B囝三個半月大啦~ :P

不經不覺我既小B囝已經三個半月大啦~
依家每次見到小B既相, 真係好回味, 好開心呀!

我好感恩, 有一個很好既媽咪~
可以讓我生B後住在她家差不多三個月, 等我可以坐好月~
除了有不少補品和湯水外, 最重要就係可以向佢學習湊B之道...
所以話, 此終都係(自己)媽媽(最)好!!!!!

睇下, 未夠三個月既小B已經多多表情, 哈哈~

各位哥哥姐姐, 我叫做 "皓一",
大家可以叫我做一仔又或者Number 1~
第日大個就叫我一哥! :)

好多人都話我似爸爸~
但我相信我第日大個仔一定靚仔過爸爸既!

我最鍾意媽咪同我沖涼涼~
我仲好怕熱架, 所以一日要沖兩次涼! 嘻嘻...

我好開心爸爸買左架BB車俾我坐~
依家媽咪爸爸可以成日帶我去街街添~

同媽咪爸爸第一次去飲宴~
雖然我好眼訓, 但我都好乖乖, 成晚都無扭計呀!

掃風好舒服~ :)

平日我係屋企好鍾意打千秋搖搖搖, 好爽架!

我大個仔啦, 依家成日同媽咪爸爸傾計, 好開心呢~

我都好鍾意望鏡頭影相架~ SMILE~ 

回想最初坐月辛苦無得訓既日子,
到今日B囝仲未戒夜奶,
仲要只有我依個全職媽媽一個人湊B,
真係好不容易~~~

不過每當見到B囝每日不斷成長,
識得同你笑, 同你傾計, 健健康康, 肥肥白白,
真係什麼辛苦都忘記晒呀! ^^

我...真的要繼續加油喔!

♡(✿◕‿◕)  希望大家喜歡我這次的分享~

歡迎留言給我或 email to amyblogblog@gmail.com (◕‿◕｡)❤