983 喜帖大抽獎呀!!!

 

又係時候要開始準備我既 BIG DAY 啦... 今日上上下網, 見到一張好靚既帖呀!!!!!!

張帖係由 983wedding.com.hk 設計架, 如果抽獎抽到我同亨利就好啦!!!

 

        

你地都快D去參加啦~~~
http://wedding.983.com.hk/wedding-invitation-offer/category-3.html

 

開心到震

 

新居仲未裝修好晒, Tony 同 Beth Beth 尋日已經送左一個我好鍾意既西施電飯煲 (仲可以焗蛋糕果隻) 同埋一個好實用既電熱水煲作為我同亨利新居既入伙禮物!!!!! 我一見到當堂呆左, 但又好好好開心, 真係好感動呀!!!

我既好友東尼同 Beth Beth, 好多謝你地既禮物呀!!!!!

 等我試下個飯煲焗蛋糕送俾你地啦.....

 

          

          

 

Dates European Restaurant

 

之前睇過阿蘇介紹, 係旺角有間西餐廳有正野食!!! 印象最深刻就係佢介紹個鵝肝好好味 (賣飛佛呀)...

所以果日出開旺角, 我就提議不如去試下.  不過, 我其實完全唔知間野叫乜名, 只係知係女人街沙爹王對面; 搵左一陣, 見到有張阿蘇個樣既介紹貼係門口, 啊, 係佢啦, 原來叫 --- Dates European Restaurant.

簡單既裝修坐得舒服.  野食選擇不是茶餐廳的多, 但都可以搵到至愛.  我地當然叫左鵝肝作頭盤; 跟住一個羊胺, 一個牛扒......

 

         

        

        

        

          

         * 鵝肝好味!!! HK$85 真係好抵食呀!!!

          

          * 亨利既波菜忌廉湯! 顏色好吸引呀!

          

          

           * 個羊好新鮮, 好淋又無根, 正!

           

           * 不過個牛就一般, 煮熟左少少, 有D乾...

又去澳門啦

 

亨利話要慰勞我對新居裝修既辛勤同心血, 所以準備左一個簡單既澳門珠海兩天遊一齊 happy 一下呀!!!

在澳門, 我地搵左新口岸一間墨西哥餐廳 (http://www.yp.mo/tacos/) 作為晚飯.  我地選左二樓窗口位, 環境舒服!

亨利負責發板叫野食, 竟然叫左四款大大碟既野(我都唔知)!!!  嘩, 估唔到樣樣都係好好味架!!  真係飽到爆肚.....

 

        

        

         

        

         * 依個真係超好食.... 睇個樣都知正!!!

        

        * 有我最鍾意既羊架! (不過唔係好夠蘇)

        

         * 依個超驚喜!!!  --- 芝士磨姑焗牛油果 (好好味呀!)

        

          * 仲有依個牛仔柳... (好飽呀!)

 

第二日, 諗住去依條 "爛鬼樓巷" 食牛雜 (有書介紹); 點知無開呀!!! 唯有下次再去啦...

         

 

 

台灣手信

 

好友阿飛從澳洲回港, 由於工作關係要先去台灣, 所以有心既佢買左盒好靚又好味既鳳梨酥俾我做手信...

一收到已經好開心, 因為個包裝實在吸引; 打開左仲靚, 好似一個個金磚咁呀...

P.S.   阿飛, 多謝你呀!!!!! 尋晚真係好開心同你 & 凱寧一齊食飯... Take care and see you in Dec!

 

           

            

           

           

            

 

行上太平山頂

 

辛苦左一星期, 細佬終於可以放假一天; 朝早十點幾佢訓醒, 走黎同我講不如去行山; 我諗都無諗就答: 好呀!!

我地唔駛十一點就出門口, 經港大通去旭和道, 再經龍虎山, 克頓道, 去到太平山頂...  全程差少少為一個鐘.  Woooo.... 好勁呀!

天氣藍天白雲, 雖然有少少熱, 但好彩樹下有風, 好舒服哦...  沿途同細佬乜都傾, 又一齊發現好多小昆蟲, 感覺真係好開心!

上到山頂, 行左一圈凌宵閣, 跟住食左個麥當當, 我地就返落山... 

 

        

         * 由香港大學月明泉開始出發

        

          

         

          

         

          * 我地用個望遠鏡睇野, 竟然近到可以見到有個賓賓係屋企沫窗呀~~

         

 

Best Berry

 

天氣熱左, 見到涷野就好想食...

係新都會廣場有間新野叫 "Best Berry", 主打健康唔肥乳酪, 所以去左試下...

兩食份量加五種生果或果醬, 成為 HK$47.  另有大大杯 smoothie, 咖啡同 cake 選擇呀...

   

        

         

        

 

 

雲南米線

 

之前有個馬來西亞朋友問我地一個問題: 「知唔知香港邊間雲南米線最好食? ｣ 我地都唔係好識答.  佢竟然介紹番我地轉頭, 叫我地去試下係營盤街 (at Shum Shui Po) 既 "雲南風味米線"!

尋日亨利提議特登坐車去試下...  舖頭細細但已經坐滿人, 幸好剛有一張枱埋單, 我地唔駛等...

我就叫左個酸辣雞肉豬潤米線, 亨利就要炸醬腩肉米線, 再加個炸豬扒!!!

原本我碗酸辣野, 完全同我想像既唔同... 佢係正宗果隻雲南酸辣, 多酸菜果D; 哎呀, 我唔係咁鍾意呀! 可能我碗配搭唔好, 加上個米線好似未煮熟 (有D硬), 所以有D失望... 而亨利果個米線佢就話 ok 喎!

不過, 間野真係好多人幫襯; 而價錢又唔貴, 我地仲見到有人叫氣鍋雞 (HK$60 only).