因為上個月萬寧所有原價產品有75折, 所以我就買咗支 BIODERMA (for sensitive skin)既潔膚水試下. 折咗之後唔駛150蚊 (250ml), 真係好抵!! 好 surprise, 真係幾好用. 依隻牌子仲要話係醫生推介添, 果然唔同!!
買依支野個盒裡面有張類似會員申請表, 我當然會填完寄返去, 等佢第日有新product 或者有試用裝攞既時, 有著數呀嘛! (依D唔會淨係師奶先會做, 唔執輸既野, 我都會做架, 哈哈)
拱, 依個迎新禮物, 就係俾我去免費試一次“活膚療程”. 由頭到尾, 我都以為去做個facial罷, 所以一去無妨! 點知, 竟然有驚喜喎! 間野原來係 Reenex, 我係雜誌都見過… 個 Esthetician 好 nice, 同我做皮膚分析, 了解我既皮膚問題, 令我識咗好多野 (感覺好似Shiseido個人化妝指導咁pro既環境); 不過當然, 佢會介紹個 treatment, 原來根本唔係什麼facial, 係一個面部既 “循環更生活膚療程”, 重點係改善皮膚質素, 刺激骨膠原再生. 雖然心裡面都知道係好貴, 不過了解一下都好呀!!
個免費 treatment 加 facial (另加$280)約一個鐘多, 好舒服哦!! 當然, 效果更係好過唔做啦!! 担白講, 即時係睇唔到有乜特別效果 (好似打彩光原理).
之後做評估, 仲介紹個療程12次(兩星期至一個月做一次), 連埋 facial 價錢加個8折都要成九千幾蚊, 嘩!!!!!!!!!!!! 一個字 --- 貴!!! 我話太貴啦, 要考慮一下先. 佢都真係好好人, 無為難(大公司真係唔同D); 最後仲送咗一套Q版 Bioderma 俾我用呀!!
不過, 返咗屋企, 效果有D出喎, 睇到面既皮膚係唔同咗, 有彈性咗同有光澤, 唔似一般自己用完mask, 總之唔識講…. 點都好, 食物同生活方式其實都影響我地皮膚架!! 想靚D, 都係開心多先啦! 
Remarks: 各位姊妹, 如果對Reenex個treatment有興趣試, 話俾我知啦, 因為佢俾咗兩封invitations我送俾朋友! 有時間既, 你地都去試下, 我好recommend呀!
有時真係不得不對日本人寫個“服”字!! 點解? 因為佢地D野無論係食, 用, 定係著, 包裝一定係最靚行先; 就算果樣野食根本係唔好食, 又或者果樣根本係唔實用… 但係佢個外表已經被吸引住啦!!
上個星期六同亨利行街街, 經過新都會廣場 --- 依, 拱多人既? 嘩, 原來係日本人最愛整既迷你小東西, 仲差唔多全部show晒出黎呀!!! 咁岩有帶相機, 我好似傻咗咁狂影, 因為真係好得意呀!!!!
P.S. 依個小展場會擺到下個月十九號. 有興趣既你地都去睇下啦…
* My dream kitchen ah!!! 
* hahaa...駛唔駛似到咁呀???!!! 
* Wooo....連我最鍾意既多春魚都有呀!!! 
哎呀! 又係依D news! 什麼「陰盛陽衰」情況持續, 仲要預計30年後，男女比例將跌至7比10! 而25至44歲既適婚年齡組別仲要係重災區，男女比例係6.64比10。
不過唔駛驚, 個報告係假設依家既生育率同入境政策不變，先計到依條數! 但係原來每年都有超過2萬個港男返內地娶老婆,唉… 搞到好多港女既待嫁情況嚴重。
究竟依D都係因為港女太叻, 定係男人太蠢呢? 又或者係北方姑娘比較溫柔似水呢?? 到最後, 香港會唔會充斥干物女, 女人繼續叻, 繼續強, 繼續享受自己既生活呢?
坦白講, 港男既水準真係好參差。靚仔又多數無本事無本心; 事業有成既, 你又接受唔到佢個地中海同大肚腩; 中規中舉既, 又話唔夾無feel… 你話呀, 究竟係男人有問題呀, 定係女人自己攞黎??
不過, 最近聽朋友講, 原來想生仔呢, 個男人就最好食多D清淡野, 食素最好添! 如果想生仔, 就食多D肉啦… 呵呵!!
以個人黎睇, 為咗將來個仔女, 一定要生個仔就最好啦… 起碼擔心少一樣野: “嫁唔出”!! (哎呀! 我諗依句都係收番先… 因為小女都係未嫁架!!) 
首先要多謝小寧子急call我dinner…亦都好開心見到飛哥仔從澳洲返港, 而且忙到爆都搵我地食飯.
其實個感覺真係幾搞野, 因為以前讀中學無乜兩句; 反而家陣就拱friend, 真係好難得! 雖然一年可能先見一兩次, 但係個心同感覺就close咗好多 ---- 因為依個朋友真係唔同咗! (真係好少見D男人咁顧家同錫老婆同仔仔; 話晒仲係叫後生細仔嘛! 不過都要恭喜佢老婆又有第二胎囉!!) Dinner中, 當然少不了提及“舊史”啦… 哈哈哈哈!! 原來依個飛哥, 讀中學時已經係一個活動搞手兼骨幹. 佢一出聲, 好容易就有十幾廿人join, 真係勁! 好彩我都有join過, 不過印象就好模糊啦… 有D中學同學既名都唔講唔醒起果隻. 講真, 真係有D掛住佢地同埋好想見下佢地依家個樣呀!! 就係因為咁, 我地三人就發起搞個Form 3A同學既 gathering. 雖然好多人都無聯絡開, 但我地會開始發散人去搵; 依個大“project”, 有可能要搞成年添架, hohohooo…阿飛竟然話俾我地知, 佢仲有keep住以前張點名紙呀!!!!!!!!!!!! 嘩, 簡直係“經典”呵!!! 
* 咁都俾我搵到依張相呀!! ("紫色"小寧子同"右一男"阿飛) - @1993
* 不如一齊笑下啦.....睇番真係好好笑 ---> 青蛙大眼鏡既我!! 
(好樣衰)
* 每次聖誕聯歡會我都會整壽司架!!! 
