BANGKOK B.B.Q.

 

尋晚同亨利去左食一間佢屋企樓下既泰國菜; 最搞笑係亨利住左好幾年, 都未試過依間野… 尋晚無意一試之後, 竟然有令我地意想不到既 “味道” 呀!

本來尋晚係諗住去樓下食日本野又或者食西餐, 點知食開個兩間都無開喎! 雖然都有其他既選擇, 不過都不及去試新野既心態, 叫亨利一齊坐底食 “BANGKOK B.B.Q.” (因為佢一見多人, 就寧願買走番上屋企食… 好彩今次無聽佢講!)

驚喜一:   一睇個 menu, 就嘩左出黎, 因為價錢平都你唔信 (計番泰銖好似同之前去泰國食差唔多價錢)

驚喜二:   算係多選擇; 有套餐, 又連野飲

驚喜三:   有我地之前去泰國食過番尋咪既 “泰式生蝦” (依到都算係招牌菜, 有好  多人叫呀)

驚喜四:   內外全由能操流利廣東話既泰國人主理, 夠晒正宗

間野細細坐滿人, 出面仲有好多人等.  我地食飽已經九點幾, 仲有客架! 今次之後, 我同亨利都多個好好既選擇. 不過相信我地好快又會再去, 因為掛住D蝦同串燒 (唔記得影) 呀!!!

    

       

         * 依個就係好好味但又超辣既"泰式生蝦"啦!!!

       

         *  泰式炒蜆 --- D汁好泰味, 總之唔識形容... hehee

       

        * 泰式濕炒豬肉河 (一般)

         

         * 細細條既咸魚炒介蘭