朝早食完旅店包既早餐, 我地就出發去台中啦...
心情勁興奮, 因為睇書既介紹實在太正; 所以我地都好緊張...
在台北車站買高鐵飛, 舒舒服服的坐左一個鐘就到左台中啦...
跟住我地就接力一個鐘去坐中型巴士到“浦里”; 落左車, 去左 KFC食個快餐, 就再坐多個幾鐘去我地去台中既目的地 --- “清境”!
由台北去台中清境, 共用左三個幾鐘車; 最初一聽到亨利講要坐拱耐車, 我已經唔想去, 因為我真係好怕坐太耐車... 不過, 黎到見到, 真係覺得好值得; 我仲同亨利講要每一年都黎呀...
* 坐高鐵到台中 (一個鐘就到啦...)
* 到左台中就再坐一個鐘去埔里; 跟住再坐另外一架大巴去清境...
* 到左"清境"啦... 我地第一晚就住 - 香格里拉空中花園
* 屋主的狗狗
* 我地就係住一樓有小露台的房啦 (3,000台幣一晚 = HK$726.4)
* 香格里拉空中花園外的景... (我係咪去左世外桃源呀???)
* 十一度都唔覺得凍喎...
* 房門外的環境, 好 warm 呀!
Remarks:
香格里拉空中花園 official website: http://www.shangrila-resort.com.tw/
真係好靚喎 , 值得坐咁耐車 .
回覆刪除Bye Bye !
[版主回覆02/10/2009 21:21:00]係呀, 真係好靚呀.... 之後果D仲精彩呀, hehee...
十一度唔覺凍，但我睇你honey著衫著到負一度咁樣喎
回覆刪除[版主回覆02/12/2009 20:37:00]hahaa... 佢係怕凍左少少...
不過依到一早一晚都真係凍架! 因為此終都係高山上面嘛...
HIHI ..first time to visit your blog~ 我黎緊4月都BOOK左呢間住2晚...好期待呀~~
回覆刪除[版主回覆02/28/2009 00:13:00]好多謝你黎 visit 我個 blog 呀!!!
OHHH... 依間香格里拉正呀!!! 民宿既人又超好客, i love it!
Look forward to your photos later!
你好, 我嚟緊4月尾想去清境, 可以俾多d交通方面的資料我嗎, 謝謝你呀
回覆刪除[版主回覆03/14/2009 22:01:00]你好呀! 你會在台北出發定係台中呢???
只要在台中高鐵站地下買飛, 坐一架中型巴去"浦里"(一個鐘頭only); 跟住在總站落車... 再轉一架大巴上山去清境...
p.s. 等我問下老公再send多D車既時間俾你睇呀!!! :)
唔該晒你啊, 我打算台中入台北走, 都係想住黃慶果園, 不過仲plan緊
回覆刪除[版主回覆03/16/2009 21:00:00]唔駛客氣... 希望你地都玩得開心啦...
黃慶果園正呀!!!!!
hihi~ 我都岩岩去完台灣呀!! 本來都想spend d時間去清境架~ 不過因為時間上安排吾到時間, 最終只係去台中玩左一日咋~ 見到你d相, 我真係好想去呀!!!!!!!
回覆刪除[版主回覆05/06/2009 21:13:00]Hello~~ 你好呀!!
你今次去左台中玩咩呀?? 市區同台北係咪差唔多架??
雖然你今次無去清境, 唔緊要啦... 下次再去過!!! (不過記得一定要去呀!!!)
你好!因為我都想去清境..so係yahoo搵到你個blog, 我有d野想問下你架.. 搭完高鐵係邊轉車去埔里? 同埋到左埔里再點轉車到清境?? d車係咪好少好難等架?!大約幾$?
回覆刪除p.s你間hotel好靚呀!! thanks~~
[版主回覆05/14/2009 22:58:00]你好呀! 多謝你黎參觀我個blog呀!
如果你係由台北坐高鐵, 你就要到 台中客運站下車; 跟住坐"台中客運" (@G/F, 好易搵)往埔里... 再由埔里轉乘"南投客運"往清境... 台中 -> 埔里 999號 (NT 150) 100min ( 每 15min 一班 )
落車後就去對面既KFC旁既"南投客運"站買車票, 坐 「埔里 - 清境」或是「埔里 - 翠峰」的 " 南投客運 "... 埔里 -> 清境 ( 南投客運 ) (NT 98) 45min
重要資料 : 公車時間表
埔里往清境 0600 ﹑ 0710 ﹑ 0835 ﹑ 1020 ﹑ 1400 ﹑ 1635
清境往埔里 0720 ﹑ 0935 ﹑ 1030 ﹑ 1210 ﹑ 1610 ﹑ 1810
＊以上時間以南投客運最新公告為準 ＊南投客運（埔里站）電話: 049-2984031
唔該晒你呀=) 不過好驚趕唔到d客運-_- 咁我想問埔里 - 清境的客運大概幾點一班? thanks~~
回覆刪除[版主回覆05/14/2009 23:32:00]唔駛客氣...
坦白講, 你地係要計清楚D時間... 因為接住坐先會係最perfect!
至於埔里到清境, 好似唔同星期既時間會唔同架... 等我問亨利搵番個時間表再send俾你呀!!!
hihi 我上網睇 埔里- 清境 好似15 mins一班, 我諗我去到 埔里 3點幾到,要等個幾鐘先有車去清境~ 等車附近有冇咩食/可以hea既地方? 另外我仲想問下你有冇去小瑞士花園&農場? 呢2度地方可以玩幾耐? 仲有間最高既7-11你知唔知係邊度? 麻煩晒!!!
回覆刪除[版主回覆05/17/2009 11:44:00]HELLO~~
下, 應該無咁密一班車架喎.... Anyway, 如果你果個時間表係update就好了...
我建議你早少少去到埔里, 如果你話要等幾個鐘先有車去清境就唔係好值... 我寧願你將hea既時間放在清境... 因為更值得! 早去到, 你可以欣賞日頭既環境+黃昏+夜晚.... (因為埔里只有KFC同一D地道店同商舖...)
農場每日有兩場表演, 早上加下午兩點半only! 依個地方係必去架, 超開心...
至於小瑞士花園, 我地無入到去; 只在門外看看... 因為相信只是一個"裝修"得好靚既花花草草公園...
其實清境有兩個旅客中心, 都有小小店舖同野食... 都足夠你hea大半天...
至於最高既7-11, 我地都有去... 因為我地第二日住左黃慶果園, 從依間民宿向上行多五分鐘就係啦....
* 你可以叫你間民宿既人駕車你去, 佢地個個都好好人架!
係@@?我都係上網睇,,唔知UP唔UPDATE架哈哈XD 我都想早D呀,,但果日係岩岩落機果日,, 10點先到桃園,,搞埋落地簽証出返黎都11點, 再出桃園高鐵搭高鐵去台中,我諗都1點喇,, 我BOOK左黃慶果園呀=)住一晚,, 第2日1810班車走諗住,,唔知夠唔夠時間玩?
回覆刪除[版主回覆05/17/2009 23:20:00]哦... 如果你第二日咁晏先走, 應該都夠玩架...
Anyways, 黃慶果園既人都係超好架, 你都任何問題都可以問佢地; 甚至叫佢地車你去架!!!