再見台灣啦...

六日既台灣之旅好快結束啦...

由於我地夜晚機, 所以我地最後依日仲有時間去shopping...

我地去左101同誠品信義店, 仲買左好多煮野食既書添呀!!!

臨走去到機場, 好開心個閘口就係正Hello Kitty候機室; 而亨利亦都俾我作最後衝刺, 買左兩小袋野, heheee...



總結:

台灣真的變了, 變到成個日本咁... 野食同買野都仍然好平, 好抵玩... 而台中清境, 更係我地既新發現, 真係好難忘... 希望下次再去台灣既時候, 可以去下高雄墾丁啦...



          

鼎泰豐 & Hello Kitty Cafe @台北第五天

依日好開心, 因為我同亨利都可以試晒台灣最出名既食店 – 鼎泰豐 & Hello Kitty Café.

訓到十點起身, 依日既 brunch 就係去食小籠飽啦…

我地叫左碟前菜, 一籠五粒既蟹粉小籠飽同一籠五隻既菜肉餃…  真係好好味, 皮薄多汁, 夾起又唔易穿喎…

佢地既招呼仲係一流; 我地仲見有好多日本人黎食, 而好多伙計都能流利既日文, 真係勁呀!!!

跟住行左一陣街街, 好開心係三越買左兩 sets 超平既SK-II; 佢地好似SOGO咁做緊新春大減價, 個化妝姐姐仲送左好多 samples 俾我添!



              

                         

夾公仔 @ 士林夜市

去完淡水, 接力再坐捷運去劍潭站逛士林夜市...

依到同以前一樣拱旺, 我仲買左好多靚靚飾物添呀!

最開心就係我同亨利用左唔駛港紙一百蚊, 就夾到幾個得意公仔啦...

每夾一次都只係台幣十蚊(=HK$2.5); 如果連續夾廿次都唔中, 佢地就會送一隻俾你, 就係抵玩呀!



      

   * 亨利夾到一個好得意既玉米仔呀!

淡水

因為我未去過淡水, 所以一返到台北亨利就帶我去逛逛...

Check-in 完 Hotel 73, 我地就坐捷運去淡水啦...

      

    * 感覺似去左長洲... hehee...

再見台中清境...

玩左兩日台中清境, 我同亨利都唔捨得走...

跟住我地又坐返三個幾鐘車(兩程大巴加高鐵)返台北啦...

 

雲南小吃

睇完羊show我地就落山, 好開心見到好靚既日落呀...

民宿主人話清境農場既旅遊中心附近有間雲南小吃好好食, 所以我地都走左去試下作為我同亨利既晚餐...

  

愛上羊羊

依一次, 令我深深愛上又乾淨, 又純良, 又可愛, 又好摸既羊羊呀...

我依家好掛住佢地呀...

多謝亨利用連環快拍同我&羊羊影左拱多靚相...

   

紐西蘭一日遊

依日同亨利去左紐西蘭一天遊, 哈哈(真係好似呀), 因為依日(@清境農場)除左有得睇剪羊毛外, 仲有趕羊表演, 同埋同左好多羊羊影相, 好鬼開心呀!!!

Check-in 完第二間民宿, 屋主又車我地去睇羊 show (@2:30pm) (100台幣一位入場, 超平)...

我同亨利準時去到, 見到D羊已經超興奮; 原來都有好多人等睇個羊 show...

個 show 既主持係來自紐西蘭既西人, 但佢竟然用流利既國語介紹, 因為佢話自己嫁左個台灣老婆喎, hahaa...

   

台中清境 - Day 2

住左一日"香格里拉空中花園", 我同亨利就 check-out 再住第二間.

依到既人真係好好, 好有心, 好好客; 第二間民宿既屋主中午就揸車黎 Starbucks 接我地去 check-in @黃慶果園民宿, 真係好好呀!

第二間既民宿離香格里拉空中花園大約有五至十分鐘車程, 我地一直向山上走, 原來環境更靚喔...

   

  * 第二間個名真係有D娘... 不過, 屋主話夏天既時候依到有好多生果食架喎...

去左瑞士嗎???

台中清境有小瑞士之稱, 原來真的不是浪得虛名!!!

依兩日, 真的深深感受到...  環境真係好似一幅畫呀, 眼前究竟係咪真架?? 點解全部既民宿都係用 house 型設計?? 我其實係咪去左瑞士呢??

   

坐高鐵去台中 - 清境

朝早食完旅店包既早餐, 我地就出發去台中啦...

心情勁興奮, 因為睇書既介紹實在太正; 所以我地都好緊張...

在台北車站買高鐵飛, 舒舒服服的坐左一個鐘就到左台中啦...

跟住我地就接力一個鐘去坐中型巴士到“浦里”; 落左車, 去左 KFC食個快餐, 就再坐多個幾鐘去我地去台中既目的地 --- “清境”!

由台北去台中清境, 共用左三個幾鐘車; 最初一聽到亨利講要坐拱耐車, 我已經唔想去, 因為我真係好怕坐太耐車...   不過, 黎到見到, 真係覺得好值得; 我仲同亨利講要每一年都黎呀...

       

向台北出發 (Honeymoon Part 2)

去完北海道, 返港唔夠十二個鐘, 又執過行李起行 --- 開始我地蜜月既第二站, 台灣!

自差不多十年前去過台北後, 拱大個女都無再去啦... 所以今次對台灣都幾有期望, 好彩依個蜜月同樣 perfect, 仲有大發現, 真係好難忘呀!

本來計劃係直飛台中先, 由台北返港架; 但飛台中既機票都full晒啦, 所以唯有飛左去台北玩先啦...