喪買 @ 五分埔 & 夜遊饒河 (Day 1)

落左機之後填飽個肚, 我同亨利就出發去第一個行程 --- 五分埔!!!

依道係專做時裝批發既地方, 但亦都有零售架...

最初我仲以為好似旺角女人街咁既樣, 點知原來係金百利加利時果種舖...  最開心就係比香港平好多呀嘛!!!

多謝亨利俾我係咁喪買, 爽呀!!!

      

      

 *  我既戰利品!!! 一共買左十四件靚衫呀!!!  





行到肚餓, 我同亨利就去左距離<五分埔>只係五分鐘既<饒河夜市>食野啦...

雖然依樹俾<士林夜市>細好多, 但都好旺同好多野食...



      

       

 *  我地都有排隊買胡椒餅試下...  仲有食臭豆腐同柯仔煎!  不過, 個柯仔煎就一般,   膠膠地咁, D蛋都唔知加左乜野落去煮??!!



       

 *  亨利買左杯烏龍紅茶...  拱大杯都係HK$3.5咋!!!



       

 *  好方便...  原來五分埔既尾 / 饒河夜市既頭好近松山站架!!  我地坐返台鐵返酒店喔...



       

       

 *  夜晚既酒店外型...