好開心呀!!!

 

尋日終於係我返左依份新工既第三個月, 時間真係過得好快呀!!!

除此之外, 亦都係我返埋依日就放七日婚假; 所以我攞左三打西餅請D同事食...

好開心呀!!! 朝早開會既時候, 老細俾左少少時間我同D同事講左D深情對話... 除左多謝佢地依三個月黎既指教外, 就係同大家講我既喜訊; 最重要係同大家講因為我唔想打搞大家, 所以無請到大家去飲, 希望佢地唔好介意啦...

之後, 最開心係收到佢地一份好大既心意; 就係一張簽晒名既卡同幾張百老匯禮券呀!!! 

P.S.  依一日係我返咁多日工以黎最開心既一日, 希望以後日日都咁開心就好啦...