2009年5月29日 星期五

端午節 @ 鯉魚門



好耐都無入鯉魚門啦... 從前婆婆, 姨媽, 舅父同所有表兄弟姊妹既家都在鯉魚門, 我地細細個每個星期天都會入去玩同埋探婆婆...

難得端午節假期, 雖然都落住毛毛雨, 但亨利都陪我去"懷念"一下...

好興奮, 有D地方仲仍然保留住...  最勁就係有幾間我細個以前去既士多, 都仲開住舖呀!!!

從前係由小西灣坐船去鯉魚門碼頭...   但現在我地已經可以坐MTR去油塘, 跟住行5-10分鐘就到鯉魚門啦... 






*  細個去過既群記士多....






 * 昔日既老海鮮舖仍在....



 


* 我媽咪讀既小學呀 - "海濱小學"...






* 必去既天后廟...  廟後有個好靚既大石....



 


* 仲有燈塔(地標)...  






* 我同亨利去左茶餐廳小休...

  

 


* 鯉魚門小貓欣賞老伯垂釣...





2009年5月28日 星期四

源記甜品 @ 西環正街

 


自嫁左人搬離娘家後, 我都好耐無去源記食糖水啦...


難得好友 Larry "遠道"而黎西環同我食飯, 我地去完 MoMo Cafe 就去左正街源記食糖水!


每次黎親依間野, 都起碼有大半客人... 如果夜晚黎, 仲一定會坐滿/ 等位...


近期我愛上飲桑寄生茶.... 有時會加埋隻蛋... 不過今次加蓮子!


原來飲桑寄生茶好有益架, 由其對女性添...


 


 


  


*  Larry 叫既生磨芝麻糊...  依到最出名既就係 "生磨" 既糖水, 唔會開粉架!


 


 


* 我既養顏之寶 - 桑寄生蓮子茶


 


 


 


2009年5月26日 星期二

MoMo Cafe @ Courtyard by Marriott HK

 


前幾日同好友 Larry 食飯...  雖然大家都超愛日本野食, 但今次想試下其他...


上兩個星期因為我上網搵 buffet 資料, 發現到有間新野好似好正(評分亦好高), 所以我提議 Larry 不如一齊去試下囉...


MoMo Cafe 位於西環新起既萬怡酒店...  Cafe 下晝先會有 buffet, 而夜晚就只serve 西餐...


 


 


* 燈暗暗, 地方開揚, 感覺幾好...


 


 


* Sofa 卡位有 cushion... 坐得好舒服...  唔知係咪因為落雨定係地方比較遠, 成晚加埋都唔多過十個食客...


 


 


* 我地叫左蝦 Caesar Salad, 蜆忌簾湯, 牛油果雞肉 Pizza, 同埋奶油味好重既闊麵


 


Overall, 覺得依樹係一個拍拖既好地方... 又靜又坐得舒服, 服務又好好!  最難得係食物既選擇都唔算少, 而且價錢又唔太貴, 野食又幾好味呀!


下次等我試下佢地既 buffet 先...


Address: 167 Connaught Road West, Hong Kong. (@干諾道西水街口, 電車路近七號差館)


 


 


2009年5月24日 星期日

慶祝新婚五個月



拱又過左(新婚)五個月, 時間過得真係快啦...

難得第二日星期六唔駛番工, 又想隆重其事; 依晚就煮下西餐慶祝一下...

Menu 有:

1/ 南瓜忌簾磨菇忌簾湯

2/ 香煎秋刀魚

3/ 蒜蓉煎雞扒

4/ 耶菜花&磨菇做伴菜



 


* 買左一盒溫室磨菇... 洗淨切片



 


* 洗淨秋刀魚唔要腮, 用鹽搽全身醃一陣...



 


* 日本小南瓜一個.  洗淨切一舊舊加水煮淋身... 攤凍少少再用搞伴機搞成蓉...

(由於我個搞伴機細... 所以分左三轉先搞得晒個小南瓜...)

跟住倒晒去個煲, 加D水同少少清雞湯, 再加少少磨菇片同百合, 搞住黎煲一陣... 滾起就加少少忌簾, 飲起上黎會滑D...



      




 


* 表面好似好容易既一餐, 實則依餐既準備工夫真係唔少... 由其用左唔少時間洗野同整個南瓜湯...

WOO... 終於食得! YEAH, 第一次整既南瓜湯成功左呀, 好好味, yo!!!







2009年5月20日 星期三

桂格燕麥飯



媽咪最近話我知佢地食緊隻正米, 叫做 "燕麥飯"...

跟住我即刻去買左包試下...   只要將平時食既米, 加入少少燕麥米去煮; 記得依個係唔駛洗既, 直接加入其他洗左既米一齊煮就得架啦...

Woooo, 真係幾好味喎, 仲好有益添!

   



2009年5月19日 星期二

香港鐵路博物館



很久以前去過香港鐵路博物館影 "少女相"....  成為人妻之後, 都好耐無影過啦...

難得亨利做我既攝影師, 心情好興奮... (不過, 佢既技巧真係有待改善, hahahaa....)

不過唔緊要啦, 還掂我同亨利都無一齊黎過依到; 我地就當一個新景點行下影下相啦...



 





 *  好鍾意依張相...



   


 *  (右上) 果日見到有好多炮男呀!! hehehee...



  


 


 * (左下) 有個傻佬扮放行李...  >.<'''










2009年5月17日 星期日

船上BBQ @ 筲箕灣避風塘

 


真係多謝姊妹Mavis既邀請同安排, 可以俾我地一班女仔去佢男友家姐既家(船上)BBQ, 真係超開心呀...


我地幾個女仔約左五點幾去筲箕灣街市買野食, 跟住就去避風塘碼頭坐小船到大船啦... 心情真係好興奮...


 


     


      


    *  就係依架船啦... 超大隻呀!


 


        


   *  船頂簡直可以開party, 或者做私房菜又或者開cafe; well, 真係有得做呀!


 


        

    


        


    *  船既四周環境... 一個字: 舒服!


 


        


   *  日落啦... 架船對住嘉亨灣! 環境真係一流...


 


       


      


   *  依樹就係我地夜既十幾人BBQ既地方啦...


 


        


   *  Mavis 既小狗 Toffee, 好活潑同可愛呀!!!


 


        


    *  好多野食... 不過唔記得影D扒同菇喔... 


 


       


    *  今次BBQ最勁既, 就係要多謝Paris既老公細心地為我地預備左超正既羊架呀!


 


        


    *   由於個火太勁, 第一個羊架煨黑晒但內裡又唔熟...  依個時候, 最搞笑係船的男主人黃先生拿出鐵線釣住第二個羊架@天花條柱黎煨啦... WOO! 咁都得???!!! 真係好掂, 超好味喎!!  你睇個羊幾靚就知啦! 


 


        


   *  咁開心, 一定要影番張相留念呀!! (還有船家一家&兩位男仕無入鏡)


 


 


2009年5月13日 星期三

「雙妹嚜」

 


最近公司又有 promotion, 今次輪到「雙妹嚜」...


我仲記得讀中四既時候用過一次佢既雪花膏, 點知用到塊面又腫又痕, 之後仲要請病假去睇醫生...


事隔咁多年由於難抵價錢平既關係, 我又試下買左佢四大皇牌之一既 (100ml) 花露水同埋 (Q) 雪花膏; 至於護髮油同爽身粉我就無買啦...


不過, 我仲有買左一支限量版既蚊膏, 一支 Hand Cream, 同埋防曬 lotion.


原來佢既雪花膏可以改善手踭腳踭&手既倒刺位...  我唔用黎搽面, 相信今次唔會又敏感呱...


Anyway, 佢 D products 真係好香呀!!!  


 


       


 


 


2009年5月11日 星期一

Keep Fit 扭扭板

 


由從前既 marketing 工轉左家下既全職 adm 工, 除左去 pantry 之外, 大部份既時間都係坐住個位, 成日坐到腳痺, 真係遲早有靜脈曲張...


多謝亨利買左塊扭扭板俾我...  我可以每日用睇電視既時間扭下郁下...


除左可以鬆番條腿之外, 仲可以減個腩添... 


 


      


       


 


 


2009年5月9日 星期六

宴客

 


天氣好, 心情更好...


今日有多位好友到訪, 真係多謝佢地送黎又靚又好味既cake呀!!!



       

 


    *   屋企對住既景~~~  如果天氣再好D, 就可以見到好清楚既維港啦...


 


        


     *  食完cake再食我整既布甸...


 


由於其中一人好想試我煮既野食, 而剛巧其他人又要早走; 唔緊要啦, 只有一個客人我都會好樂意煮飯食...


今晚既家常小菜係最易煮既:


       


   *   翠玉瓜炒百合&鮑魚菇


 


       


   *   瑞士汁雞翼


 


      


    *   青椒紅椒炒排骨


 


        


   =>  最後係食清晒D餸...


 


      


    *   真係多謝Charis賞面!!!   歡迎下次再光臨...