2008年7月30日 星期三

SK-II



之前參加左個 esdlife 同 SK-II 搞既 function, 幸運地被抽中成為100位中其中一位既準新娘, 可以以28日試 SK-II 既皇牌產品(返屋企用), 真係開心到震!!!


最近要填番個問卷, 上到 SK-II 個 site (http://sk2.she.com/), 佢地竟然用左果100位新人既婚照做 main page, 真係好靚呀! 當然, 當中都有我同亨利張靚靚相啦...


坦白講, 個支神仙水真係幾得... 我既皮膚 keep 得好好... 不過, 可能再加上心情愉快同夠訓啦, 所以效果好明顯呀!!


SK-II 今次真係落足本, 每個準新娘除了可以出席一次護膚講座外, 仲每人送左一套正野: 一支神仙水, 一盒十片 mask, 同一支 clear lotion! (standard size 喎, 唔係 mini 裝架)




       


       



   



2008年7月28日 星期一

運動會

 


公司上星期五下晝舉行運動會... 真係好開心呀!  我發覺公司間唔中舉行一D活動俾員工, 除左可以讓大家身心愉快之外, 原本真係可以令大家增進不少友誼架!!

 

今次活動主要有羽毛球比賽, 拔河, 同埋接力傳勝火... 真係好搞笑! 

 

估唔到大家都玩得好投入... 最後仲有大型到會俾大家飲飲食食, 同埋大抽獎添呀! (不過抽唔中我...)

 

 

      

        * 有豆腐花食呀... 同埋一個 brother 牌既 printer 作為抽獎禮物!

 

      

 

 

 

2008年7月26日 星期六

金羅寶

 


放工前媽咪打俾我, 叫我去銅鑼灣食晚飯... 好野!! 因為可以行下街嘛...


不過原來媽咪同爹地四點幾就已經去左銅鑼灣拍拖行街街啦; 所以我見到佢地時行左一陣就一齊去食飯啦...


爹地因為鍾意食石頭飯, 所以我即刻提議去金百利上面果間"金羅寶"食呀! 佢地第一次黎依間食... 見到咁多伙記都係韓國人, 加上七點鐘就坐滿人, 佢地都好期待呀!


因為佢地之前食左 tea, 所以唔會 order 太多.  我地叫左人參燉雞, 石鍋飯, &海鮮烏冬.


佢地最 surprise  就係包左好多配菜, 不過我都覺得好正; 因為有我最鍾意既 kimchi.


最後仲有甜品芝麻雪糕同生果送添呀!!


 


      


      


      


 


2008年7月24日 星期四

開工啦...

 


自四月辭左份工, 跟住就忙足兩個月為新居大裝修...  雖然家下又開始為結婚既野準備, 但計計下, 其實我都可以搵份 temp job 做幾個月, 儲番D錢錢...  所以搵左一排, "in" 左幾份工, 我終於返新工啦......


返左兩星期, 深深感受到大公司的好處; 簡直同我之前辭職個份相距十億萬倍!!!!! 或者做左好幾年工, 所謂既高職位都試過; 所以宜家個心都已經無左再想上位既心態; 寧願搵份簡簡單單, 無乜壓力既就算... 


大公司既職務分得細緻, 唔係因為我係 temp 所以少野做; 而係真係發現每個人都主攻某幾樣, 好好做好自己既本份, 開開心心又一日... 唔怪之得個個都做左好幾年啦, 因為真係 "樹大好陰"!


 


         


         * 新公司的一角.....   見未有人返即刻影張相先!


 


2008年7月22日 星期二

甜藝館

 


果晚同亨利食完 Hip Sushi, 亨利無啦啦提議去大圍食糖水; well, 我已經有十幾年無入大圍啦... "大圍" 對我來說, 只係諗起細個踏單車時會去既地方哦!

 

一出火車站, 我好似大陸黎咁; 因為個地方比我想像中好... D 樓唔係好高, 旺中帶靜, 幾好呀!

 

周圍行行下, 係大圍村對出有間似自家制既甜品店, 我地就選左依間啦... 好過食附近間燉奶佬.

 

舖仔細細坐滿人.  見到個 menu 都好多 mix & match, 非常吸引!

 

其實我地都飽飽地, 不過都叫左三大樣野: 楊枝金露, 蘆薈金露, 同彩虹涼粉!

 

驚喜既係好好招呼, 野食新鮮整, 好好味添呀!  由其是個蘆薈金露, 大大粒蘆薈; 個彩虹涼粉既朱古力雪糕有朱古力粒, 正呀!! 佢仲話有荔枝味雪糕, 等我下次試下先...

 

 

         

 

         

 

        

 

        

 

        

 

 

 

 

2008年7月20日 星期日

Hip Sushi

 


尋日同亨利去左好耐都無去既沙田行街街; 見到好多舖頭都 on sale 緊, 我地都忍唔住買左好多野呀...


行到八點, 亨利話想食壽司, 所以周圍睇下... 見到峰壽司超多人排隊等, 唯有放棄... 好好彩, 俾我地係另一邊發現左一間我地未食過既新野 --- HIP SUSHI.


雖然都係好多人等, 但拿住張飛等總好過要續個排住入果隻; 而且間野都好大, 所以等左廿分鐘左右就有位啦...


之前睇過雜誌都有介紹過依間新野, 所以坐底左都好心急即刻食食食...


發現佢地原來都有好多新款壽司, 雖然來來去去都係果D野, 不過用多左"顏色"包裝, 都幾吸引架...


 


       


       


       


       


 


2008年7月19日 星期六

花車公仔



留意左一排花車公仔, 都未決定買邊對好, 簡直花多眼亂...

雖然我最鍾意係 Hello Kitty, 但我諗我個花車公仔都未必一定係 Kitty 架!!!

除左用公仔,原來有D花花加心心裝飾都好靚架...

Anyway, 等我再睇多D款先... hehe...


       


2008年7月18日 星期五

一個月啦!

 


時間過得真係快啦... BB你點解大得咁快既???


表姐個BB女話咁快又滿月啦!


噢! 真係超可愛同精靈呀!!


 


        


        


        


        


 


2008年7月17日 星期四

靚靚簽名筆



又係時間準備一下結婚既野啦... 今次自己整(靚)左D簽名筆呀!!

之前同亨利去大陸玩既時候買左D筆; 嘩, 依家終於用得著啦...

我去左文具舖買左D金, 銀, 綠, 橙, 紫既簽名筆同絲帶, 跟住就可以慢慢整啦...

靚唔靚呢???   


      


2008年7月12日 星期六

收樓啦!!!



等左足足兩個月, 終於到左依一日啦 --- 就係 "收樓" 既大日子!!!

宜家真係好好好好好開心; 雖然裝修期間同個裝修老細有吵大獲既事發生, 但最後都傾惦左. 不過, 我個心就好唔鍾意佢, 因為佢個人太狡猾... Anyways, 依家乜都 OK 晒, 真係謝天謝地!!! 

下一步, 就係諗下 D 傢俬點整; 相信要真正入伙, 都要等多一個月啦...



        


          * 我地既客廳呀!!!

       


          * 右邊係我地既飯廳呀!!!

       


          * 超鍾意既廁所...

        


            * 仲有 99 分既廚房呀!!!



2008年7月10日 星期四

京滬通

 


家下好多大商場既 Food Court 都轉左為 "大食代"; 講真真係幾正, 又多選擇, 野食又唔差...


同亨利去左東涌行街街, 在"大食代"入口右邊有間叫 "京滬通".  我地見D晚餐 set 都幾 ok, 所以選左依家食...


個 set 可選兩款前菜 + 兩款主菜 + 飯 + 小籠飽 / 鍋餅 etc.


驚喜既係全部都係即叫即煮架, 好好味呀!!!


我地個 set 包括咕嚕肉, 麻辣雞, 素鴨同翠玉瓜, 小籠飽 = 90分!


 


       


      


      


      


      


 


 


 


2008年7月8日 星期二

日本手信

 


細佬同佢女朋友自由行去左日本東京旅行八日, 終於尋晚夜機返黎啦...


我同爸媽都好期待, 除左睇下有乜手信外, 就最想知道佢地既旅行故事; 因為佢地又唔識日文, 最重要係第一次去日本嘛, 真係好佩服佢地既膽量呀!!


睇左一陣相同 video, 細佬就派手信啦!!!


嘩, 係咪傻左??? 點解會買咁多俾我既????? 又 agne's b, Fancl, Hello Kitty, Burberry, etc & 野食(一齊食)...


真係好感動呀!!!  


 


        

   


        

 


       


       


       

       


       


                                                                  * 件 tee 同條 burberry 小毛巾係送俾亨利架!


 


2008年7月7日 星期一

湘川滬

 


尋晚亨利同我爸媽食飯, 目的為了邀請佢地為我地新居 "剪綵" (參觀下)...


亨利提議去葵青劇院隔離既 "湘川滬" 食飯, 之前我地一直都無試過, 所以今次都有D期待...


好彩我預早一日 book 定枱, 因為有好多人等位, 真係估唔到; 不過可能因為係星期日啦...


成間野坐滿晒人, 非常熱鬧.  我地都叫左好幾樣野食; 嘩, 由頭食到尾, 竟然好好食呀!!! 唔怪之得有咁多人啦...


我阿爸食野好鬼麻煩, 超高要求; 真係估唔到依間岩佢口味! 我媽咪仲話下次去開依頭食飯, 就去番依間添!!!


我地四個人叫左:


     * 崧子紫菜咸肉飯 --- 超少油, 正!!


     * 糖醋排骨 --- 唔肥, 正!!


     * 唔知乜乜抆鴨 --- 勁辣, 但好味!!


     * 小籠包4隻 --- 皮薄多汁好熱, 正!!


     * 鍋貼4隻 --- 好味!!


     * 回鍋肉跟薄餅6件 --- 好多肥油, 最底果D唔敢食呀!!! 不過都好味!


     * 葱油餅 (分左4件)--- 新鮮熱辣, 不過個個飽到食唔晒...


其實個 menu 仲有好多野食, 下次一定要再同多D人黎食, 咁就可以試晒全部野食啦!!


 


       


       


       


                         


        


2008年7月6日 星期日

千両

 


前幾日同左個好耐無見既朋友食飯, 我提議去試 "千両".


其實當千両開張時, 我已經好想去試; 不過有幾次都因為其他原因食唔到...


今次我預早一日 book 七點食(@尖沙咀新太陽廣場), 不過佢地要我地八點半交枱; 唉, 為左想試, 都 say 左 OK 先!!


原來野食選擇唔多, 不過又唔係太貴; 至於水準就不過不失啦...


差五分鐘先到八點半, 已經要我地埋左張單啦, 但其實之後我地都照坐, 照飲多兩杯茶先至走... 


不過, 最後俾我地發現, 全店都未坐滿, 門口又一個等位既人都無, 真係唔明佢地點做生意, 咁快要人埋單, 趕客咩!!!!!!!!!!!


 


        


        


        


           *P.S. 個甜蛋同個炸蝦係已經食左一舊先至記得影架....hoho