Day 4: 台北101, 誠品旗艦店, 五分埔, 饒河街觀光夜市
快樂既時光真係過得特別快, 話咁快又到第四日啦…
依日訓夠皮之後, 分兩架的士去左 New York New York 門口集合, 目的係去飲中茶…
之後去左六樓既 <紅磡港式茶樓> 飲茶… 估唔到佢地既點心都好ok喎!
食飽野就周圍行下, 我同亨利 @ 誠品仲買左D書添...
到左下晝, 係時候要坐地鐵去依日最精彩既節目, 狂買 @ 五分埔啦!!!!!
嘩, 因為剛巧又係台灣人既新年, 所以五分埔超多人… 不過我地都無被影響, 見平見靚就買呀! 掃呀!!
大家分組行街掃貨, 兩個半鐘頭後就響 <松山車站> 集合, 依個安排簡直係 perfect! (因為松山車站又有lockers 租用, 方便我地放好野之後再係饒河食食食…)
其實兩個半鐘頭響五分埔, 真係唔夠我用架! 不過, 為免老人家久等, 我同亨利都行到過晒時, 仲跑到傻去車站同佢地會合… hahaha, 原來佢地都已經到左, 仲霸左個大locker 等我同亨利黎呀!
好開心見到大家都買左好多野, 但就超攰…. 跟住我地就接力去饒河醫肚啦!
* 有個傻佬係我後面 say HI 呀! hahaa...
Day 3: 北投浸溫泉, 淡水老街
第三日, 又係落雨天…
我地依朝去左台北車站上面既 <微風車站> 食 brunch…
跟住就出發去新北投浸溫泉啦…
雖然大家都係第一次去新北投, 但出左捷運既指示牌同埋手上既地圖都好清楚, 所以都知道行去邊個方向…
首先, 我地去參觀左 <溫泉博物館>…
Day 2: 鼎泰豐, 中正紀念堂, 九份, 基隆
朝早十點半六人由酒店出發, 分兩架的士去 <鼎泰豐> 總店食 brunch!
一個字, “正”! 簡直係原汁原味, 又唔洗好似香港咁等幾個鐘先有得食! (食完之後媽咪仲叫 Day 3 又黎食呀! 可想而之係幾好味呢!)
食飽之後, 我地就行去 <中正紀念堂>, 影番 一兩張相, 到此一遊吧!
依日既重點, 就係去 <九份> 同埋大家都未去過既 <基隆>…
雖然又係落住長命雨, 但都無影響我地既心情…
首先, 媽咪買左三個好好味既花生卷連雪糕; 雖然依個配搭好似有D怪, 但原來食落去真係好香口同好好味架! (下次如果再去一定會再食)
跟住我地就去左 <九份老麵店> 試下個牛肉麵, well, 唔差喎! 而且碟青瓜仔都好好味架!
食飽無耐, 我地就搵左間有幾層高既 “Cafe” hea 下, 名為 <觀海山>! 真係估唔到坐得舒服之餘, 野飲又好飲, 望出去既環境仲一流呀!
最後, 我地攰攰地坐大巴去基隆繼續 happy 啦…
Day 1: 忠孝敦化, 士林夜市
真係估唔到一年去左三次台灣… 雖然又去, 但一D都唔厭, 仲好開心添!
唯一唔好既, 就係頭三日都落雨呀!!!
不過我地都唔理咁多, 照跟我地一早計劃左既行程 GO 啦…
今次出發幾個月前已經出左機票, 坐泰航來回都只係 HK$1,100 一個人, 真係抵到爛呀!
貴都係貴在酒店, 因為撞正新年, 好多酒店又 full 又貴左; 不過都無計啦, HK$650一晚都值得, 因為又係我同亨利都好鍾意既 <新驛旅店 – 後站店> 啦!!!
除左勁近台北車站外, 仲有發現一個超靚既新商場開左係隔離 (似 Sogo 果隻, 又有好大既 food court, 正), 名為 <京站時尚廣場>!
同細佬 & Elaine @ CityInn 會合後 (因為佢地早我地一日飛去台北), 第一站就係去醫肚 @ 忠孝敦化…
食左少少野同叉左一陣電之後, 我地一行六人就坐捷運去劍潭站 – 士林夜市 (雨中) 行街同食野啦…
好耐都無寫 blog 啦...
尋晚終於同屋企人係台北返黎啦...
我同亨利都估唔到咁快又去台北玩; 雖然距離上次去只有幾個月, 但一D都唔厭呀!
好開心今次都買到好多心頭好!
最開心就係買到好多好平既日本雜誌連贈品, 其中仲有我超鍾意既 agnes b 袋!!! (雖然我在香港都已經訂左一本, hahaa...)
* 大部份戰利品又係買至 "五分埔" 架, 真係平靚正!!!
去台灣, 必去<士林夜市>...
仲記得上次夾左好多公仔, 今次我地又要再去...
* @街頭
Hea 完三芝, 我地坐番大巴返到淡水捷運站...
跟住又轉第二架大巴去 <漁人碼頭> (又係唔駛半個鐘車程)...
好開心, 因為我同亨利都係第一次去依到; 原來依樹真係好靚呀!!!
最開心就係可以欣賞到好靚既日落喔...
* (上下) 一落巴士就已經見到個小型買野食既魚市場 & 情人橋... so nice!
朝早十點我同亨利去左酒店附近一間好舒服既 "台北當代藝術館" 食早餐...
之後, 我地就向 <三芝> 出發啦...
相信好多香港人都未必聽過依個地方名; 其實如果唔係亨利, 我都唔識去...
我地坐捷運去到淡水, 跟住去對面既萬熹大飯店門口坐大巴唔駛三十分鐘就到啦...
今次我地落車既地方又名"淺水灣"...
我同亨利依日玩左成日都竟然仲有精力坐車出去食晚飯...
之前睇電視見過介紹, 所以同亨利黎試下...
由酒店坐的士去都係100蚊台幣, 到餐廳原來已經係夜晚十點幾啦, 哈哈...
知道佢地收凌晨兩點, 仲以為坐滿人; 因為除了食野, 仲有band唱歌... 出奇地去到只有我同亨利加埋一枱香港人...
玩完大半日<十分>, <菁桐>, & <平溪>, 我同亨利就坐番火車返回<瑞芳車站>, 跟住去對面坐公車(大巴)去九份...
相信每個去台北玩既人, 如果有時間, 必定會去九份一遊既...
很久以前細個既我, 都有去過; 但印象已經好模糊啦...
好開心今次又有機會再去... 原來條街都幾長架喎!!! 仲有好多特式小食添...
玩左大半日都未攰... 因為心情好鬼興奮... 咁大個女都未放過天燈呀!
由 <菁桐> 行去 <平溪> 用左二十分鐘, 跟住搵由 "紅寶礦工飯堂"蘇老闆介紹既 "明通雅舍" 放天燈...
我地揀左紅色天燈, 意思指健康快樂...
溫老闆超好人, 當我地寫緊字時; 仲倒茶俾我地飲呀!
由 <十分> 到 <菁桐>, 都只係幾分鐘左右火車...
<菁桐> 沒有什麼特別既地方... 但可以一嘗好味既礦工便當!
菁桐既地方都幾靚! 我覺得好有日本 feel 呀!
最難得係由<十分>到<菁桐>, 越有幸福既感覺...
跟住去既 <平溪> (放天燈), 仲浪漫喔!
第二日啦... 依日行程好豐富, 仲要捉緊時間; 因為我地要遊火車之旅...
食飽早餐, 我同亨利就坐台鐵由<台北車站>去<瑞芳>站啦...
落左機之後填飽個肚, 我同亨利就出發去第一個行程 --- 五分埔!!!
依道係專做時裝批發既地方, 但亦都有零售架...
最初我仲以為好似旺角女人街咁既樣, 點知原來係金百利加利時果種舖... 最開心就係比香港平好多呀嘛!!!
多謝亨利俾我係咁喪買, 爽呀!!!
各位我返黎啦!!! 
我同亨利今次又去左台北玩左四日... 本來係想去高雄墾丁架, 但五月中訂定六月尾既機票已經話full 晒啦...
不過唔緊要啦... 台灣咁大, 慢慢玩啦...
今次好開心, 去左好多以前都無去過既地方; 包括: 五分埔, 饒河夜市, 十分, 平溪, 菁桐, 漁人碼頭, 三芝等...
* 五月中book定國泰假期六月尾飛都無位, 長榮又無位... 最後迫不得已要揀華航...
