2007年4月20日 星期五

十個"開"

尋晚睇睇下電視, 手提響 wor...嘩, 真係估唔到原來係你!!

好開心你每次返黎香港都會搵我; 雖然, 你已經結咗婚, 但真係好開心我地真係可以仲做到好朋友.  點解咁講?? 因為身邊有D朋友結咗婚, 就好似變咗第二個人咁; 又好避忌 wor, 唉! 我都明既! 因為佢地有自己頭家啦嘛!!!

雖然我地唔係講咗好耐電話, 但感覺到你好似唔想收線咁, 哈哈...真係好有依種感覺呀!!!!

太好了, 可以同你下星期五食飯....hm....食咩好呢??

 

 


2007年4月16日 星期一

通通通 (宵)???



好慘... 依家已經係深夜"一時十三分", 但我仍然係公司... (time updated)

家陣好頭痛, 有D唔舒服! 死啦, 唔知OT到幾點呀~~

 

 
====== >>>>>> 

好crazy, 今朝9點做到5點; 再坐車由數碼港去金鐘開會from6點到8點; 跟住再飛的返公司做到依家呀....天呀!!! 咩工黎架!!!

我再咁捱落去, 我會"爆"架!!!.........................  


2007年4月15日 星期日

深圳一天遊

 

又係時候要去relax一下啦!! 今次亨利提議去深圳行下囉….um…都好啦!

, 首先又要大叫一聲先; 因為依個新書城好大呵!! 講真, 香港地方細, 而且租又貴, 想有一個拱大既書城同商場, 我諗香港人都只能去最近既深圳lu…不過, 你都要識睇簡體字先!

 

* 依個就係少年宮站既新書城啦

 

* 依個書城有兩層.  Underground個層仲要係全層for兒童架!!

 

* 嘩!! 駛唔駛咁大呀!!!!

 

* 新落成既Coco Park!! Yo!!

 



* 依個idea幾好...


 


2007年4月8日 星期日

女孩 - 嫁給那個男人是最好呢?

 

剛剛看了一篇很好的文章, 想記下同你地分享....

"人說女人有3條命,一條是爸媽給的,一條是老公給的,一條是孩子給的。第一條命已成定局,第三條命為時尚早,所以只有第二條命最讓人揪心。人生在世,幸福本来就不多,如果再受第二條命所累,就太冤枉了。那麼我們嫁給什麼樣的男人才幸福呢?

1) 事業和家庭輕重擺得好的男人。男人絕對不能没有事業心,但如果他的事業心太重,他用在家庭和你身上的心思就會很少,你要他陪你逛街,他說没意思;你要他陪你看電影,他說没時間。他事業取得了成功,你也跟着風光,但那是别人看到的,别人看不到的是漫漫時光裡的你的寂寞。而那些事業心不是過重的男人,則懂得對你體貼入微,對你寵愛有加。

2) 不太在乎你容貌的男人。歲月是女人的敵人,他四十歲、五十歲的時候魅力有增無减,而你,再美麗的臉也會起皱。相反,如果他首先在乎的是你的内在氣質,他也會發現你的魅力隨歲月漸增。

3) 不太會談戀愛的男人。人不是天生就會談戀愛,太會談戀愛的男人,說明其情埸經驗豐富,這樣的男人更適合做朋友。如果一個男人為給你送花可以在樓下傻等半小時,而玫瑰又錯買成月季,没關係,他心裡送的是玫瑰。

4) 覺得你不懂事的男人。他對你的呵護像鹽入水一樣化在生活細節裡,他會把你看成是一個永遠長不大、最不懂事的孩子,凡事為你瞎操心,不是因為對你没信心,是因為愛。如果哪次你因為不小心淋了雨,感冒發燒,他會發火,這更表明他是最疼你的。"

姊妹們, 你會嫁給誰呢??

或者, 依個世界上, 唔知有無(1+2+3+4)既男人呢???


2007年4月7日 星期六

又黎ThreeSixty!!

 

今日好開心終於可以行下 H&M 睇下佢有乜野拱勁....哎呀, 有一大條龍; 一心去到, 都要排啦. 拱岩我又排正近出口, 又有好多人出黎, 而個"食Q"又拱岩check緊個客袋野, 哈哈, 我諗左一秒就唔理任何人就係個出口入咗去行啦....wahaaa....

不過入到去, 見到多人到爆, 當堂無晒mood行...

 好彩momo黎到, 我先開心左, 可以一齊再睇!!

好誇囉, cashier, fitting room同每個corner都超多人; 嘩, 唔駛錢咩!! 担白講, d款真係好好好好好普通; 係, 價錢係好平, 但係未至於會有咁人呀???!!! Scan左一輪, 本來最想買條皮帶, 但最後就買咗件衫!!....

之後同momo去咗Three Sixty --- a really nice supermarket.

今次俾我發現有隻罐頭湯竟然叫 Amy's Soup. hehee....即刻(無聊咁)影底!

D staff真係好好人, 叫我地填完張form又送個好靚兼成40蚊既購物袋俾我地; 跟住又每人俾張$10 coupon我地去food court食野wor!

今次我又買左兩罐唔同味既tuna魚醬用黎朝早搽麵包, 正呀!! 再夾咗8個細細high tea必有既西式bread, woo....我同阿媽都好鍾意食架!!


 

  

  


2007年4月2日 星期一

Q版


好耐都無去過黃金海岸啦, 所以提議享利不如去行下囉….

好開心第一次去畫Q版人像!! 而且依間價錢都唔貴, 彩色連景都係一百蚊兩個人!! 不過好好笑, 原來好多個背景你係可以choose一樣既; 跟住佢會俾本野你, 選你鍾意既景, 但個頭係空白咗未畫架哈哈 ---- 即係一大本彩色影印咗既背景囉!! !!

不過, 依個畫家都好開心, 因為佢剛剛開舖, 就做我地第一單生意啦!! 我地亦都係咁笑, 等佢可以畫我地畫得開心D!!!

睇下, 幅畫畫得靚唔靚呢???

 

                           

* Car Plate

AK = Amy + Kit

214 = Dream marriage date on 14 February