2007年12月30日 星期日

聖誕好快樂



好耐都無 update blog, 因為份工真係忙到傻, 之前晚晚都OT, 辛苦到死, 搞到我又瘦咗幾磅, 真係慘….

Anyways, 依個月尾可以俾我放足一個星期多既假, 乜都補番晒!!

本來想同亨利去台灣旅行, 不過太貴啦, 淨番CX同中華, 所以

今次我地為依個星期 plan 咗兩個假期; 當中仲有一個好重大既任務, 好開心亦順利完成咗, D話俾大家知啦!!!

第一個假期係去深圳, 俾我地在僑城東有個新發現, 就係華僑城創意文化園”.  依到有高民安開既 My Noodle My Café! 個地方真係好有文化架, 好舒服好正….. 唔知係咪內地人唔係太興依種享受同 hea, 所以我同亨利都好似包咗間野咁食同飲~~~

除此之外, 我地仲去咗一個新去既地方 --- 波托菲諾竟然有幸地遇上一個好熱情既意大利餐廳老細, 為我地介紹同選了一個好好味既 pizza 同咖啡…  我地自己仲選咗個德國腸配洋蔥圈; , 老細 Sandro 係馬來西亞人, 佢能操多國語言, 不停同我地傾計, 好似好朋友咁, 教我地點樣為之食得健康同點樣為之靚既咖啡原來靚既咖啡係唔會飲咗訓唔著架, 因為大部份既意大利人飯後係會飲咖啡; 煮野食就一定用 Olive Oil...



      


      


      


      


       


      


      


      




2007年10月28日 星期日

忙碌



今日雖然係星期日, 但都要返工….

為咗依個project, 公司足足辛苦咗大半年, 都係為咗今日!!!

我地個會bid 政府一個大project, 2007香港資訊通訊科技獎: 最佳創新及研究獎”既主辦單位; 而今日, 就係為D finalists 舉行 exposition final judging.

為咗想吸引多D人黎數碼港參觀同引起多D人對依個獎既認識, 我地搵咗一個歌星為表演嘉賓 --- 孫耀威.

第一次近距離接觸 Eric, 佢真係好 nice; 不得不提就係佢既宣傳主任(經理人)同樣咁nice!!! 當佢地黎到數碼港, 我作為本會既經理 (或者叫高級打雜都得), 我當然要去接待佢地同保護Eric”…. 亦有機會係佢等上台之前同佢係後台傾計, 影相同簽名!! Heeheheee….

當中有D projects 都真係好得意, Eric 唱完首新歌 “Here I go” 之後亦去咗參觀添!



            


            


            


             


            


                    


                    


                     




2007年10月27日 星期六

別來無恙

 

別來無恙


填詞:  方杰
作曲:  Robert Lay@On Your Mark
編曲:  Robert Lay@On Your Mark
監製:  雷頌德
主唱:   陳慧琳


不想給碰到 終於都碰到
街中偶遇你 你卻不會走前我一步
為何做不到情人 總變得這麼恐怖
我跌倒 你終於肯看到

講一聲你好 講一聲我好
怎可意料到 你說娶了她 是你驕傲
別提及她怎麼好 反正我不想知道
我也想嫁你 但天知道

回頭數 曾於分手 講過別後願無恙
但我這些年來 幾多次愛 何故未見將來
命太好 從不希罕擁抱
為何又要 這般掛心從前
明年碰見 容我說句不想再見

分開走也好 一起走更好
一早領悟到 我再走也不能到出路
若然是不知所措 應說看到她的肚
我看到 我眼淚忍不到

回頭數 曾於分手 講過別後願無恙
但我這些年來 幾多次愛 何故未見將來
命太好 從不希罕擁抱
為何又要 這般掛心從前
突然碰見 還介紹你妻子

回頭數 曾於分手 講過別後願無恙
但我這些年來 幾多次愛 全數是我敷衍
命太好 從不希罕擁抱
為何又要 這般掛心從前
明年碰見 求你扮作 不忍看見

 


2007年10月19日 星期五

新玩意

 


之前在有線電視睇咗Tony介紹去美國玩. 其中有一個小鎮有一種好特別的玩意”, 今日竟然係 City Super 發現到!!


係銅鑼灣既 City Super, 買完豆漿同婆婆薯片之後; , 點解咁多人既??? 再望下, , 原來係依D“混漿”雪糕!! (個名係我改的)


你只要選一隻鍾意的雪糕,再選三款配料(general既棉花糖,朱古力,花生,果仁等,原來仲有生果同果醬架);跟住佢會將個雪糕同D配料放上一塊板上搞搞搞同撈撈撈…… (有線之前介紹過,依塊板有成零下唔知幾多度,所以唔駛驚D雪糕會溶!!) 然後就入 cone!! Woooo….精彩精彩! 因為依個肥仔哥哥撈到好似打功夫咁,真係有得睇又有得食,正!


                


                


                


                


      


       * 佢撈緊我杯咖啡味雪糕加 M&M, Walnut & Pecans 呀!!


      


2007年10月17日 星期三

音樂農莊

因為亨利, 令我認識同接觸到什麼係童軍”!


亨利好叻, 因為佢已經係一個做咗廿幾年既童軍領袖; 佢擁有依個為社會服務既心, 真係好值得欣賞…...


上星期日, 係青衣第三旅童軍旅慶, 所以整旅今年去咗音樂農莊參觀同BBQ; 而亨利就邀請我一齊參加!


未去之前, 都大約估到係乜野既地方; well, 一個充滿大自然的大草地, 有音樂, 有耕地學下種菜咁; 可惜...... 全部估錯!


如果你未去過, 我諗你睇相都足夠, 亦可以當去咗架啦….


下晝去到, 農莊安排咗一個staff同我地玩; 首先係打非洲鼓.  依個玩意, 都幾得意, 因為都無接觸過, D幼童軍都玩得好開心!


由於定咗六點先燒野食, 所以玩鼓都玩咗好耐, staff好似想拖延時間咁; anyways… 之後, 竟然係玩水鎗, 輸咗包剪就被射; 玩完濕晒就跳竹舞; 最後仲無厘頭用白膠漿黏顏色沙…… 個“農莊”就不斷播住 Albert Au 既歌, 但可惜同“農莊”有乜關係呢??


老實講, 要收 $148入場都真係幾貴; 仲要個BBQ燒烤包係好一般既野食兼唔包野飲; , 唔怪之得無人去啦……


       


         * 佢地就係幼童軍啦.... 集緊隊既情況!!!     


          


          


          


         


          


         


         


                    


                     * 點解亨利個頭咁搞笑???!!! 成個傻仔 look 拱既?!! hahaha....


           


2007年10月11日 星期四

加藤

 


加藤 --- 位於北角和富道一個(不易察覺的)商場內的日本料理.


一踏入去間日本餐廳, 即時令你好似置身於日本, 因為全部客人都係日本人, 當然個壽司師傅亦都係一位日本老伯.


Well, 地方細細, 食物精緻, 睇得出佢有俾心機做不過真係一分錢, 一分貨, 所以依餐真係唔平!!! 但係好食同食得開心先至係最重要今次好多謝 Larry既推介同請我食一餐咁正既日本野, arigatou!!!


         


            


        


        

 


          

 


         * 多謝 Larry 送俾我既手信兼生日禮物 - 來自台灣 Hello Kitty 長榮航空!! 


2007年10月5日 星期五

驚喜



真係估唔到我既仔仔女女” (公司既同事因為我係依間公司係做得最耐既一個)會記得我既生日, 而尋日仲同我補祝….

無端端叫我唔好帶媽咪愛心飯盒, 話一齊出街食, 不過我都話好呀!

去香港仔既泰國人道食, 食完忽然有個蛋糕出場 (Helen Ivy 準備), 真係開心到震呀!!!

今年家人無買到生日蛋糕, 依個可以話補番; 蠟燭, 許願, 仲要唱埋生日歌, 好感動呀!!!

P.S. 覺得自己真係好幸福哦, 因為有好多人對自己好哇....



     


     * 依個蛋糕真係好好食架... 佢地話係蛋白蛋糕喎! 個餅底同朱古力都好正.  我地仲話下次邊個生日, 都會買番一樣既... hehee  (fyr: 蛋糕購自美心西餅)





2007年10月3日 星期三

生日真“難忘”


 

今年我既生日, 我提議去海洋公園, 因為生日正日免費, 加上我都有七年以上無去過, 所以同亨利去玩下…

, 生日撞正國內黃金週, 在海洋公園裡面既“大陸”人仲多過我地之前返大陸玩… 真係crazy! 多人都算啦, 點知香港又無啦啦有強烈季侯風信號, 全日停開纜車, 真係愁到爆! 點知原來仲有大部份既機動遊戲都唔開; 雖然我都唔係好玩果D野, 但可想而知, 大部份既“自由神”都迫晒去D乜乜館啦… 道道都超多人排隊, 入到個館都要“批爭”走到最前, 講野又大聲, 入去熊貓館人地講咗幾廿次唔准用閃光燈, 班人就好似聾咗咁, 真係滴汗!!! 你話, 唔話佢地level低都唔得! 究竟大陸D公民教育幾時會可以提升多少少呢?

Anyway, 相信我好多好多年後先或者會再去海洋公園, 因為依個地方, 唔係再係俾我地D香港人玩架啦………

 

      

       * 買飛同換飛都要排隊....

       

        * 我地熱烈歡迎依班國內同胞!!!!! hahaaa.....

        

         * 我都係第一次見依個情景!!! 海洋公園真係發達囉!!! 

          (新票價現為HK$208@)

        

        

        

         * 樂樂盈盈真係好得意呀!!!