Physical 做 Gym & Facial

 

最近同同事傾開, 原來Physical做緊promotion, 只要用HK$500就可以入會做gym玩半年…  嘩, 好吸引呀!!!

諗左一日, 就決定搵同事介紹入會, 我就可以享用依個優惠啦…

開始左張卡兩個星期, 去過兩次…  可能因為我去果間超多人, 最大問題係個場太細 (相信應該係最細既一個), 仲要係男女用既場, 真係已經唔係好想再去…   我已經一放工就飛去, 但都滿晒人(@6pm)!  根本玩唔到自己鍾意甚至適合既器械…   唯有求其見邊樣無人用就跑去用, 唉, 真係無乜mood玩…

我諗家下要用星期六/日去D大場玩先得; 如果唔係, 五百蚊就反而蝕番俾佢啦…

此外, 拱大個女, 第一次買左個做facial既package…  hahaa…  其實我結婚之前都無做facial架, 平時都係用下“我的美麗日記”mask / Origin 既 Drink Up / Bioderma 既去角質磨沙拱囉…

不過最近先深深感受到原來做facial 係拱舒服架… hehehe…  希望做完會仲靚D呀!!!

 

       

       * 我做 gym 唔係要減肥架, 而係要打好個底黎增肥呀, hohohoooo...

 

 

遲收的結婚禮物

 

首先要再多謝阿肥既心意...  雖然依位新朋友買俾我既結婚禮物一早已經準備左, 但到了家下我先得閒去收, 真係唔好意思呀...

Anyways, 我同阿肥果日係 Elements hea 左超過6個鐘, 真係好厲害呀!

去完 1882 食tea, 跟住行陣街街, 再接力去食千両當晚飯...  嘩, 原來開心係好容易架!!!

 

      

 

      

   *  好靚同有意思既Kitty相呀 ~~ 係我既最愛!! Thank you very much Julie!

 

 

Applegreen @ 河內道

 

上個月同左D舊朋友食飯, 去左一間好正既餐廳食, 都唔記得同大家分享一下...

多得姊妹 Mavis 提議, 去左尖沙咀河內道既 Applegreen; 夜晚七點未夠都已經坐滿人, 但餐廳女多男少, 可能因為依間野主打係 "沙律"啦...

我地叫左好幾款沙律, 又有pasta同香腸, 最後仲試左甜品...

全部都係我最鍾意食既, 由其是佢地既蕃茄牛油果沙律, 簡直係賣飛佛呀!  

 

     

       

     * 多謝阿Pat送左 Lane Crawford 既 Gift Card 作為我既結婚禮物...

 

       

     * Really happy moment........  我會再去食架!!

 

 

伊甸園 (Hall 1) 新註冊場地

 

前陣子同左我個未來弟婦去睇註冊既場地, 因為佢地會係黎緊既十二月結婚啦...

聽聞伊甸園@中環碼頭 Hall 1 有個靚場, 而剛巧佢地又做緊開放日; 所以我就陪 Elaine 去睇下啦...

原來比較靚D果個場, 就剛剛在柏麗灣碼頭既樓上... 入口地方既感覺就真係麻麻地... 不過入到去就裝修得幾靚... 好有酒店 feel... 跟住一直入就係個註冊場啦...

 

        

        

        

       

    *  入了正門, 有一張長 bar 枱... (未入窗簾前既區 - 係俾早左半小時到既新人&

        親友休息用既)

 

        

     * 入左窗簾布後, 就係來賓區 (即半小時註冊包用既場地)

 

       

    *  正式註冊既入口啦...

 

       

 * 粉紅色進場地毯

       

       

   *  大落地玻璃... 右面張枱就係用黎正式簽註用啦...

 

       

   

       

      

   *  個場既右面 (上同下的相片) 係用黎完禮後同家人朋友影相既位置...

      

 * 依邊靚D

      

 

總括黎講, 個場裡面係幾靚幾 grand, 起碼好過其他現有伊甸園既場...

不過, 唯一最大問題, 就係個背景大玻璃可能會有背光既問題; 雖然我地都問左現場一個顧問, 佢就話以專業攝影師既相機, 影出黎"應該"無問題喎.... (嘩, 真係有D危機)

Anyways, 希望到時個專業攝影師會handle到啦... (因為細佬同Elaine都confirm 左依個場啦!) 

 

 

婚後第一個燭光晚餐

婚後第一個燭光晚餐, 唔係發生在情人節; 而係最近... hahaa...

自從結左婚, 差不多日日我都在家煮飯仔, 好少出街食啦...

前排同亨利去行街街, 所以夜晚都無煮飯...
因為我無啦啦好想食pizza, 亨利就帶左我黎依樹...



      

      

環境幾好, 服務又幾好, 加埋野食都好好食, 真係有驚喜呀!

加上食滿HK$300會減HK$50, 以佢既水準, 真係抵喎!

我地食左燒雞pizza (勁多料, 好味); 仲有鵝肝牛柳配南瓜 (配磨菇湯, 正!)...

少飲凍野既我, 都叫左杯芒果 smoothies, 好滿足呀!!!

大日子的總結

 

我同亨利既婚禮可算係完滿結束.. 雖然唔係什麼世紀婚禮, 但所有既安排, 心情, 體能, 環境, 天氣都係最好既... 真係好多謝上天!  

(我整左個wedding album呀: http://ecfoto.net/awkc22dec, 得閒就去欣賞下啦...)

 

準備將會結婚既朋友, 你地可以參考以下既資料喔:  

1/ 婚紗禮服 – 顯卓

*  真係好好彩俾我揀到D襯我既裙; 當想試多兩條又話出晒街, 唉...

*  雖然依D真係一世人幫襯一次, 但佢既地面色同service真係....... 唉.....

 

2/ 註冊 – 奇妙姻典  (http://www.amazingwedding.com.hk/index/)

*  Highly recommend個幸福小教堂; 地點方便又靚又坐得多人...

*  佢地既staff好細心, 又緊張我地同我地rehearsal; 又教我地點企位, 戴介指時既手應該點放先影相靚都教埋, 掂!

 

3/ 攝影師 – KK Leung (http://www.kkbox.com.hk/)

*  有style又professional...  佢 team assistant 同 videoman 都一流!

 

4/ 化妝師 – Betty

*  有經驗, 好易夾; set頭同化妝都好有心機同好 update!

*  我已經有幾個朋友問 contact 都成功搵左佢, 真係"恭喜"晒!

 

5/ 花球 – Trinice Flowers (http://www.triniceflowers.com/wedding_bouquet.htm)

* 幾好既選擇, 因為有好多款, 價錢合理~

 

6/ 囍帖 – Joy’s Card (http://www.joyscard.com/)

* 幾好既選擇, 因為對修改既跟進快; 印帖時間又比預計快...  Good!

 

7/ 婚紗相 – 古風尚 (http://www.gfssy.com/)

*  好少香港人認識既婚紗攝影! 但其實係一間好有規模既婚紗攝影公司! 影相技術同D衫都好靚... 員工又超專業, 超有禮貌, 超好服務, 正!

唔信? 睇下佢地送既 music video 啦... (片頭分幾鐘先會開始首歌喎)

 

 ~~ ENJOY!!! ~~

 

 

GOOD SHOW - 送客篇

開心既時光過得特別快... 過多一陣間就要送客啦...

趁住仲有時間, 我同亨利四圍同朋友影相留念...


      

亨利唱歌仔

敬完酒, 又係換衫既時候; 最後一條選左A-line裙, 因為方便之後送客嘛!!!

一早同兄弟姊妹夾左, 唔想好似搞聯歡會咁中場玩遊戲或者搞抽獎, 而係會由亨利表演下, 同大家唱首歌, 當係送俾我...

但我從來都唔知佢會唱乜, 仲諗住佢唱首"愛很簡單"果類浪漫下, 娛樂下大家...

點知, 依個SURPRISE真係玩得好大喔!!!!!!!!


        

回味大日子 - 敬酒篇

食左一塊乳豬, 跟住就要換另外一條裙啦...

敬酒本來應該著條A-line裙, 方便行埋同D朋友抱抱...  hehee...  不過當我見到依條金綠色泡泡裙既時候, 我就即刻決定要著佢黎敬酒...  因為我覺得好靚呀! 最重要係可以襯D金器嘛!!!

敬酒依一part真係好開心! 唯一可惜係唔可以同晒所有既人影相...  因為我好鍾意依個look呀!


       

回味大日子 - 進場篇

完成左感動到喊既註冊之後, 我地就去酒樓啦...

兄弟姊妹各自分工未停過手, 真係無言感激...

跟住, 我就換左條勁閃既紫色晚裝同來賓影相啦...


       

    *  Jay, 我同亨利再次多謝你為我地設計左個AK logo同埋註冊邀請卡呀!!!

註冊@奇妙姻典 - 幸福小教堂

一切順利兼如時進行... 奉完茶俾老爺奶奶, 在家@1pm食埋飽飽既午餐, 跟住就即刻轉妝換婚紗出發啦...

註冊正式開始前, KK攝影師幫我影左幾張我超鍾意既相呀...


      

回味大日子 - 出門篇

計計下, 原來我同亨利結左婚兩個幾月啦…

依家睇番D相, 好似尋日剛剛發生完咁; 真係好回味, 好多回憶呀!!!

記得大日子前一晚上完頭十二點就上床訓, 但我細佬同佢女朋友仲幫我整緊第二日玩遊戲既野, 好夜先訓呀 (真係好感動)…

唔知點解心情一D都唔緊張, 仲一覺訓到天光六點起身食早餐, 等Betty化妝師黎…

到玩遊戲既時候, 我真係好想出去玩埋一份; 因為佢地笑得太開心啦…

Anyways, 真係估唔到性格堅強既媽咪, 到奉茶時喊到講唔到野!!! 而一直超眼淺既阿爸反而果一刻就無喊出黎; 不過我估佢之後去左lee埋左喊, 因為佢對眼腫左呀!!!　

    

  * 訓醒勁精神...  化番個靚妝同set個靚頭先 @7:45am...

超水準的即日剪片

前幾日終於收到晒所有既結婚相啦... 真係好好好開心!!! 雖然個Video要再等下先收到, 但我都覺得係值得既...

因禍得福, 俾我認識到一個超班既攝影師KK, 係我大日子既兩星期前誠邀佢幫我影相, 雖然埋單過萬, 不過好彩佢真係可以幫到我; 仲要到大日子既時間帶左成 team 人黎 (佢既助手們), 真係令我地大開眼界!!!

依個時候, 等我同大家分享我同亨利 Big Day 既喜悅啦:





精心挑選既歌:  曹格 - 愛愛



Remarks:  KK  -  http://www.kkbox.com.hk/ 


(未搵攝影師既好朋友, 我同亨利真係 highly recommend 你地搵 KK 依個超專業又細心既 photographer; 因為好既相片同 video, 先至可以令你地既大日子更加完美同有更難忘既回憶!!! )


　　

   * 兩本大相簿(前面)連設計埋既封面, 裝晒我地1116張相... 真係好靚呀!!!