依排忙到不得了, 除左跟結婚野, 就係搬野去新居…
黑左咁耐既我, keep 住繼續黑…. 繼其中一個姊妹因健康問題幫唔到手之外; 最近又有一個姊妹因老公家有事, 有一大半可能不便參與喜事, 最後又要我好唔好意思地搵左第二個頂上… 真係唔知叫好彩定唔好彩…
上星期日去左個好友既婚宴, 好開心好感動; 本來可以 post D相出黎分享下, 點知張卡無啦啦死左… 真係好無奈!!!
前幾日去左同酒樓傾各項細節, 發覺佢地真係好 prof, 令我安心好多… 酒樓誇張到下個月只有五日個場係無婚宴咋, 可想而知有幾勁! 但佢地都好細心, 俾我同亨利係依五日內搵一晚俾一個鐘頭我地包左個場去試碟, 聽歌, 感受個效果; 嘩, 真係唔贊唔得呀!!!
不過好可惜, 我個好朋友攝影師, 到依家都未俾到個成長片段 video 我地, 連個demo 都未有呀!!!! 真係好唔開心, 前日仲差少少同佢係電話內開火… 係, 自問係一個緊張既人, 更何況係婚姻大事既事項呢??!! 依家距離我同亨利既大日子真係只有一個月, 開始忙依樣忙果樣; 到時佢整左, 我地都未必有時間即刻睇, 睇左又可能要改; 個陣時就更加無時間…. 唉… 究竟個個攝影師做得耐係咪都係咁既呢?????
小弟今日初到貴境,盤包食盡,家下表現雜耍!!嘻嘻!
回覆刪除有時間黎我bIog睇下啦!!多多指教!!
[版主回覆11/21/2008 13:39:00]haaaa... Thanks for your cute panda, i like it!
你個 blog 都幾 ok 喎!!!!!! 得閒會黎探你啦...
傻豬 知你忙喇.......呵番.......呢D嘢.......我又幫唔到你......慢慢來喇.......唔好蚊啊.........到時唔靚啊.......知冇
回覆刪除[版主回覆11/22/2008 11:34:00]多謝你阿肥... 好掛住你 ... 不過真係忙到XX....
希望唔好再咁黑!!!!! 依排開始緊張, 下爬爆晒瘡添呀...
take it easy 啦，反正你個攝影師係朋友，信晒佢得啦
回覆刪除[版主回覆11/22/2008 11:38:00]唉, 希望唔會信錯人啦!!!!!!!!!!!!
阿盧, 我同亨利果日都好靠你, 真係辛苦晒同多謝你先呀!!!