不歡而散

 

l          好後悔食回頭草

l          公司沒有什麼值得我再留戀

l          第一次感受到高度不被尊重, 感覺極為難受

l          今日才知道沒有什麼 “好來好去”

l          對公司所謂管理階層極度失望

l          咁大個女第一次終於忍唔住當所有同事面前同所謂既總幹事作出大罵戰

l          第一次嬲爆提早離開公司 (約下午四時半)

l          第一次深深感受人間險惡

l          今日認識到不可再用真心對待某些人

l          今日學懂不要再輕易相信人

l          要記住什麼事情也不可再單睇表面, 被人利用後既心情難以形容

今日係我工作以來最唔開心既一日; 雖然只係要返多4日工 (頂佢地唔順終於上個月辭左職), 對多4日果D又假又廢既老細(s); 為了段練EQ, 我唔會唔返工, 我會捱埋落去, 仲會對住佢地笑添! [真係多得依份工, 令我學識做個“假”人!]

 

IT界盛事

做完一個一年一度兼無乜人知既 event (今年只係第二屆), 又接力做第二個大 project...

有幸能夠參與一項 IT界既盛事, 與幾位同事一齊忙到傻; 當然唔及 Helen 同 Ronnie 咁辛苦, 因為佢地負責多D兼同一D唔係好得既人 work...

Anyways, 難得見到財爺同馬時亨; 最開心就係個晚餐都幾好味, 俾上年好得多!!

    

      * 公司的一班同事

    

    

    

      * 同 winners 合照

    

  

    

      * 同中聯辦科技部曹處長合照

    

       

       

       * 當晚mc係有線主持陳貝兒

忙碌

今日雖然係星期日, 但都要返工….

為咗依個project, 公司足足辛苦咗大半年, 都係為咗今日!!!

我地個會bid 贏咗政府一個大project, 為 “2007香港資訊通訊科技獎: 最佳創新及研究獎”既主辦單位; 而今日, 就係為D finalists 舉行 exposition 同 final judging.

為咗想吸引多D人黎數碼港參觀同引起多D人對依個獎既認識, 我地搵咗一個歌星為表演嘉賓 --- 孫耀威.

第一次近距離接觸 Eric, 佢真係好 nice; 不得不提就係佢既宣傳主任(經理人)同樣咁nice!!! 當佢地黎到數碼港, 我作為本會既經理 (或者叫高級打雜都得), 我當然要去接待佢地同“保護Eric”…. 亦有機會係佢等上台之前同佢係後台傾計, 影相同簽名!! Heeheheee….

當中有D projects 都真係好得意, Eric 唱完首新歌 “Here I go” 之後亦去咗參觀添!



            

            

            

             

            

                    

                    

                     

驚喜

真係估唔到我既“仔仔女女” (公司既同事 – 因為我係依間公司係做得最耐既一個)會記得我既生日, 而尋日仲同我補祝….

無端端叫我唔好帶媽咪愛心飯盒, 話一齊出街食, 不過我都話好呀!

去香港仔既“泰國人”道食, 食完忽然有個蛋糕出場 (由 Helen 同 Ivy 準備), 真係開心到震呀!!!

今年家人無買到生日蛋糕, 依個可以話補番; 點蠟燭, 許願, 仲要唱埋生日歌, 好感動呀!!!

P.S. 覺得自己真係好幸福哦, 因為有好多人對自己好哇....



     

     * 依個蛋糕真係好好食架... 佢地話係蛋白蛋糕喎! 個餅底同朱古力都好正.  我地仲話下次邊個生日, 都會買番一樣既... hehee  (fyr: 蛋糕購自美心西餅)

搬竇

 

"享受"咗兩年多既高尚上班生活, 一下子竟然話俾我知公司將要搬去荔枝角返工... 嘩! 真係攞你命三千!!!

荔技角 --- 依個地方係我個腦裡面, 只有好多工廠, 好多男人, 好雜, 好多車, 空氣好差, 夜晚好靜.... 相信依個地方依家都應該無大既改變.  講真, 絕對唔係歧視, 不過真係好唔鍾意! 我依家完全一D開心都無去迎接依個新 office!

唉, 依個已經係改變唔到既事實... 我都係好好係享受埋依兩個幾月既清新空氣同花草樹木, 再見啦 --- 數碼港.

 

                                                                                     

"細"運會

又要講下數碼港啦; 嘩, 真係想像唔到依到竟然搞滑草, 空中飛翔同室內滑雪場...

個滑草場終於 set 好啦; 今日食 lunch 時由公司隻窗望落去, oh....原來咁架 jar! 拱短既?? 跟住好好奇同咗D同事走去4樓平台睇下啦; 哎呀, 好曬呀...... 仲有對個空中飛翔好失望囉, 以為好高, 可以飛好遠, 點知唉... 我諗都係留返俾D細路玩好啦!!

雖然未參觀個滑雪場, 不過我都預計到; 唔怪之得佢叫"細"運會啦, 原來個場地拱細同係俾D細玩架, hahaa...

      

     * 依個就係第二座平台啦... 右邊就係艾美酒店! 中上就係戲院同商場囉!!

                               

從工作中找快樂

朋友甲問:  你點呀? 份工係咪仲咁忙呀??

朋友乙問:  嘩, 好耐無見你啦!! 係咪忙到爆呀??!!

我(無奈地)答:    都係咁囉! 不過比以前仲忙 .... ... .. .

 (黑眼圈超大)



午飯過後, 竟然俾我同同事好似發現新大陸咁 .... OH!! 好靚呀! 好舒服呀!!

 "掃馬趕" 一個幾係外國 feel 既地方, 有時都覺得幾正! 雖然唔係好方便, 但諗深一層, 比起返中環尖沙咀更好, 起碼可以同具沙灣一齊享受同一樣既環境同空氣, 真係人都醒DD.

多得依個地方, 可以俾我 refresh 一下; 你都唔好話唔爽!!!

* office & 商場對開的地方 --- 有時都見到有人影婚紗相架!

* 所謂值成千萬既貝沙灣啦!! (其實外型真係不太吸引, 仲有D似碧桂園呀)

* 新開的 "紫雲軒".... 我仲以為係試範單位??!!

矛盾

做人好矛盾, 唔通真係要為左活得精彩???!!!

因為依份工, 我識到好多人; 因為依份工, 我見識左好多野; 因為依份工, 我可以有出面俾唔到既人工; 但亦都係因為依份工, 我越黎越唔開心, 越黎越無目標, 越黎越有好大既壓力.....

 

天呀! 我話俾我知應該點算好啦???!!!!???!!!

通通通 (宵)???

好慘... 依家已經係深夜"一時十三分", 但我仍然係公司... (time updated)

家陣好頭痛, 有D唔舒服! 死啦, 唔知OT到幾點呀~~

 

 

====== >>>>>> 

好crazy, 今朝9點做到5點; 再坐車由數碼港去金鐘開會from6點到8點; 跟住再飛的返公司做到依家呀....天呀!!! 咩工黎架!!!

我再咁捱落去, 我會"爆"架!!!.........................