好開心呀! 又一成功之作 – <薑汁撞奶>!
從前在娘家時, 媽咪間唔中都會整薑汁撞奶俾我地食… 因為佢話又容易整, 又健康! 但係, 我就無問佢點樣整, 因為如果以前一想食, 只要同媽咪講, 佢就會整係我食啦!
前幾日返娘家, 終於忍唔住叫媽咪表演一下啦!
嘩, 原來材料簡單之餘, 整完食埋都唔駛半個鐘咋! 真係快靚正…
其實整依個薑汁撞奶, 最重要係留意當中既 “技巧”!
步驟 (以兩小碗份量計):
1/ 預備好較乾身既薑
2/ 一定要用 <維記> 鮮奶 (因為只有用水牛奶先至可以撞得到架!)
3/ 磨薑汁至少要用五蚊 size 咁 (在碗中); 如果鍾意薑味濃, 當然可能用多D薑汁啦!
4/ 用中小火煲盒 <維記> 鮮奶 (同時間放一茶匙糖). 依一 part 係超重要! 係要好留意個火... 當一見到煲到奶既圍邊出現好多既泡泡仔, 就要熄火啦!
5/ 跟住動作唔可以停咁拿住個煲同埋個量杯
6/ 互相好似拉絲襪奶茶咁互拉, 第七下就倒入個碗度
7/ 等五至八分鐘, 成功左! 食得啦!
今次係我第一次整咋! 真係超開心成功整到! 真係要多謝媽咪傳授左個咁正既 “秘訣” 俾我!
P.S. 薑汁撞奶有溫補同驅風既功效. 平日鍾意飲凍野或生冷野既人, 應該多食薑汁撞奶, 因為可以調整過寒的體質 & 有驅寒暖胃之功效. 而且仲有養顏同治胃痛的功效架!
* 材料簡單到只要有: 維記鮮奶, 薑, 磨薑器 & 量杯就 OK 啦!
* 一碗最少要有五蚊 size 既薑汁就一定整到 (凝固) 架啦!
* 撞完等五至八分鐘… 你睇, 凝固左啦!!! 成功左啦!!!
* WOO, 又滑又香既 <薑汁撞奶>… 一碗真係唔夠喉呀!
我試過，失敗左啊！好難撞呢！
回覆刪除[版主回覆03/24/2010 11:15:00]只要你知道左個技巧, 就一定會撞得到啦!
真係好易架咋~ 我都好鍾意食, 有時間都自己整! 唔使出去食, "葫蘆館"要成$20碗...
回覆刪除[版主回覆03/24/2010 11:19:00]係呀!! 又易又咁健康, 我依家都會得閒就整啦...
嘩, $20碗真係唔平, 又唔新鮮! 都係自己整最好!
你好成功啊！但我覺得又唔係一定成功架！
回覆刪除[版主回覆03/24/2010 11:20:00]Yeah! 超開心呀!
係呀! 個步驟錯少少都可能撞唔到...
我估你整得好過葫蘆館呀...前幾日睇完你個blog, 今日路經葫蘆館一於食番碗先, 點知...唉!有點削, 成廿二蚊碗架...味道當然無問題, 只係食得唔夠開心囉, 你個碗仲靚D.
回覆刪除[版主回覆03/26/2010 09:41:00]嘩, 你咁讚我真係好好好開心呀!!! 多謝你呀!
雖然我未去過葫蘆館食, 不過如果成廿二蚊碗, 真係唔平! 除非佢係即時整啦...
唔多靚既主要原因大多數都係佢地要一早整定左(唔夠新鮮)囉! 唔緊要啦, 其實自己整都好容易, 你都試下呀!!!
其實我未食過，但聽你咁講都想試下整，而且我係寒底，都應該幾啱我食。
回覆刪除[版主回覆03/29/2010 10:07:00]寒底一定岩食啦!!! 因為佢有驅寒暖胃既效用架! 你快D整黎食下呀!
我以前都整過, 不過唔係太成功呀~~~ 等我又試下你的方法先~~
回覆刪除原來高鈣但低b奶都得架~!
[版主回覆03/29/2010 10:08:00]只要跟依個技巧去整, 就一定會成功架!
hehee... 無錯! 係維記就得架啦...
日一卜の日記 : 聽人講整就易 , 好食就難 . 好犀利呀 ~
回覆刪除Bye Bye !
[版主回覆03/29/2010 10:10:00]普通野黎架咋.... 你都一定會整到!!! 女仔最好食多D... 你都整黎食呀!!
嘩~ 又有好0野食啦喎!! 上星期我整布甸，媽咪食到讚不絕口 。我話下次整薑汁撞奶比佢食，不知幾開心。好耐之前我都整過一次，已經唔多記得點整，等我用妳條Formula 整下比媽咪食先得, THX ~
回覆刪除[版主回覆03/30/2010 14:30:00]你都好叻喎!!!
等再熱少少, 我又再整布甸食下先!
係呀, 你試下跟我果個方法黎整呀! 好正架!
真係好滑噃。要拉奶個 PART 要唔要快架?
回覆刪除[版主回覆03/31/2010 09:52:00]新鮮整一定有好滑既效果...
至於拉奶, 唔洗要特別快架... 只要一熄火, 跟住就用正常速度, 倒入量杯(由底至高)拉... 撞第七次就OK啦!
Amy, 我今日試左啦! 成功左一半咋，我整完等左9分鐘，半凝固咁!!! 面頭放到隻匙上去，但係入面就唔夠固體，可能拉個陣唔夠好掛!! 不過我會再試的
回覆刪除[版主回覆04/07/2010 10:50:00]牛牛, 好開心你試到呀! 下次再試下拉既時候, 好似拉奶茶咁高低手拉, 撞出黎既效果應該會好好多架!
繼續努力喔!
飲咗幾次羗奶了!!!!!!!!!!
回覆刪除[版主回覆02/04/2012 13:37:36]吓, 如果跟住我以上既步驟, 應該無問題架!!??
可能羗未夠老啦, 同埋我係用煑食探熱針, 一到77°c熄火...anyway, 多謝你覆我
回覆刪除[版主回覆02/04/2012 20:50:29]都唔係架~ 我都無理薑老唔老~
我相信最大既問題係用左探熱針了~
為何要77度呢?
我次次都係望到D奶在煲邊有泡泡想開始滾起時先熄火就左右倒就OK架啦!
你再試下呀!!! ^^
上網學話75-80°c, 所以用平均數^^, 今日買了全脂奶 (平時用半脂) 不成功不罷休!!^^ thanks again, you are so kind
回覆刪除[版主回覆02/07/2012 14:22:14]哎呀, 一定要用水牛奶先至得架!!!!!!
你用維記試下啦, 其他任何牌子的都整唔到架~
用左維記包你整到! :P