:00] hehee... 今次都未係最好食！下次再諗諗點樣簡單整又好食先！
Thanks a lot Natalli!
哩個方法唔錯! so sweet !
回覆刪除[版主回覆01/26/2010 21:19:00]hehee... 係呀！我都好開心唔洗太煩又整到～ 最緊要係可以令到亨利開心呀！
妳有心整咩亨利都咁開心啦。
回覆刪除祝亭利生日快樂!身體健康! 永遠都咁愛錫妳
[版主回覆02/05/2010 15:25:00]多謝晒你呀!!!
ha~~~sweet sweet!!!!
回覆刪除[版主回覆02/05/2010 15:25:00] hehee....
有創意，我鍾意。亨利有妳萬事足~ 睇張相都知道亨利好開心，笑得好甜
回覆刪除[版主回覆03/08/2010 10:01:00]hahaa... 我見到佢咁開心, 我都好開心呀!