2009年10月29日 星期四

越式米紙卷 Rice Paper Roll



今日搞搞新意思, 做一個越式米紙卷做晚餐...

材料包括: 生菜, 青椒, 蟹柳, 紅蘿蔔, 牛柳 & 春卷皮...

其實要做依個卷真係超級簡單, 只係之前既洗切醃炒需要一D時間...



       



2009年10月25日 星期日

自製林明頓蛋糕仔



好開心今日重陽節放假, 除左可以訓耐D之外, 就係可以整下野食

岩岩就靜靜雞整我同亨利都好鍾意食既 <林明頓蛋糕仔> … 諗住俾個驚喜亨利...

每次去 Pacific Coffee, 我同亨利都會叫 Lamington Cake

其實整法真係超級簡單, 材料只須: 朱古力, 蛋糕, 同埋椰絲就 ok 啦...


        


2009年10月22日 星期四

新髮型

 


忙忙忙好耐無寫 blog


雖然好忙, 但都要忙住靚, hahaa…


最近去電左個新髮型, 不過其實同我臨結婚之前一樣, 就係去電陶瓷曲髮啦


本來想電個 yeah D 既爆炸頭, 不過最後都係放棄左, 費時到細佬結婚果陣時我 set 唔到頭同襯唔到條裙


今次@ Salon足足坐左四個半鐘, 坐到腳抽筋; 但好彩今次都電得幾好, 好挺好自然, 仲有人讚靚喔!!


 


        


     *  依個 look 簡直好似一隻曱甴頭咁... hahaa... 


         我都係第一次用依個架餐電髮!!!  不過效果幾好喎~~~!


 


 


2009年10月11日 星期日

Wedding Logo Design

 


依排好忙加上中秋節同埋自己大壽, 所以  不過心情都好興奮


我最愛既細佬踏入大日子既倒數啦, 我既心情就同樣緊張!  細佬同 Elaine 除左 confirm 帖既設計同內容外, 佢地都想另外再整一張註冊既 invitation card 放入帖內一齊派俾來賓


依個時候, 當然我要主動舉腳去跟進依個 big task …  hehee…


近排忙就忙在為佢地設計一個獨一無二既 Wedding Logo !!!


上網發現, 原來都有幫人設計 Wedding Logo !  而最平既收費要收三百幾四百蚊一個


Um…  唔知我可唔可以之後用我工餘兼煮完飯後既時間, 為將結婚既 bloggers 設計簡單 Wedding Logo ???!!! 當然收費會係平過人地啦~~~ hahaa…


Wedding Logo 其實都真係幾有用架, 例如可以放係, 註冊邀請卡, 坐位表, 簽名布, 枱卡, 小禮物, 寄相信封等等, 真係好有意義同紀念喔!!!


Well, 以下就係一D我幫細佬同 Elaine 設計既簡單既 logos' samples , 你地覺得靚唔靚呀???


 


#1


     


 #2


 


        


 


#3


       


 


#4


       


 


#5


       


 


#6


        


 


#7


        


 


#8


       


 


 


 


2009年10月9日 星期五

&lt;時光旅的戀人 The Time Traveler&#39;s Wife&gt;

 


開心既時間過得特別快, 又係時候 check-out 真係估唔到依度要朝早十一點就要交房啦


食完個好豐富既自助早餐之後, 我同亨利就同迪士尼講拜拜啦


 


         


        


        


        


   *   真係估唔到原來早餐都有好多選擇架!!! (依度只係其中一角咋)


 



最估唔到原來之後仲有節目  就係亨利上網買左戲飛跟住會去東涌UA <時光旅的戀人 The Time Traveler’s Wife>…  好開心, 因為好耐都無同亨利去睇戲啦


雖然我無睇過佢既原著小說, 但套戲既愛情故事都幾得意


如果人類真係有穿越時空既能力, 隨時會不受控制地穿梭於人生各個階段, 究竟會唔會係件好事呢???  不過無論係點, 我地都要好好珍惜每次每刻對方相聚的時光喔!



 


        


        


 


 


 



2009年10月6日 星期二

迪士尼黑色世界

 


亨利除左book 左酒店住一晚之外, 佢都買左夜場飛玩迪士尼黑色世界


從前我同佢都無去過什麼哈佬喂今次難得可以去玩, 心情都好興奮!!!


真係估唔到原來夜場都有好多人  不過都唔及我地兩年前情人節既時候黎迪士尼咁多人


我地除左玩左D”簡單機動遊戲之外, 我地都入晒所有鬼屋 (最耐都係等左廿分鐘咋, 真係好啦!)…


雖然生日入鬼屋玩好似唔係好老黎, 但唔緊要啦, 因為最後都係好開心咁笑住出黎; 好佩服果D扮鬼既後生仔女, 佢地真係做得好好, 令我地好驚又好笑!!!


最後當然係睇埋靚靚既煙花先走啦~~~


 


 


      


  *  夜晚黎原來係咁靚架!!!


 


      


      


      


      


      


      


      


      


      


      


     


     


     


  *  好彩臨走都俾我見到佢地影相~~~


 


     


     


     


     


 


 


 


2009年10月4日 星期日

驚喜生日 @ Disneyland


上星期五係我既生日…  好開心亨利俾左個好驚喜同好難忘既生日我呀!!!
 
幾日前佢同我講會出外過夜為我慶祝生日; 我個心仲諗住唔通去住黃金海岸??? 不過我點問佢, 佢都唔肯講…
 
Hahaa… 到正日啦, 我既心情真係好興奮, 因為完全唔知去邊度過生日…
 
去到東涌線, 心情就更加興奮, 因為唔知係味去迪迪尼呢???~~!!
 
OH… 去欣澳轉車呀! 好野, 原來亨利同我去迪迪尼呀!!!


 


 


       


 


 


周圍影左一陣相, 亨利就話同我去 Disneyland Resort 飲野... 


野飲黎左一陣, SURPRISE 就黎啦...  無啦啦間 lounge 既人都同我唱生日歌加一人攞住個蛋糕呀!!! 嘩, 果一刻我淨係識得笑, 仲有好多人都望住架...


 


       

 * 環境真係好靚呀~!


 


      


 *   我既 Camomile Tea...  好香好濃!


 


      


 *   亨利既 Capuccino ... 好滑呀!


 


       


 


       

 


 *   好靚既蛋糕喔!!! 多謝亨利既安排...


 


      


 *   帶左依個襟章, 每個 staff 見到我都會同我講 "生日快樂"! 真係好開心呀!


 


        

 * 亨利送俾我既生日卡


 


       

 


 *   跟住就去 Hollywood Hotel check-in 啦... 因為我地會住依間...


 


       


       


       


 *   一入房就有人拍門送上依個毛巾蛋糕俾我啦... 我好鍾意呀!!!


 


        


       


       


       


  *   休息左一陣, 我同亨利就去左游水... 仲好開心見到高飛狗呀!!!


 


      


 *  真係估唔到原來高飛狗會同埋我地一齊游水架... 佢仲有玩滑梯添! hahaa....