不用開爐... 坐係屋企都可以食到好味糖水喔!

 

天氣成日咁乾燥, 加上時常出街食同埋夜訓, 喉嚨好易唔聽話...

潤喉有好多方法, 但我最愛都係食糖水! 尤其中式既熱喳咋, 紫米露 & 紅豆沙...

其實間中食下糖水都係健康架, 只要唔好太甜膩, 潤喉之外, 皮膚都唔會咁乾架!

“波仔” 出名係叮叮飯, 今日行過波仔舖, 見到有新出既糖水賣...  雖然叮叮糖水市面上一早已經有好多不同牌子既出品, 但見波仔依個細細杯, 而且只賣 HK$8@ (買兩杯仲減一蚊), 所以我就買左一杯喳咋味同埋椰汁紫米露黎試下啦!

 

      

   *  叮叮喳咋 & 叮叮椰汁紫米露! 今晚叮個喳咋食先~

 

     

   *  註明不加防腐劑, 可以放心食啦...

 

適當的叮叮方法:

1/ 先搖勻

2/ 除去膠蓋及膠膜

3/ 高火加熱 2分半至3分鐘

4/ 取出攪勻, 食得啦

唔鍾意熱食, 凍食都得架~!

 

     

  *  真係估唔到八蚊雞有咁多喳!!! 正呀!!!  最重要係唔太甜, 味道岩岩好, 讚呀!

 

      

  *  叮叮喳咋有齊黑糯米, 三角豆, 眉豆, 芋頭, 紅腰豆, 紅豆, 綠豆, 麥米....

 

如果你鍾意食糖水, 但又想開爐煮, 甚至根本唔識煮, 但又唔想落街食, 依個波仔糖水真係超推介, 又平, 一人份量又岩岩好, 又多料, 又唔甜, 真係 good 呀!

波仔糖水仲有其他味架, 有興趣就去睇下啦~

Enjoy~