飲左會由內靚到外既羅漢果茶

未睇蘇絲黃之前, 都已經知道羅漢果既好處…

近日上網了解, 原來佢既功效真係唔簡單架!

平日間中飲下, 可以解除發病隱憂, 即係排毒呀…

放左幾日復活節假期, 日日出街食…  想簡簡單單的 “進補”, 就可以煲下 <羅漢果茶> 啦!!!



只要:

1/  一個 (用水沖沖表面就夠) 羅漢果壓碎外皮, 然後將裡面既種子分開

2/  最少要放兩公升水落個煲 (即 2000ml)

3/  水滾後先放碎左既羅漢果, 用中火煲二十五分鐘

4/  跟住熄火, 攤十分鐘先飲

其實依個份量可以整到四杯架!  如果飲唔晒, 就入樽雪入雪櫃第日慢慢嘆…



     

  *  一次用一個黎煲就夠架啦!!!





     

  *  將成果羅漢果壓碎放入滾起既兩公升水...



     

  *  用中火煲25分鐘左右熄火放置一陣...



     

  *  一人一杯熱飲 (甜甜地, 都幾好味)...  飲完都覺得自己靚左! hahaa...



  

功效:

* 具有清肺止咳、涼血止血、生津潤腸的功效!

* 最多人知羅漢果係對喉痛, 聲啞同咳最有幫助; 但原來佢對高血壓、糖尿病、胃病、便秘、肚潟、炎症、哮喘、敏感症等等, 都有一定的舒緩療效…

* 羅漢果含有幾種抗氧化淨化物質, 化解體內因新陳代謝而產生的游離基, 防止游離基氧化細胞組織, 致令身體機能失調, 引起疾病.  簡單地說, 羅漢果的淨化功能, 能針對並化解廣泛疾病的源頭 ─ 游離基.

* 羅漢果有助除去體內積聚剩餘的氧化游離基, 即指出羅漢果亦能減慢因氧化而老化的情況, 防止未老先衰而逕生的臟腑衰竭現象.  因老化而引起身體機能失調的病症, 包括因血管運作失常, 動脈硬化而導致的心臟病、腦中風和老人痴呆等病變.  對於隨年齡增長而出現的老人斑、白髲及脫髲、白內障等現象亦有一定幫助.



P.S. 攝取羅漢果時, 最好係每天持續少量攝取, 如何一次大量攝取, 只會大部份排出體外, 因為除了必需份量外, 典他都無法貯藏於體內.