高水準兼抵食的fusion午餐

時常在港島區出沒的我, 

難得有個住九龍的好友介紹, 

這天就一齊去左佐敦嘆了一個很不錯的午餐! 

餐廳就在尖沙咀柯士甸道香港童軍中心斜對面, 

都幾容易搵~

餐廳環境開揚~ 

雖然樓底不算高, 

但一排梳化位置配以一大幅窗的天然光, 

還有不少水種植物, 感覺令人舒服! 

餐廳更以大透明玻璃木門設計分隔外面的露天餐枱, 

喜歡坐室外嘆美食和暢飲的朋友又多一個好地方!

我地order左兩個lunch set一齊share~ 

侍應都好細心問我地是否share並送上兩隻餐碟!

這天的餐湯是甘荀忌廉湯~ 

口感好滑而且好香甘荀味, 

飲完好想再添! 

配以相信是自家製餐包?! 

麵包好鬆較又新鮮, 好好味!

Set lunch除了有餐湯外, 

第二道菜有希臘沙律或挪威煙三文魚沙律~ 

由於我地share, 所以都分別order了一款! 

估不到沙律的份量都頗多, 而且賣相吸引! 

尤其希臘沙律的材料好豐富~ 

有feta cheese, 紅黃椒, 青瓜, 紫洋蔥和橄欖, 

味道清新特別, 食完好開胃! 

至於挪威煙三文魚沙律也不錯, 

幾塊大大的新鮮煙三文魚, 

淨食頭兩道菜已值回票價! 加分!

等左一陣我點的"香草檸檬燒雞半隻"先送上~ 

燒雞明顯是春雞size, 

但肉質外脆內嫩, 

加上充滿淡淡的香草檸檬香味, 

半隻兩人share食有點不夠喉!

而朋友揀的"香煎西冷扒配紅酒汁", 

廚師竟然預先為我地切件才上碟, 

實在太貼心! 

五成熟的鮮嫩西冷肉質剛好, 

淋身得來又帶點咬口, 好味!

午餐不包餐飲, 我地另加每杯$28的咖啡(可選甜品)~ 

雖然味道一般, 仲好似有點貴~ 

但在這舒服安靜的環境下嘆杯啡、傾下計才算完美的一餐!

Chelsea Garden & Restaurant

地址: 佐敦柯士甸道7號UQ Place 4樓