花市

 

行花市, 我每一年都會做! 今年亦唔例外. 驚訝既係, 竟然無想像中咁多人…

係年三十晚屋企做完節, 我就同亨利坐車去銅鑼灣行花市. 開始行既時候已經係晚上十點幾; 不過氣氛好熱鬧. 雖然都有好多人, 但我同亨利都可以埋到每個攤檔到睇野!

以前個舊老細講過, 行花市可以轉運; 而亨利就話行花市一定要買番D野, 唔好空手出去… 所以我地好努力睇下買番樣野玩下!

今年真係好佩服D年青人, 諗到好多搞笑既吹氣玩意.  我最鍾意就係個粒大金莎朱古力, 真係好似呀.  不過, 我地都無買到; 而係買左個好有意頭既金條cushion, 仲有一個實用既小枱燈.