依日好開心, 因為我同亨利都可以試晒台灣最出名既食店 – 鼎泰豐 & Hello Kitty Café.
訓到十點起身, 依日既 brunch 就係去食小籠飽啦…
我地叫左碟前菜, 一籠五粒既蟹粉小籠飽同一籠五隻既菜肉餃… 真係好好味, 皮薄多汁, 夾起又唔易穿喎…
佢地既招呼仲係一流; 我地仲見有好多日本人黎食, 而好多伙計都能流利既日文, 真係勁呀!!!
跟住行左一陣街街, 好開心係三越買左兩 sets 超平既SK-II; 佢地好似SOGO咁做緊新春大減價, 個化妝姐姐仲送左好多 samples 俾我添!
到 tea time 啦, 我地就去 Hello Kitty Café. 依到有兩層, 裝修好靚… 我同亨利都一人叫左一個餐!
OH, 睇個 menu 以為好細件, 點知唔係, 仲要有埋 Hello Kitty 甜品送喎, 食完真係勁飽呀!
* 依個係我既芒果 Yogurt Cake...
* 依個亨利既 Tiramisu
* 一人一個送既甜品... 好飽呀!
地方裝修就確實好花心思，不知道食物味道如何呢 ?
回覆刪除[版主回覆02/27/2009 21:16:00]係呀! 裝修真係好靚!!!
至於食物同野飲(我亨利飲咖啡, 我飲雜果茶)~~~都係一般... 如果好好味就真係perfect啦!!!
好靚呀, 雖然我唔係特別鐘意kitty, 不過可能佢係日本無處不在, 所以我已經接受左佢係我朋友
回覆刪除[版主回覆02/28/2009 00:08:00]好野!!!!! 又多一個人鍾意Kitty啦....
你咁鍾意HELLO KITTY 實開心死你啦! 如果大口仔都有CAFE我都會拿拿聲搭飛機去！
回覆刪除[版主回覆02/28/2009 21:58:00]hohoho... 真係好開心架, 我狂影相囉!!!
hahaa... 其實大口仔都好多人鍾意... (不過都唔夠 Kitty 多; 所以你可能要再等下... 等多D fans 佢地就會開啦...)
嘩...全部都係妳鍾意既 KITTY。
回覆刪除[版主回覆02/28/2009 21:56:00]hahahaaaa.... 係呀!!!
唔知點解香港唔開番一間呢???
以前九龍灣有間 hello kitty 店食野架。不過係食意粉咋。兩年左右執左囉。
回覆刪除[版主回覆02/28/2009 22:04:00]OHHH 真架??? 好耐以前??? 我完全無印象呀... Anyways, 依D主題餐廳, 野食多數都係麻麻架啦....
Hello Kitty Sweets , 真係睇見都 Sweets 呀 , 引死人咩 .
回覆刪除Bye Bye !
[版主回覆03/03/2009 09:44:00] 佢地真係好花心思裝修呀... 你都鍾意 Kitty 架???