阿詩瑪

 

 

同 PAMS 成員(今次五缺一)食飯, 今次選擇左去雅蘭中心, 因為地點比較方便...

 

雅蘭都有好幾間食肆, 但今次我地去左 "阿詩瑪" 食雲南野! 

 

睇下個 menu, D野同京川上海野食差唔多, 我都唔係好識分啦... 不過我地叫左好多大路野, 包括: 過橋米線, 小籠飽, 篙菜同乜乜肉配薄餅等等...

 

講真, 野食真係一般.  好彩我地book左枱, 四個人坐一張大卡位舒舒服服.  其實間野地方唔係好大, 不過裝修都好配合.

 

可惜, 最討厭既事, 就係D伙計每隔一陣就問你: 仲要唔要個menu呀 (趕住收番個隻)? 又或者問你依碟仲要唔要呀 (D野食好明顯仲未食晒)?? 真係好影響囉!!!  其實佢地依種過份既"勤力"態度簡直係趕客...  我地想坐多一陣都好似周身唔聚財咁!!! 最後都快快埋單走人去飲野....