2010年6月27日 星期日

theZtyle.com X SOFINA 夏季 「美白 + 抗老化」護理工作坊

 


非常多謝 theZtyle X SOFINA 的邀請, 令我可以參與昨日舉辦的夏季 「美白 + 抗老化」護理工作坊.


第一次被抽中, 心情真的特別興奮!


工作坊未正式開始前, 每位被邀請的 sis 都會由 SOFINA 的化妝姐姐為我們先做一個簡單的皮膚分析; 而我的測試結果幸好不太差, 只是要留意膚色不均的情況...


 


      


   *  肌紋指數有4粒星; 毛孔指數有5粒星 (so good!!!); 但膚色不均指數有三粒星 (多星星代表最好)


 


做完皮膚測試之後, 很開心這時我亦可以試用 <深層潤澤卸妝油> <活氧碳酸潔面泡沫> 落妝洗面, 以便於工作坊開始時可以真係感受 SOFINA 的新產品.


 


       


   *  <深層潤澤卸妝油> <活氧碳酸潔面泡沫>


 


      


   *  姊妹們齊齊落妝洗面


 


洗乾淨面部之後, 就將最新推出的 <抗老化美白活膚露> 倒濕綿花敷面 5-10 分鐘.  這樣可以擴大肌膚的水道, 令之後使用的精華和活膚乳液更容易滲透和吸收!


 


      


   *  最新推出的 <抗老化美白活膚露>... 個樽好靚呀!


 


      


   *  用 <抗老化美白活膚露> 敷面, 聞到陣陣的 "洋甘菊" 香味, 好舒服喔!


 


      


 


 


大會更邀請了來自日本的關根智子小姐講解何為終極美肌以及皮膚差的三大成因等.


      


   * 關根智子小姐與翻譯小姐非常友善為我們講解


 


      


      


  *  關根智子小姐還提醒我們用 <抗老化美白活膚露> 搽於面上 (不是用拍打方法) 之後, 雙手可輕輕放於面上, 手上的微溫可令 <抗老化美白活膚露> 更易被皮膚吸收, 而份量就要記住 “3 + 1” 才為之最好! 即是倒三下份量的 lotion, 搽完後可以補多一下, 令全面都可以搽勻!


 


跟著大會就邀請了 model 為我們示範, 同時我們可以親自試用枱上的產品.


 


       


    *  Model 示範了正確使用活膚露及乳液的正確手勢, 真我們很受用喔!


 


        


    * SOFINA 的化妝姐姐更近距離指導我們的正確搽 whitening lotion & whitening emulsion 的手勢


 


         


      * 之後更有 Josephine Lee 小姐為我們講解皮膚的知識及新產品的介紹


 


         


     *  原來這次 <美白 + 抗老化> 系列, 含有增強肌膚的內部功能, 改善形狀變化及膚色變化的技術...  因為產品主要有(1) 尤加利精華以改善角質層; (2) 生薑精華改善真皮; (3) 柚子精華改善微絲血管 & (4) 水晶透亮滋潤成份令皮膚滋潤, 增加透明感, 及 (5) 洋甘菊ET抑制黑色素, 預防色斑...


 


 


聽完 Jacqueline 小姐講解後, 真是急不及待回家開始使用這套 <美白 + 抗老化> 產品系列喔!


工作坊最後 Q&A 的部份, 由大會主持問各位 sis 問題, 最快舉手又問對的, SOFINA 會送出一份小禮物...


第一條問題竟然被不怕醜的我搶答了, 哈哈, 最後當然是答對了啦!


小禮物原來是 AUBE 的靚靚 Mascara 一支, Woo, 真的開心得笑了出聲! 



 


       


       


 


 



最後每位 sis 由 SOFINA 送上一套原裝 size 的 (1) 活氧碳酸潔面泡沫 (2) 抗老化美白活膚露 (3) 抗老化美白活膚乳液 & (4) 抗老化防曬乳液 SPF50+ PA+++

 

       


    *  就是這一套跟了我回家, 哈哈哈........


 


       


   * 大會更送上其他產品的試用裝給我們, 真好!


 


 


                    SOFINA「美白 + 抗老化」


                      產品的試用效果很快會送上,


                  各位愛美的姊妹, 記得留意呀!


 


              Thank you for your kind attention!


 

 


2010年6月24日 星期四

去黑頭棒棒 & 蠶繭殼

 


前排行過 Log-on, 見到有兩隻日本野專用黎清潔鼻頭, 貪得意買左黎試下...


其中一個係矽膠做既棒仔, 只要用隻食指戴住, 就可以用黎清潔鼻頭去黑頭!


另一個就係好似D蠶繭殼咁, 又係只要用隻食指戴住, 按摩個鼻黎去黑頭!  不過我上網搵資料, 話依隻最好用D熱水浸幾分鐘, 等佢軟身左黎按先有效架!


由於唔可以日日 "捽", 會刺激毛孔嘛; 所以我隔左幾日先試晒兩隻得意野!


Well, 支捧捧按起黎好舒服, 因為佢面頭有好多軟身既凹凸牙仔, 捽左十下就已經好夠好乾淨...


至於個蠶繭殼, 浸左熱水軟身左用黎按仲舒服, 暖暖地捽捽下, D污穢野出晒黎呀, 好神奇呢! (唔記得影相)


估唔到依家去黑頭係咁容易, 以後唔洗再去被人針清咁痛同起晒紅印啦!!!


 


      


  *   偷影 @ Log-on


 


      


 *   就係咁將支黑頭棒穿上隻食指


 


      


 *   跟住細細力用凹凸牙仔按摩個鼻頭, so easy!


 


      


 *   依粒就係蠶繭殼啦! 細細粒, 好似冷球仔, 好得意呀!


 


      


 *   用之前用熱水浸軟之後之捽, 效果好更好呢!


 


 


2010年6月20日 星期日

Nice Sushi + Thai Buffet @ 銅鑼灣



好耐都無食buffet ...   難得同我最愛既舊同事 lunch gathering, 我提議去銅鑼灣 LCX 隔離既 Nice Sushi + Thai Buffet…

雖然依家餐廳都開左好幾個月, 但估唔到大家都未黎食過...

星期六 lunch time, 依度都坐唔滿場; 或者銅鑼灣真係有太多選擇??!!

白色既裝修, 靜靜的環境, 感覺幾舒服喔!

Lunch buffet 有熱葷 (咖哩肉類, 海鮮, 蒸蛋, 溫泉蛋, 串燒, , 雜菜等); 前菜有西式 salad & 泰式 salad, 其他有壽司刺生, 甜品有泰式糕點&雀巢雪糕呀!!!

對細食既我地, lunch buffet 依度算係ok多野食...   加上天氣悶熱, 食酸酸辣辣既野係最好不過的...

Well, 唔知依度既 dinner buffet 係咪會正架呢? 聽講好似仲好好食既咖哩炒蟹呀...

是日 lunch buffet 12點食到下晝3, 每人包埋一杯野飲都係 only HK$121, 真係好抵呀!



P.S.  Buffet @ 銅鑼灣京士頓街9號名店坊地下6號舖





         


      


  *  環境都真係幾好...  起碼夠乾淨!



      


   *  熱葷類...



      


  *  Salad 類...



      


  *  串燒 & 湯類 (冬陰公 & 豚肉湯)



      


   *  壽司刺生 (刺生係厚切, 正!)



      


      


      


      


     


     
  * 亨利食咖哩



     


     


  *  有兩大個雪櫃揀泰式甜品, 仲有生果同大菜糕呀!!!



     


     


     


     


  *  淨係食左芝麻味, 飽到食唔到紅豆味雪糕....



      


   *  希望下次 gathering 可以出齊所有人再勁食過! hahaa...





2010年6月16日 星期三

Surprise dinner @ 汀蘭居

 


好耐都無 update blog ...  皆因都係一個字 - “忙”!


近排一星期放工後返兩日瑜伽班, 感覺真係好好...  真係覺得自己健康左呀! 


唔洗上堂既時候, 我就繼續努力做好 陳太” 既本份! 就係煮飯啦, hahaa…


上星期六我同亨利去左尖咀行街街; 到黃昏, 佢無啦啦話帶我去個 正”地方食晚飯...


Well, 沿途我問極佢又唔肯講去邊, 神神秘秘咁...


最後, 我地去左一個叫 “汀蘭居” 既地方食飯...


心諗, 會所黎架??? 但又咁似酒店既??? 後黎先知係 service apartment…


依度有一間西餐廳, 雖然餐廳既裝修同一般既都無乜特別, 但服務就好好...


估唔到亨利早有準備, book 左枱, 仲可以坐係餐廳唯一一張既露天坐位... 可以靜靜地食野同埋欣賞汀九橋 & 荃灣夜景!


我地叫左 <鵝肝南瓜意大利飯>, <牛肝菌忌簾湯>, <咖哩羊肉配中東飽及白飯> & ...


雖然今餐都唔算平, 但我都好開心亨利為我準備既 surprise dinner !!!


 


P.S. 汀蘭居@荃灣油柑頭青山公路123


 


      


  * 環境清靜, 好似幾好住咁...


 


      


  * 汀蘭居的大堂好大好似酒店咁呀...


 

      


  * 轉落就係西餐廳啦...


 


      


  * 依度就係西餐廳啦… (入口 bar, 有好多西人飲下酒睇下電視)


 


      


 


      


  * 我同亨利既露天坐位真係幾好...


 


      


  * 露天位只有一張枱, 我同亨利好似包晒成個地方咁... 仲可以靜靜地欣賞靚靚夜景!


 


      


 


      


  * 另一面就係荃灣夜景, 一樣咁靚...


 


      


 


      


   * <牛肝菌忌簾湯> 幾好味!  飲完好飽肚呀~!


 


      


  *  <鵝肝南瓜意大利飯> 賣相好得個鵝肝仲要係心型架不過我就覺得唔係好濃味, 一般水準吧!


 


      


  *  <咖哩羊肉配中東飽及白飯> 就唔係好夠熱, 可能我地掛住食其他野先...