前兩日開開心心去左尖沙咀利時行街買左兩件衫...
為左健康同皮膚著想, 相信每個人都會將買左返黎既衫洗一洗先著, 我都係一樣!
估都估唔到, 用個盆仔加水浸其中一件衫一個鐘之後, 件衫可以甩色甩到咁!!!??? 我真係眼都凸埋...
岩岩放工特登坐十幾個站地鐵去利時諗住問下可唔可以換又或退錢, 點知個 sales 姐姐講左幾廿次都話唔得... 原因竟然話佢賣左好幾件俾客, 都無人話有問題喎!!! 佢真係痴線, 人地唔洗衫又或者唔攞黎換, 咁唔代表件衫係無問題架嘛!
講真, 我都唔 expect 佢可以退錢俾我, 但至少佢可以收番俾間公司睇D布有問題同埋俾我換過第二件款囉! 話晒件衫都成 HK$200架, 頂~~~
* 估唔到依件簡簡單單既衫, 黑色既袖可以甩到成件一攤攤...
* 唉... 洗唔洗甩到咁呀???
* 連依D鏈都甩埋鎸, 離晒譜架!
* 一攤二攤, 有無得救呀???
各位姊妹, 你地第日買衫真係要好好睇清楚D質地同埋考慮顏色問題先好買呀! 如果唔係就好似我咁, 無啦啦白洗左二百蚊呀!!!!!
是日晚餐乜都無食, 因為已經一肚氣!!!!!!!!!!!!!!!!!!!
P.S. 有乜救衫既方法, 請指教指教, 謝謝~
咁貴既衫都無得退? 該應要post佢個舖頭名唱衰佢。
回覆刪除我有個舊同事都在利時開舖，希望唔係佢啦。
[版主回覆09/15/2010 21:39:00]唉, 黑店!!!!!!!!!!!!!!!!!! 後悔無影底佢間舖... 不過我果日都嬲到爆!
唔通佢認為D客買衫係唔會洗架咩? 佢都痴線架!
都唔知佢點做生意, 鬼唔望佢快D執笠, 咁衰!!!
Sales 客果陣就好好好, 有問題既時候就睬你都傻!
你都記住唔好去利時買衫啦...
我試過有次係金百利買件衫，前面有條圍巾咁既款，我都已問 sales 會唔會甩色，佢當然話唔會啦，點知洗完後真係出事啦，仲搞到機內的其他白色衫都染埋色添呀!
回覆刪除[版主回覆09/15/2010 21:44:00]唉, 唔好信D sales 呀! 佢地為左做成單生意就乜都話得得得, 無問題, 大部份都講大話唔眨眼架!
最叻就話岩岩都賣左幾件呀 / 件衫岩岩掛出黎仲好新呀 / 你著得好好睇呀 / 一定唔會甩色呀...............................
真係信佢地一成都死! 今次就當係個教訓啦, 唉~~~~
其實唔係質地既問題, 係黑色染料既問題, 黑色/深藍色都比較難固色, 染係棉料/絲質更有9成機會甩色架!!返而纖維料(運動衫/風樓/雪紡)就唔甩色!
回覆刪除你件仲要係棉質黑白配, 高風險衫!!下次買呢D黑白配衫, 一定要問sales件衫洗過水未?(因洗過水後, 甩色的機會就很小)仲要加句甩色有冇得換? (買個安心)。回家後開鹽水浸一會, 鹽係有固色既作用, 如果浸完冇甩色, 下次你就可以放入洗衣機用(soft mood洗);如果浸完甩甩地色, 下次就要用手洗, 仲要係快速地洗, 千其唔好浸。如果成件衫係黑色, 一定要同淺色衫分開洗(預左佢甩色)。
而家係件衫咁, 冇得救架啦! 唯有當係款著返幾次先掉 今次就當比錢學野啦!
[版主回覆09/29/2010 08:40:00]嘩, 嘉應子, 真係好多謝你呀!!! 真係令我學識左好多... 我下次買衫一定會好小心架啦, 因為唔想咁無左D$$$$.......
家陣件衫真係變左訓覺衫, 係屋企著番夠皮算... hahahaha....