迎月夜 @ Ocean Park

 

咁大個女第一次去海洋公園過中秋… 上星期真係超期待同興奮呀!

多得公司下晝包左成個海洋公園, 我仲可以用員工價 HK$80一張成人票訂飛; 咁筍硬係即刻同屋企人去啦…

好彩包左個場, 好多上晝既遊客 (同埋D自由神) 到六點就要離場…  因為我地所有員工同家屬入去玩, 都要帶住一條手帶作記認…  我地可以係下晝四點半至夜晚十一點, 係裡面暢通無阻架!!!

雖然上年我既生日先去完海洋公園, 依家拱快又再黎…  但今次好開心呀!!! 因為好似十幾廿年都無再同屋企人黎; 以前黎既時候, 我仲係得幾歲咋!!!  加上我係第一次夜晚黎海洋公園, 感覺真係好唔同呀!!!