沙巴估你唔到之旅 – Day 3 (Gayana Eco Resort) Part I

依日我同亨利會入住 Gayana Eco Resort!  真係好期待呀!

雖然依日既天氣又係陰天同落雨, 但都無損我地既心情!

<完美假期> 約左我同亨利早上11:45係 Imperial 酒店 lobby 等車接送去碼頭...

     

  *  同車仲有一家台灣人一齊去 Gayana Eco Resort




     

 *  Gayana 對客人真係貴賓咁...  一到碼頭有 VIP 房坐底同做埋 check in



     

  *  Gayana 有私家客船...  大架D同安全D!



     

  *  依日亨利好番好多啦...



     

  *  Gayana 既 reception



     

 *  一上左島就有 staff 介紹整個島的設施等... 





     

  *  我地入住 Rimba Villa (Jumble View)...  房間同 Ocean View 既房一樣大, 只係佢地有一條獨立樓梯直接游水 (但要貴多千幾蚊港紙一晚喔!)



     

  *  我地間房好大好靚好舒服, 今次真係可以好好咁 relax 下... 



     

攞左房後, 正式開始我同亨利喪 hea Gayana 之旅啦...

雖然天氣麻麻, 但趁無雨, 我同亨利都去左游 Infinity Pool 同埋玩左一陣浮潛! 

水底雖然唔係好清, 但幸好浮潛時仲見到少少珊瑚同埋好多魚, 超開心呀! 



          

     

     

  *  Infinity Pool 旁係島上唯一間西餐廳 (仲有一間中餐廳在另一邊)



     

  *  游 infinity pool 感覺真係好正, 好 relax 呀~!



      

  *  病後初癒既亨利急不及待都游埋一份...



     

  *  Gayana 免費提供所有浮潛用具...  如果唔玩浮潛, 你仲可以玩獨木舟添





游完水玩完浮潛, 我同亨利去左 happy hour!  Gayana 好窩心, 為整個入住島上既客人, 於黃昏 6至7點去 bar 到可以任飲 cocktail 或者果汁, 真係好鬼正呀!



       

       

   *  Hea 到咁既環境黎 enjoy happy hour, 簡直無話可說呀! hehee....

       

       

       

Happy hour 後, 我同亨利又係時候去食晚餐啦...

Gayana 島上只有一間中餐廳同一間西餐廳, 由於前一日食左海鮮, 所以依晚會同亨利食西餐...





       

  *   中餐廳有好多海鮮...  不過價錢就貴過市區好多好多...



       

   *  中餐廳既環境都好正呀~





       

   *  我地決定食西餐.... 揀左坐係 infinity pool 旁既枱



       

       

      

   *  我地 order 左牛尾湯, 羊芝士奄列, 牛肉飯,  煮魚塊...  味道一般, 只食環境同 service 呢!  是日埋單 HK$420, 都幾貴喔!





       

  *  Gayana 仲有免費提供多套VCD俾客人欣賞...  最後我同亨利揀左依兩套食飽飽係房睇喔~!