尋日係我既生日!!! 話咁快我又大一歲啦...
今年既生日對我黎講好重要, 因為 ----- 哈哈, 就係婚前(單身)既最後一個生日啦! 而且仲係 ----- 嘩, 我三十歲啦..... 正式告別二字頭呢!!! 呵呵呵!!!
尋晚真係好開心, 因為原本要返夜既亨利, 請左五個鐘頭假, 同我去食晚飯慶祝...
我放左工, 去左佐敦等亨利; (佢完全唔肯講去邊到食) 跟住佢帶我行左一段路 (near TST), 跟住上左一橦大廈, OHHH, 我即係話: 食私房菜???!!!
SURPRISE!!!!!!!!!!!!!! 好靚既(法國菜)私房菜餐廳呀!!!! 果一刻, 先感覺到原來亨利都識浪漫架喎, hehee...
坐底左一陣, 野食就續樣上; 原來亨利一早安排好晒!! 私房菜D人仲同我講: Amy, 生日快樂!!! (Oh, 真係好開心呀)
真係估都估唔到亨利識搵到依到, 因為我從未聽過有人介紹或者黎過... 不過, 依個地方, 野食同 service, 我超級 recommend D 朋友如果想用黎追女仔 or 求婚 or 什麼紀念日, 可以考慮依樹哦!
- 個南瓜湯好特別, 因為個番茄係超冰凍; 一啖凍一啖熱湯, 好好 feel 呀!
- 仲有我最鍾意既鵝肝 (加埋紅酒jelly仔!) 正!
- 個香草青口肥到以為食緊生蠔呀!!!
- 紅酒汁羊鞍，田螺天使麵，蜜桃花茶，火焰雪山 (亨利即場唱生日歌)
- 個傻佬竟然偷偷地拿我地個結婚logo去整左落頂帽到送俾我呀...
(我竟然開心到喊左出黎; 開心因為佢對我生日既 planning & 細心!)
* 多謝亨利!!! 
補祝你Happy Birthday!
回覆刪除法國菜味道好嗎？鵝肝……我就不太喜歡，但環境都幾好呀！可以嘗試一下！
真羨慕你有一個懂得浪漫的未來老公。
[版主回覆10/04/2008 23:03:00]多謝家儀!!!
法國菜好味架... 我都好鍾意食! 因為有我最愛既鵝肝...
hehee... 你快D train下阿盧啦, 要俾佢知道結左婚都要間唔時浪漫下先等架!!!
生日做乜唔同我講啊~
回覆刪除bon anniversaire
好好珍惜亨利對你嘅一切~
[版主回覆10/04/2008 23:06:00]hahaa... 驚你會太客氣唔知會做D乜, 所以唔話俾你知囉...
係唔係法文黎架???
我會架啦... 我會珍惜身邊既一切!!!
生日快樂!!!! p.s.: 我........記錯左妳係11月生日tim~~~~
回覆刪除[版主回覆10/04/2008 23:08:00]Yeah, thank you ah!!!
唔緊要, 你就當我十一月生日啦... 到時記得請我食飯慶祝喎!!!!
真係登你開心, 有個咁細心既未來老公仔, 我都想有個浪漫生日啊
回覆刪除[版主回覆10/04/2008 23:20:00]唔駛擔心呀... 你話俾佢知你想要一個浪漫既生日咪得囉...
如果佢初初唔識唔緊要, 你去prepare囉; 浪漫每個人都鍾意, 慢慢佢就知道點做架啦...
Happy Birthday! 妳 honey 真係好呀~
回覆刪除[版主回覆10/06/2008 14:24:00]多謝 DADA!!!!!
hehehe....
有時真係唔需要名貴禮物..只要有心思心意..我地已經好感動啦....heheheheheehehe.... ...
回覆刪除[版主回覆10/06/2008 14:25:00]係呀... 仲會令對方有個好難忘既生日呀!!!