難得有朋友送免費澳門船飛, 我同亨利去完蛇口兩day, 第二日就去左澳門一天遊啦...
好開心呀, 第一次去坐金光飛航頭等位; 個位勁舒服, 又有一張大枱, 仲要有野食, 成set 飛機餐咁, 野飲又任飲, 真係好正!
* 頭等位每位乘客都有一份"船餐"... 果盒係一條長方型既 Pizza! 
其實今年年頭已經同亨利黎過澳門, 所以今次再黎都係當行下 hea 下食下野...
本來想去官也街食番我最鍾意既"山度士萄式餐廳"既白酒煮蜆, 但因為亨利話想試新野, 所以今次去左試 "露素餐廳"... 野食都 ok 啦, 不過我都係好掛住間山度士呀!
* (由左上至右下) 薯容菜湯, 萄汁煮蜆, 燒豬仔骨, 四色芝士螺絲粉 [共210蚊]
由於回程船都係在氹仔上船, 所以下晝食飽之後就去左四季同埋威尼斯人行街同食埋板前壽司先上船返香港...
* (右上) 下晝忽然落大雨, 但都無損好多人既心情去排隊買大利來既豬扒飽...
不過原來上到船, 又有野食架! 
雖然第一次去澳門即日來回, 但原來都唔係好辛苦, 而且仲幾 enjoy 喎!!! 
我想去的酒店訂唔到位呀! 訂五月既價都話 FULL。唔知係咪做 PROMOTION。即日來回怕會趕。因為成好幾年都未去過澳門啦。
回覆刪除[版主回覆04/16/2009 21:20:00]嘩.... 有無拱誇呀??? 你想住邊間呀???
如果你幾年都無去, 即日來回就真係趕左少少既....
D船好靚喎 , 咁豪華 ~ 正價票要幾多錢 ? 入寶山有冇空手回 ?
回覆刪除Bye Bye !
[版主回覆04/16/2009 21:23:00]正票應該要成二百七十幾蚊一張單程!
hahaaa.... 有去不過都係去拉老虎機, 但當然最後都係俾番晒佢囉....
如果唔係免費船飛，即日來回澳門實在太奢侈了
回覆刪除[版主回覆04/17/2009 19:24:00]同意!!!
衰在香港來回船唔太平; 如果唔係間中去下都幾過癮!
我訂 MGM(美高梅) 啊! 原來咁多人住架!! 因為咁多年冇去。想玩得舒服啲又有假期咪想住一兩晚囉。點知...
回覆刪除[版主回覆04/17/2009 19:21:00]OH, 我都好鍾意MGM呀! 裡面既裝修超grand, 真係好high class呀! 不過我就未住過....
我有同事去過就話一般喎, 洗手間就用大落地玻璃間喎....Anyways, 你試左就update大家啦! Thanks!
真好! 成日見你去玩同埋可以食食食，好羨慕你呀幸福少奶奶!
回覆刪除[版主回覆04/17/2009 19:25:00]Heheheee... 你都得架!!! 唔駛羨慕喎傻妹!
澳門地方細細, 所以即日來回都ok架....
回覆刪除[版主回覆04/17/2009 19:26:00]係呀!!! 下次再去就搵你地呀!!!