亨利無啦啦咳左兩日; 雖然睇左西醫, 但一食左咳水, 就會人都頹晒, 要即刻訓覺...
見到佢咁辛苦, 我上網學下煲乜湯水飲好...
我咁大個女第一次去買海底椰, 無花果同埋川貝; 嘩, 原來依D材料都幾貴架... 川貝仲要成一百蚊一両呀!!!
不過, 唔緊要啦... 我只希望亨利快D好番咋!
* 依D就係無花果, 海底椰, 同埋細細包又係最貴既川貝啦...
* 南杏北杏
* 果皮要先浸軟
* 十蚊豬展洗淨
* 全部野煲一個鐘就飲得... 蘋果唔駛太早放, 煲左30分鐘左右先放蘋果會最好!
(因為太好味, 依張湯飲左一半先記得影相呀, hahaaa... )
上次我氣管敏感都是在完成中藥療程，再服川貝後就完全康復！西藥，講真沒有大效用！
回覆刪除妳對亨利真係好，佢飲完一定好快好番
回覆刪除真係廿四孝老婆，我都唔識煲湯，遲d都要學下。
回覆刪除原來川貝咁貴，咁你細細包買左幾多錢?
[版主回覆08/27/2009 14:37:00]hohoho... 我都唔叻, 要慢慢學!
係啦! 我依細細包只係半 両咋 ($50)... 不過我都唔係全部落晒, 怕太苦! 所以分兩次份量!
即依個湯煲左 1/4両!
留番 1/4 両 過兩日煲花膠飲!!!
川貝真係唔平架。如果妳買真正既非洲海底椰一樣係好貴架。咁妳 honey 飲完之後好啲未呀?
回覆刪除[版主回覆08/28/2009 11:21:00]哦, 非洲海底椰係邊度買架??
好勁呀! 飲完第二日止左咳好多啦... 好神奇! 真係貴都抵呀!
日一卜の日記 : 嘩 ~ 愛心湯水 , 未飲都夠晒滋潤呀 .
回覆刪除Bye Bye !
[版主回覆08/30/2009 19:41:00]hohoho...果湯真係幾潤架!
你知唔知一塊陳年靚果皮可以賣成千蚊，所以川貝唔係太貴
回覆刪除[版主回覆08/30/2009 19:39:00]前排睇電視見到呀!!!
不過以一個普通家庭煮飯煲湯, 依個川貝價錢真係唔平啦...
果D貴陳皮留番"名人飯堂"去買啦... hahaa...