去完淡水, 接力再坐捷運去劍潭站逛士林夜市...
依到同以前一樣拱旺, 我仲買左好多靚靚飾物添呀!
最開心就係我同亨利用左唔駛港紙一百蚊, 就夾到幾個得意公仔啦...
每夾一次都只係台幣十蚊(=HK$2.5); 如果連續夾廿次都唔中, 佢地就會送一隻俾你, 就係抵玩呀!
* 亨利夾到一個好得意既玉米仔呀!
* 依個無夾到呀, 因為好似好難夾... 但個公仔勁搞笑囉!
* 亨利好叻, 夾到兩隻多啦A夢呀!!!
* 仲有夾到龜仔電話座...
* 我地最後去左食鐵板燒... 兩人套餐有魚有肉有菜都係共300蚊台幣,
平到咁, 又好食, 都唔知佢地賺乜??!!
嘩...我鍾意叮噹呀
回覆刪除[版主回覆02/25/2009 23:06:00]heheee... 好靚毛毛既多啦A呀!!!
見到士林夜市，我好掛住豪豪大大雞扒!
回覆刪除[版主回覆02/25/2009 23:06:00]e... 好好食架????
係呀! 我同BF都好like & 好掛住! 我地成日都話要再去食!
回覆刪除[版主回覆02/27/2009 11:37:00]OHHHH... 咁等我下次又去試下先!!!
我上次去taipei就撞正10年一次既超級颱風.....士林夜市都冇開, 我都好想去行下....
回覆刪除[版主回覆02/27/2009 21:18:00]嘩, 咁黑仔???
台灣真係好值得去呀! 你快D plan下同阿龍去啦, 又平又正呀!
咁樣都夾到 , 有料到喎 , 我對呢方面完全冇把握 . 鐵板燒 ~ 真係好平喎 .
回覆刪除Bye Bye !
[版主回覆03/03/2009 09:42:00]我都唔叻夾架... 都係亨利夾俾我... 不過都係一DD機先容易夾! 但咁鬼平, 玩多幾次就捉到路...hahahaha...
係啦... 又平又好食既鐵板燒... 同枱仲有好多日本人一齊食添呀!