最近係 JUSCO 買左支和風芝麻沙律醬, 見到都覺得好味, 所以買左佢...
為左一試依隻醬, 我就去買左一D簡單既材料, 包括青瓜, 蟹柳, 獅子狗卷, 生菜, 車厘茄等...
洗淨切絲後, 加醬就食得; 嘩, 真係好好好好好味呀!!! 個味簡直同日本餐廳整既日式沙律一樣!
Well, 等我下次用黎整日式豆腐同蝦沙律先!!!
2008年4月26日 星期六
與五星級大廚學料理
尋日超開心, 因為第一次參加廚藝班; 而地點就係 SOGO CLUB, 真係估唔到原來依到有好多野學架!
今次有幸認識到導師 Nelson (佢入行已經超過廿年, 曾經做過好幾間五星級酒店; 依家就全職為烹飪導師, 為懲教處, 勵行會, 明愛同工聯會授教).
今堂我地學整三樣野, 包括: 烤味噌鮮三文魚, 日式泡菜, 炸蝦天婦羅
佢地真係好落本, 每人一大份材料, 又新鮮, D蝦又大隻, 條三文魚又肥美... 未煮已經好想食啦...
Nelson 以佢風趣既教授方法講解左, 然後就俾我地自己煮; 真係超好玩! 佢仲另外私人焗左每人一個法式燉蛋, 再開左支白酒請我地飲添, 真係開心到吖!
我地個個煮完都放係盒裡, 帶返屋企同摯愛分享. 返到屋企, 我叫食飽晚飯既阿爸媽咪試下, 阿爸試左一啖後, 就一路不停食一路叫好食! “哎呀, 我仲未食飯架!!” 哈哈...
* 環境超正!!!
* Nelson 大廚整緊法式燉蛋
* 某些調味料
* 我整天婦羅既材料
* 我條肥味三文魚呀
* 天婦羅炸粉
* Nelson 教我地點裝飾碟菜
* Ready 既法式燉蛋 －－－ 好滑 (蛋白加少薑焗）
* 我在自己既爐前影番張相留念
* 等油滾起就可以炸蝦，茄子同蕃薯啦
* 登登登登．．． 我個烤味噌鮮三文魚＋日式泡茶呀!!!!!!
(由於我個天婦羅炸得好核突，所以無影到．．．）
2008年4月22日 星期二
2008年4月19日 星期六
2008年4月17日 星期四
攀石
亨利最近學攀石, 好奇既我今日走左去同亨利一齊上課學下野…
第一次接觸攀石, 好緊張呀!! 見亨利同阿盧做熱身, 自己都郁下先…
今堂計埋阿 Sir 都係得四個人 (因為有D同學今日黎唔到), 咁我就可以問多D同了解多D…
原來學攀石要著對細一至兩號既攀石鞋架, 因為要令腳趾谷埋, D力可以更集中跟住去踏住D石; 嘩, 諗起都好痛呀!!!
見佢地練左一陣, 我終於自己去爬下… OH! 睇就好似好容易, 原來要用好多力架!! 哎呀, 我好快都跳番落黎啦…
玩左一陣, 亨利隻右手仲玩到流血, 爆開左兩隻手指既水泡… 之後阿盧又係咁, OH MY GOD!
其實依項活動, 究竟係咪貼錢買難受呀? 定係真係可以挑戰自己同段鍛鍊耐力呢???
不過，雖然都係上左一堂 ，但我都覺得好好玩呀!!!!
* 綠色衫既係亨利；相中右下角就係阿 Sir 啦，好勁架！！
* 嘩，依張笑到我呀... 好似亂黎既 spiderman 咁呀!!!
* 阿盧好留心咁睇阿 Sir 示範...
* 依個係我既背影，哈哈...
2008年4月13日 星期日
BANGKOK B.B.Q.
尋晚同亨利去左食一間佢屋企樓下既泰國菜; 最搞笑係亨利住左好幾年, 都未試過依間野… 尋晚無意一試之後, 竟然有令我地意想不到既 “味道” 呀!
本來尋晚係諗住去樓下食日本野又或者食西餐, 點知食開個兩間都無開喎! 雖然都有其他既選擇, 不過都不及去試新野既心態, 叫亨利一齊坐底食 “BANGKOK B.B.Q.” (因為佢一見多人, 就寧願買走番上屋企食… 好彩今次無聽佢講!)
驚喜一: 一睇個 menu, 就嘩左出黎, 因為價錢平都你唔信 (計番泰銖好似同之前去泰國食差唔多價錢)
驚喜二: 算係多選擇; 有套餐, 又連野飲
驚喜三: 有我地之前去泰國食過番尋咪既 “泰式生蝦” (依到都算係招牌菜, 有好 多人叫呀)
驚喜四: 內外全由能操流利廣東話既泰國人主理, 夠晒正宗
間野細細坐滿人, 出面仲有好多人等. 我地食飽已經九點幾, 仲有客架! 今次之後, 我同亨利都多個好好既選擇. 不過相信我地好快又會再去, 因為掛住D蝦同串燒 (唔記得影) 呀!!!
* 依個就係好好味但又超辣既"泰式生蝦"啦!!!
* 泰式炒蜆 --- D汁好泰味, 總之唔識形容... hehee
* 泰式濕炒豬肉河 (一般)
* 細細條既咸魚炒介蘭
2008年4月7日 星期一
Canon 新相機
亨利最近買左新相機, 我當然就係佢第一個 model 啦!!!
趁住天氣好, 而亨利又熟讀左本說明書, 佢就 suggest 去馬灣公園 (@柏麗灣) 行下影下相啦…
我都有一段時間無入過柏麗灣啦, 所以都唔知道原來起左個好靚既馬灣公園!
可能天氣好, 廿幾度又唔係太熱, 加上有D風, 所以好舒服呀!!!
以下係亨利依個攝影師既傑作; 不過每一張相都黎得不易, 因為每一張相佢都會因應唔同既環境而 set 唔同既 function, 所以 model 既笑容要 keep 住好耐. 而最辛苦個 model 既係佢好少數1, 2, 3 (先影)… 就算有數, 1同2同3之間, 都可以要隔成5至唔知幾多秒, 因為佢係依幾秒間, 係會 keep 住 set 部機…… 哈哈哈!!!! 
訂閱：
文章 (Atom)