(不知所謂的) 銀座梅林 @ K11

 

從網上見到有好多人都講, K11 <銀座梅林> 既炸豬扖好正, 仲讚到天上有, 地下無…

今次, 又只怪自己太易信人… 　特登同亨利去果樹食生日飯, 點知真係一路食, 一路鬧, 簡直唔掂!

亨利真係講得好岩, 幾好味既豬扖, 相信好多人都估到咩味, 甚至食過… 　只要炸粉靚, 豬扖新鮮, 又即炸即食, 乜都好味啦~!

 

可惜, 我地覺得 <銀座梅林> 不知所謂既地方, 就係:

   指示唔清楚, 勁難搵間舖… (不過依D都唔重要!)

   多人等位唔緊要, 最誇張係坐底左都要等成半個鐘至九個字個餐先黎, 真係等到傻!  奉勸如果好肚餓又或者趕住去睇戲既人, 千祈唔好去食!!!

   最恐怖係我地坐 bar 枱, 見到有個壽司師傅, 用佢唔帶手套對手切刺身, 將唔要既頭頭尾尾又或者保鮮紙, 放入完全唔係用腳踏既垃圾桶內…  對手又繼續切壽司, 但同時對手又來來回回一共至少五次去 "掂" 個垃圾桶蓋拋佢既垃圾!   嘩!!!! 睇見都唔想食! 咁唔衛生兼用咁既垃圾桶既日本食店真係第一次見!  真係祝食依個師傅切既刺身既食客好運, 同埋唔好肚痛!

 

今餐真係好失望…  坦白講, 真係唔見得係好好食, 無乜特別…　D人覺得好食都可能係等到肚餓, 食乜都好食啦!!! (埋單成三百大元, 即近百五蚊一碗飯, 真係一D都唔值!!!)

依間扮高檔既  <銀座梅林>, 我地一定唔會再去!

但如果你有好多時間 hea, 又唔介意等咁耐先有得食, 同埋又有好多錢 side, 就去 “見識”下啦!

 

        

       

       

       

  *   我地坐 bar 枱的其中一邊... 基本上個個人都要等至少成半個鐘先食!  唉! 個個都你眼望我眼係度等食, 真係可憐! 又或者遇著隔離講野大大聲, 勁坐得唔舒服!!!

 

　　

   *  亨利既滑蛋豬扒飯... 

 

       

   *  我既滑蛋豬柳 (黑豚肉) 飯...

 

       

  *　佢地就係用依個垃圾桶啦 (紅色箭咀左邊)!!!　而個壽司師傅就係用佢不停掂垃圾桶蓋既手切壽司架啦! 切完果D仲就咁放係枱度算, 有無搞錯呀???!!!

 

　　　　　　　　　

 

電飯煲焗蛋糕賀亨利生日

 

亨利又大一歲啦!  祝亨利身體健康, 開開心心, 事事順利…

尋晚十一點幾, 我入廚房做我第一次既電飯煲焗蛋糕送俾亨利, 等踏正十二點時可以同佢即刻唱生日歌同埋吹蠟燭許願!

我買左一盒 Pancake 粉, 貪佢今次用完少少之後可以整 pancake 食, 廢事買一大包自發粉用… 材料仲有朱古力粉 (少少), 鮮奶 (50g), 雞蛋 (兩隻), 牛油 (少少), 白糖 (少少), 水 (少少)…

只要將D蛋打好, 再將已加牛油&糖既鮮奶 mix 埋個打好既蛋再搞, 最後就加 Pancake 粉同埋朱古力粉, 同一方向搞到全部野溶晒, 就可以倒入個電飯煲裡面焗啦…

40分鐘之後, 一個黑左少少既朱古力蛋糕就出場啦!!! hehee...

 

       

  *  有焗蛋糕功能既 Panasonic 電飯煲, 正!

 

       

   *  算係用簡單既材料, 就可以整蛋糕啦!  預設 35分鐘焗, 再 keep warm 5分鐘後可以出爐啦!!!

 

       

   *  用 Pancake 粉整既效果相信比自發粉整, 係唔會發得太鬆同埋高, 所以我依個 cake 賣相唔係好得... hehe...

 

       

   *  本來想用 cream 整個哈哈笑樣, 點知個 cake 太熱, 搞到溶溶地...

 

        

   *  亨利好開心呀!!!

 

       

   *  Um... 用 Pancake 粉整, 口感竟然都似番 pancake 咁厚厚地! 如果下次再整，　我諗要落多少少糖同水, 相信會再好食D同埋會軟身D!

 

       

  *  Anyway, 今次第一次整, 都總算成功! 最緊要係亨利開心同埋鍾意食, yeah!

 

 

&lt;端記茶樓&gt; @ 川龍村

 

亨利好幾年前已經成日話要帶我去 “川龍” 飲茶…

不過每當一講要晨早五六點起身飲早茶, 我真係怕怕呀! 因為亨利話朝早既點心新鮮整, 而且環境又有風味, 所以最好係朝早去…

講左幾年, 終於前幾日同左我屋企人同埋奶奶&亨利阿哥去啦; 不過係飲午茶喎!

 

    

    

    

    

 *  我地就係去左蔡瀾都話正既  <端記茶樓> 飲茶啦...

 

    

    

  *  自助形式開茶同埋自己揀茶葉

   

 

“川龍村” – 一個小小既村! 有兩間茶樓…  

真係估唔到, 茶樓外表細細, 原來樓上樓下都有好多枱, 而且茶樓外仲擺出左好多張添…

亨利好快係樓上搵到一張大枱, 我地坐得好舒服!

作為城市人既我, 第一次去依種舊式既茶樓, 感覺好特別, hehee…

好欣賞 <端記茶樓> 既點心全部新鮮做… 我地食左三 round 點心, 都正係三 round 都係唔同既點心架! 賣晒就無, 要再等下一輪…

最後我地一共六人食左十幾碟野, 埋單都係 HK$140咋, 真係超抵又好食! 唔怪之得蔡瀾都係黎依間食啦!!!

 

     

  *  坐茶樓門口外都唔錯架! 你睇, 坐滿晒人, 好熱鬧呀~!

 

     

  *  樓上都好有風味...

 

     

    

  *  嘩, 一有新既點心出, 好多食客即刻去攞點心... 場面好壯觀呀!!!

 

    

 * 搶呀!!!!!!!!!

 

    

    

    

  * 第一 round 成功攞左好多好好食既點心... 由其個豆苗菜, 有食得出既新鮮! 鳳爪又唔多油, 正! 仲有D炸豆腐, 好好食架!!!

 

P.S. 以下是未有點心出時既冷清.... hehe...

    

    

 

 

之後, 我地去左周圍行下, 見到有好多菜田, 勁靚!

跟住媽咪同埋奶奶各自都買左D超新鮮既竹蔗, 可以之後煲竹蔗茅根水飲…

 

 

    

  *  好大塊豆苗菜田呀!

    

    

  * 香蕉樹

 

    

 *  "入地老鼠"??? 乜野黎架???

 

    

 *  阿靚姐即席揀左幾條靚竹蔗, HK$10一大條, 我地買左三條...

    

 

由荃灣坐架綠 van 去川龍村都只係十幾分鐘, 原來好方便架!

真係估唔到現代社會仍然保留依種舊茶樓既特式, 可以俾D "老人家" 懷舊一下, 又可以俾我地D後生去見識下, 都幾得意喔!

 

 

Suzuki Café

近排多左負能量... 所以想搵D靚野食下希望可以開心D...

假日想食個 tea, 飲杯我至愛既 Mocha, 同亨利就去左 Suzuki Café…  

唔知係因為心情既關係, 還是佢地水準差, 我同亨利都覺得佢地既咖啡同 cake 唔得… 又或者應該話係唔值咁既價錢! 

由其係佢地個 <甜蜜草莓香蕉拿破崙>, 完全唔香, 又無乜特別, 只係飽肚而已…

兩杯野飲連埋個 cake 盛惠 HK$110.  咁既價錢換黎唔好食既結果, 睇黎都唔洗指意我會再黎啦!

 

        

  *  我既 <棉花糖朱古力咖啡>, 外表真係好吸引... 可惜一D都唔熱, 又唔香....

 

       

 

        

 

   *  亨利揀既 <榛子咖啡冰沙>, 算係 pass 啦...

 

        

  *  賣相超吸引既 <甜蜜草莓香蕉拿破崙> . 不過食落去就無乜味,  淡茂茂咁…

 

 

老爺, 一路好走…

 

一切實在黎得太突然…

凌晨奶奶一個來電, 由屋企飛的士去醫院, 幾個字時間既路程, 但已感到好似坐左幾個鐘頭車咁…

人原來真係好脆弱, 昨天還笑著好地地; 今天可能已經唔係你身邊啦…

“老爺, 今日係你走左既第七日…  你安心上路啦! 去旅行玩得開心D, 唔洗掛住我地架! 我地會照顧奶奶架啦!!!... ”

<世事無常>, 我地真係要無時無刻珍惜身邊既一切, 好好生活, 唔好自私, 唔好執著, 唔好計較, 唔好…………

 

深圳富良野

 

雖然我無去過日本既富良野, 但我相信依樹 (深圳版) 既地大加埋種種花既美艷, 相信都可以互相比美…

唔知大家有無去過大梅沙既 <東部華橋城> 呢?

如果未去過, 又鍾意影相既你, 就一定要去下啦…

依 part 花海, 只係 "樂園" 既其中一少部份咋...

<東部華橋城> 簡直大到玩一日都玩唔晒喔!

 

P.S. 依樹都係我同亨利去影 pre-wedding photos 既靚地方呀!!!