依支已經係我既第四支啦.....
我要在此強力推介俾我所有既朋友呀; 因為真係好好用架!!!
依支係 "Bioderma 深層卸妝潔膚水". 其實我都好少化妝, 最多每日都係搽 base 加 Mascara, 但依支野都足夠清潔, 最正係用完之後好爽同好乾淨, 又唔油又唔乾! 其實可以當佢係支 Cleansing Water 用, 就算無化妝, 出完街, 塊面勁多污垢; 用佢抺一抺先再洗面, 簡直乾淨到痺!
同同事講開, 原來唔係好多人聽過依個牌子; 哎呀, 拱好既野一定要同大家分享下啦...
P.S. 銅鑼灣金百利有間專賣不同化妝品既 "天麗", 做緊大減價! 一支500ml 都係 HK$168 (簡直超平). 萬寧家下仲賣緊 250ml 都要成200蚊呀........ 你地快D去天麗買支試下啦! (TST 加拿芬廣場801室都有架)
More info of Bioderma: http://www.bioderma.com.hk/index.php
可惜我皮膚易敏感,唔可以亂咁用新嘢~
回覆刪除我連SK2都同唔到呀~
[版主回覆08/16/2008 22:30:00]哦... 佢有敏感系列架... 不過, 如果太易皮膚敏感都係唔好亂試啦....
我都有用開，真係好用架! 但清潔眼妝就唔多夠力。
回覆刪除依個品牌我都用緊佢唔同line: 洗面、眼霜、爽膚。Overall 來講都幾ok架
[版主回覆08/18/2008 14:29:00]真既??? 你有無用"控油去角質啫喱"???
http://www.bioderma.com.hk/sebium_detail.php?id=30
超正喎!!!
頭先喺citysuper(老尖)行過,好似一百八十幾蚊再八五折.
回覆刪除[版主回覆08/19/2008 10:10:00]REALLY??? 都係500ml架????
係唔係500ml...係gua...高過包維他奶...係咪有細啲架?
回覆刪除同埋好似海防道萬寧有嗰支加埋另一支嘢o既package,但係冇睇幾錢...
[版主回覆08/20/2008 10:36:00]Oh...應該係細支裝啦...
萬寧果支一定係 250 ml....唔抵!!!
睇完你個post， 我今日咪去cwb 到格下價. sasa 冇得買. 雅詩(係時代附近) 要268(原價368), 之後我係卓悅睇$168, 不過係blue 色, 得返一支..我再去manning 睇得250ml. 都要2xx.....唔格下真係變水魚!!
回覆刪除[版主回覆08/30/2008 13:00:00]嘩, 你好勁呀!!!! 格左咁多間價!! 因為我用開, 所以知道依間係最平... 仲要係for sensitive skin, 簡直岩晒我呀!!!
咁你最後有無買到呀????