話咁快又過完年, 聽日又到三月啦; 時間真係快到你驚…
今年好開心, 因為第一次派利是!! 最開心就係有有心既好朋友黎同我拜年啦!!!
我細佬同佢女朋友係最早的一群黎同我&亨利拜年; 果日一齊睇完果日一齊睇完“游龍戲鳳”, 就到我新居玩啦…
* 媽咪買俾我擺既吉仔同池姑仔 (我估係) hahaaa....
* 裝滿日本買返黎既零食
* 搞笑既細佬...
* 亨利教緊第一次學結他既細佬...
* 細佬送黎既厚禮... 對我都咁客氣, 真係俾佢"激死"!
好開心我舊公司既仔女都有黎, 雖然無黎齊晒, 但我地都玩得好開心…
姊妹Mavis仲送左副好靚既麻雀俾我!!! 最搞笑就係我地又無麻雀枱玩, 最後竟然諗到用兩個環保袋舗實枱黎打, 因為可以防滑同唔會整花塊玻璃… 但跟住又因為D袋邊阻住, 所以走左落樓下文具鋪, 買張雀紙頂住就算, wahahaa… (原來爛賭起上黎真係乜都得架!!!)
* 好好味呀! Thank you Mavis (from 健康工房)
另外, 多謝我既PAMS成員黎探我, 雖然Polly身在日本, 但唔緊要, 我地都好掛住你同等你三月尾既凱旋回歸架!
多謝你地送左個Kenwood電磁爐俾我呀, 真係好靚, 我好鍾意呀!!!
亦都好多謝Sally送左套Crabtree俾我作為結婚禮物; 好香, 支淋浴液同香水好正呀!!!
* 恭喜Sally你有左四個月, 希望你個BB快D出世, 活潑可愛, 聽教聽話, 快高長大...
* 死黨Doris生日, 我送左本佢最鍾意既兔仔簿俾佢呀!
仲有呀, 我第一次浸咸金吉, 好好玩呀!
因為公司有擺吉, 同事都好好, 留左一D俾我浸…
洗乾淨, 排好晒, 然後再風乾兩日; 買定粗鹽, 就可以入樽啦…
* 等幾年後我再話俾大家聽佢浸成點啦, HAHAAAA....
六日既台灣之旅好快結束啦...
由於我地夜晚機, 所以我地最後依日仲有時間去shopping...
我地去左101同誠品信義店, 仲買左好多煮野食既書添呀!!!
臨走去到機場, 好開心個閘口就係正Hello Kitty候機室; 而亨利亦都俾我作最後衝刺, 買左兩小袋野, heheee...
總結:
台灣真的變了, 變到成個日本咁... 野食同買野都仍然好平, 好抵玩... 而台中清境, 更係我地既新發現, 真係好難忘... 希望下次再去台灣既時候, 可以去下高雄墾丁啦...
依日好開心, 因為我同亨利都可以試晒台灣最出名既食店 – 鼎泰豐 & Hello Kitty Café.
訓到十點起身, 依日既 brunch 就係去食小籠飽啦…
我地叫左碟前菜, 一籠五粒既蟹粉小籠飽同一籠五隻既菜肉餃… 真係好好味, 皮薄多汁, 夾起又唔易穿喎…
佢地既招呼仲係一流; 我地仲見有好多日本人黎食, 而好多伙計都能流利既日文, 真係勁呀!!!
跟住行左一陣街街, 好開心係三越買左兩 sets 超平既SK-II; 佢地好似SOGO咁做緊新春大減價, 個化妝姐姐仲送左好多 samples 俾我添!
去完淡水, 接力再坐捷運去劍潭站逛士林夜市...
依到同以前一樣拱旺, 我仲買左好多靚靚飾物添呀!
最開心就係我同亨利用左唔駛港紙一百蚊, 就夾到幾個得意公仔啦...
每夾一次都只係台幣十蚊(=HK$2.5); 如果連續夾廿次都唔中, 佢地就會送一隻俾你, 就係抵玩呀!
* 亨利夾到一個好得意既玉米仔呀!
因為我未去過淡水, 所以一返到台北亨利就帶我去逛逛...
Check-in 完 Hotel 73, 我地就坐捷運去淡水啦...
* 感覺似去左長洲... hehee...
玩左兩日台中清境, 我同亨利都唔捨得走...
跟住我地又坐返三個幾鐘車(兩程大巴加高鐵)返台北啦...
睇完羊show我地就落山, 好開心見到好靚既日落呀...
民宿主人話清境農場既旅遊中心附近有間雲南小吃好好食, 所以我地都走左去試下作為我同亨利既晚餐...
依一次, 令我深深愛上又乾淨, 又純良, 又可愛, 又好摸既羊羊呀...
我依家好掛住佢地呀...
多謝亨利用連環快拍同我&羊羊影左拱多靚相...
依日同亨利去左紐西蘭一天遊, 哈哈(真係好似呀), 因為依日(@清境農場)除左有得睇剪羊毛外, 仲有趕羊表演, 同埋同左好多羊羊影相, 好鬼開心呀!!!
Check-in 完第二間民宿, 屋主又車我地去睇羊 show (@2:30pm) (100台幣一位入場, 超平)...
我同亨利準時去到, 見到D羊已經超興奮; 原來都有好多人等睇個羊 show...
個 show 既主持係來自紐西蘭既西人, 但佢竟然用流利既國語介紹, 因為佢話自己嫁左個台灣老婆喎, hahaa...
住左一日"香格里拉空中花園", 我同亨利就 check-out 再住第二間.
依到既人真係好好, 好有心, 好好客; 第二間民宿既屋主中午就揸車黎 Starbucks 接我地去 check-in @黃慶果園民宿, 真係好好呀!
第二間既民宿離香格里拉空中花園大約有五至十分鐘車程, 我地一直向山上走, 原來環境更靚喔...
* 第二間個名真係有D娘... 不過, 屋主話夏天既時候依到有好多生果食架喎...
台中清境有小瑞士之稱, 原來真的不是浪得虛名!!!
依兩日, 真的深深感受到... 環境真係好似一幅畫呀, 眼前究竟係咪真架?? 點解全部既民宿都係用 house 型設計?? 我其實係咪去左瑞士呢??
朝早食完旅店包既早餐, 我地就出發去台中啦...
心情勁興奮, 因為睇書既介紹實在太正; 所以我地都好緊張...
在台北車站買高鐵飛, 舒舒服服的坐左一個鐘就到左台中啦...
跟住我地就接力一個鐘去坐中型巴士到“浦里”; 落左車, 去左 KFC食個快餐, 就再坐多個幾鐘去我地去台中既目的地 --- “清境”!
由台北去台中清境, 共用左三個幾鐘車; 最初一聽到亨利講要坐拱耐車, 我已經唔想去, 因為我真係好怕坐太耐車... 不過, 黎到見到, 真係覺得好值得; 我仲同亨利講要每一年都黎呀...
去完北海道, 返港唔夠十二個鐘, 又執過行李起行 --- 開始我地蜜月既第二站, 台灣!
自差不多十年前去過台北後, 拱大個女都無再去啦... 所以今次對台灣都幾有期望, 好彩依個蜜月同樣 perfect, 仲有大發現, 真係好難忘呀!
本來計劃係直飛台中先, 由台北返港架; 但飛台中既機票都full晒啦, 所以唯有飛左去台北玩先啦...
一早起身要同 Kiroro Resort say goodbye 啦... 我同亨利一定會再黎架...
跟住我地就去 JR 札幌車站 shopping 同自己搵野食...
本來我地想食迴轉壽司, 但最後我地都係去左拉麵共和國食正正既味噌湯底拉麵!!!
去小樽之前, 我地去左狸小路同附近既商場 shopping, 真係買左好多野食呀!!!
跟住就驅車去左小樽... 真係到啦! 我地影左好多相...
然後, 仲去左一間用 Hello Kitty 杯裝咖啡既 “銀之鐘”休息下; 飲完之後套杯仲係可以攞走架!!!
之後去左水晶音樂城買左個得意音樂盒...
依晚返左酒店食法國菜, 一個字 --- 正!!!
亨利又加$$食左個超正既十勝牛, 我地依家仲好掛住塊牛呀!
