Day 2: 鼎泰豐, 中正紀念堂, 九份, 基隆
朝早十點半六人由酒店出發, 分兩架的士去 <鼎泰豐> 總店食 brunch!
一個字, “正”! 簡直係原汁原味, 又唔洗好似香港咁等幾個鐘先有得食! (食完之後媽咪仲叫 Day 3 又黎食呀! 可想而之係幾好味呢!)
食飽之後, 我地就行去 <中正紀念堂>, 影番 一兩張相, 到此一遊吧!
依日既重點, 就係去 <九份> 同埋大家都未去過既 <基隆>…
雖然又係落住長命雨, 但都無影響我地既心情…
首先, 媽咪買左三個好好味既花生卷連雪糕; 雖然依個配搭好似有D怪, 但原來食落去真係好香口同好好味架! (下次如果再去一定會再食)
跟住我地就去左 <九份老麵店> 試下個牛肉麵, well, 唔差喎! 而且碟青瓜仔都好好味架!
食飽無耐, 我地就搵左間有幾層高既 “Cafe” hea 下, 名為 <觀海山>! 真係估唔到坐得舒服之餘, 野飲又好飲, 望出去既環境仲一流呀!
最後, 我地攰攰地坐大巴去基隆繼續 happy 啦…
見到Ｄ相都知你玩得有幾開心啊！
回覆刪除[版主回覆03/15/2010 15:56:00]都係架! 如果唔落雨就仲 perfect 呀!!
我未去過基隆... 但岩岩我同事去完, 佢話個夜市都係同士林個d差不多咋喎...
回覆刪除[版主回覆03/15/2010 15:57:00]Well, 都係架... 我覺得似香港女人街多D添... 如果講岩行, 可能士林會好DD...
台灣真係唔錯咁喎 .
回覆刪除Bye Bye !
[版主回覆03/15/2010 15:57:00]你見我一年去三次就知啦...
一家人去, 好warm呀!!
回覆刪除[版主回覆03/15/2010 15:59:00] 係呀! 細細個既時間, 爹地媽咪就帶我地去旅行... 依家到我地大個啦, 我地係好應該帶(陪)佢地去玩下架!
望出去的山景幾靘，不過感覺好高又有點驚
回覆刪除[版主回覆03/17/2010 10:32:00]居高臨下真係幾好 feel 呀! hehee...