<鴻福堂>自家速遞健康午餐

自從嫁左人搬離娘家之後, 我終於明白到煮一餐飯同煲一煲靚湯原來真係一D都唔容易...

依日真係好多謝 <鴻福堂> 免費為我送上三個新鮮健康午餐...   咁正, 梗係要請同事一齊分享啦!

估唔到鴻福堂的自家速遞係有咁多選擇, 包括: 自家小食 / 自家菜 / 自家蒸飯 / 自家湯 / 鮮製飲品 / 自家糖水.

而我 & 同事每人就揀左試食自家午餐 + 自家湯+ 自家糖水!  嘩, 聽到都已經覺得好吸引啦...



       

   *  用環保膠盒裝飯, 個盒之後又可以用番, so good!



       

       

我地是日餐單揀左:

我: 南瓜馬蹄肉餅蒸燕麥飯 + 粉葛赤小豆鯪魚湯  + 桑寄生紅棗蓮子蛋茶

同事 J: 豉椒排骨蒸飯 + 花膠響螺煲竹絲雞湯 + 桑寄生紅棗蓮子蛋茶

同事 N: 豉椒排骨蒸飯 + 花膠海底椰川貝百合煲西施骨湯 + 海帶綠豆沙



<鴻福堂> 好窩心, 速遞姐姐送黎既午餐同湯都仲係熱架!  原來速遞既大袋內放左幾樽大既熱水樽, 用黎keep 住 ”座” 熱野食架! 

我 & 同事們都急不及待準時開餐.  少飲湯水既我地都第一時間先飲自家湯!



前菜: 自家湯



     

*  我揀既 <粉葛赤小豆鯪魚湯> 味道都幾濃, 粉葛赤小豆可以清熱化濕, 夏天飲真係岩晒!





     

*  同事 J 揀既 <花膠響螺煲竹絲雞湯> 好清但又有好香既響螺雞湯味, 多食花膠可以美顏!  如果依個湯有埋湯料就正啦!





     

* 至於 <花膠海底椰川貝百合煲西施骨湯>, 同事 N 唔洗一陣就飲晒, 仲話好潤喉添...





主菜: 自家午餐

兩位同事不約而同揀左 <豉椒排骨蒸飯>, 而我就想試 <南瓜馬蹄肉餅蒸燕麥飯>!

同事們鍾意 “豉椒排骨” 既咬口, 唔似得酒樓多數整得好腍身; 佢地仲笑話如果有埋 “鳳爪” 就 perfect 添!  而米飯既硬度都好適中, 對整個午飯都好滿意~!


     

     

*  <南瓜馬蹄肉餅蒸燕麥飯>, 個名好似好健康既午飯!  其實我覺得依個配搭都幾特別! 不過如果南瓜肉再多少少, 相信依個蒸飯會更香同更吸引!






甜品: 自家糖水

我 & 同事將糖水雪入雪櫃, 等到下晝三點三先再黎 tea 一 tea!  



    

 

   *  多謝好同事陪我出鏡, 一齊影番張靚相留念先, hehehe...



   

  *  一齊 share 食真係會開心D架!


     

     

*   我超愛依個 <桑寄生紅棗蓮子蛋茶> !  因為佢係女人既 “補品”, 多飲可以靚上加靚!  估唔到真係有埋一隻大雞蛋, 仲有好多蓮子, 龍眼肉同埋無核既紅棗, 又唔太甜, 岩晒我地!





     

*   勁足料既 <海帶綠豆沙> 雪凍左食好好味!  又有粒粒口感既綠豆加海帶, 好味!



真係估唔到依家除左返娘家可以食到靚飯靚湯靚糖水外, 原來仲可以搵 <鴻福堂> 架!!! 想健康真係話咁易呢!



    <<  特別鳴謝 theZtyle.com X 鴻福堂 >>