矜貴試用裝~

 

近年我都攞左唔少護膚品試用裝, 但最怕攞D一包包仔既試用! 唉, 真係唔攞好過攞…

Guerlain – 由我認識第一日, 都覺得依隻牌子既產品好高貴典雅; 而產品既價錢仲唔平添架…

前排收到SMS 可以去專櫃率先試用 L’OR Make Up Base, 個心仲以為又係一包包既試用裝, 點知…

一打開個 make up base sample 睇, 點解係透明既??? 再望真D, 嘩, 有好多金箔呀!!!!!

 

            

      *    好矜貴既 sample 喔!  I love it so much…

 

           

           

           

      *    泵樽設計, 好方便呢~

 

真係估唔到 Guerlain 新出既 L’OR Make Up Base係咁型架!  Sample 都咁專貴, 細細樽, 保持新鮮之餘, 又可以用幾多, 泵幾多, 唔洗一次過用晒, 正呀!

依隻“黃金亮采精華隔離凝膠”(Radiance Concentrate with Pure Gold) 採用左全新配方成為最佳既妝前保濕凝膠! 更用 24K 純黃金, 製成精細既金箔微粒, 均勻散佈係透明凝膠之中, 搽於肌膚上, 瞬間改變暗沉既膚色, 提升光澤!

泵出既凝膠一D都唔厚身! 搽上面, 神奇地變為好水潤, 好清爽, 完全唔膩, 感覺好似搽左好水既 lotion 咁…

輕泵兩下, 凝膠好快就好水水, 搽上面真係好似拍完保濕爽膚水咁, 都好快吸收... 

用左幾日, 我仲覺得塊面好似白左呀?!

 

          

     *    Woo, 好多24K金箔呀!

 

 

 

 

“面膜級” 保濕精華???

 

最近新出既 Neutrogena 水活保濕精華, 引入左面膜級保濕技術, 將皇牌既保濕面膜精華逐滴凝聚, 成為 『Hydro Boost 水活保濕精華』!

 

      

 

聽到都好吸引, 因為坦白講, 就算唔懶, 都無可能日日敷 mask 啦! 所以如果真係有支好保濕既精華素, 而又有敷 mask 既效果, 咁就好啦!!!

將新出既 Neutrogena『Hydro Boost 水活保濕精華』與同樣新出既 “L” 品牌保濕精華比併一下就知邊個厲害啦!

 

首先質感, Neutrogena Hydro Boost vs “L” 品牌, 大家既流動速度差唔多, 代表份子比較濃郁, 依個回合 <<<打和>>>!

 

      

      

  *   大家既流動速度都係差唔多...

      

 

 

而清爽度, 左手搽上Neutrogena Hydro Boost, 右手搽上 “L” 品牌保濕精華, 等30秒, 等精華完全吸收之後, 用手背按上小發泡膠粒睇下; wow, 好明顯 Neutrogena Hydro Boost 比 “L” 品牌保濕精華黏上既小發泡膠粒少一半喔! 證明 Neutrogena Hydro Boost 清爽得多, 而且唔會有太油膩既感覺! 所以以清爽度計, Neutrogena Hydro Boost 勝!

 

      

  *  左手搽左 Neutrogena Hydro Boost, 小發泡膠粒痴左只有幾粒...

 

      

   *  搽左 "L" 品牌, 右手痴左超過十粒既小發泡膠粒! 垂直左少少右手, D粒粒都唔跌落黎...  Um, 證明依隻有少少笠! 

 

最後就係要睇最緊要既水嫩度啦!

先睇“L” 品牌保濕精華, 在我無搽野既右邊面保濕度原本有 42.2%; 當搽上佢既保濕精華之後, 等左一陣再用水份測試機 check下, 結果右邊面既保濕度有 49.1%, 即係升左 6.9%, um… 效果好一般呢~

      

      

   *  "L" 品牌保濕度前後只係升左 6.9% 咋...

 

到測試下 Neutrogena Hydro Boost, 左邊面原本係 41.7%, 搽上 Hydro Boost 之後一陣, 再用水份測試機 check 下, 嘩! 塊左邊面既保濕度竟然升到去 58.8% 呀! 即一共升左 17.1% !!!!! 好厲害呀! 依個水嫩測試好明顯係 Neutrogena Hydro Boost 嬴晒!

     

  * 勁呀!!! Neutrogena Hydro Boost 保濕度前後升左 17.1% 呀!!! 要比五粒星喔~

 

試用左足足一個多星期, 真係估唔到, 依支 Neutrogena Hydro Boost 有咁強既保濕力, 而且精華仲好快滲入肌膚底層, 俾面部吸收, 所以一D都唔會笠! 而且面部仲可以keep 到成日咁水潤, 真係好似敷完 mask 咁呀…

Neutrogena Hydro Boost 有高效保濕配方, 內蘊含高純度透明質酸 (Hyaluronic acid) & 橄欖精華, 為乾燥肌膚細胞提供大量水份, 令肌膚長時間持續水潤透亮!

有咁強既保濕精華, 唔怪之得話 Neutrogena Hydro Boost 有面膜級既保濕力量啦!

 

                                       多謝 theZtyle.com x Neutrogena

 

 

由頭潤到落腳趾尾…

今日, 終於感受到有少少秋意…  意味著秋冬就快黎啦…   

記得我以前超討厭冬天, 因為我怕凍之餘, 而且皮膚仲會太乾而出晒紅點同周身痕, 好慘… 

試過好多什麼什麼超潤既面霜/ 手霜/ body cream等都救唔到我依個“乾人”, 好彩被我遇上 QV. 

其實我地周圍都可以買到 QV, 但以我所知無一個朋友有用過咁既!!!??? 

QV 來自澳洲, 佢簡直係平價版既 Jurlique, 產品超滋潤, 真係好岩我地依 D 皮膚又乾, 銀包同樣乾既人用, hehehee… 

我足足用左 QV 大半年啦, 我既敏感兼乾燥既皮膚都無再痕同埋出紅點, 而且仲覺得好滋潤, 又唔笠, 正正正! 

今次依篇絕對唔係什麼試用文, 而係真係自己真金白銀買黎用架!  

知道有好多人都好似我咁有敏感又乾燥皮膚, 所以我都好希望 QV 可以幫到你喔!

 

        

  *   我既好朋友 - QV Cream, QV Moisturising Day Cream, QV Lip Balm, QV Gentle Wash

 

 

1) QV Moisturising Day Cream

- 特別針對敏感皮膚

- 有SPF30+, 足夠提供日常防曬保護

- 含甘油鎖水成份, 持久保濕, 但又唔油膩

- 含輕質柔石臘 (LLP), 屬於醫學優質礦物油, 功能除添補肌膚油質外, 更係高效能既保濕因子, 對皮膚既吸附力比植物油或燕麥類產品更好

 

        

    *  特別乾燥既日子, 依支搽面既 day cream 就要出動啦! 仲有防晒SPF30+!

 

        

  *  質地好薄身, 唔笠, good!

 

        

  *  質地仲好水潤… 當打底霜用一流!

 

 

 

2) QV Cream

- 含豐富角鯊烯 (Squalane), 能保持肌膚彈性&光滑

- 高濃度乳霜, 能有效滋潤非常乾燥既皮膚

- 無刺激性, 可安全使用於紅腫皮膚而不會導致過敏反應

- 可預防皮膚炎/ 其他與乾燥皮膚有關之症狀

- 特別適合敏感幼嫩既嬰兒肌膚! (BB都岩用, 可想而知成份有幾好啦!)

 

 

        

  *  依個 body cream 簡直係我既第一最愛! 無味, 勁潤, 但又唔油膩, 平日唔乾燥時, 手肘腳肘都會必用!

 

        

   *  不含羊毛脂, 不含色素, 不含丙二醇, 不含香料, 不含鹼性.........

 

       

 

       

  *   QV Cream 既質地比 QV Lotion 厚身, 更加滋潤!

 

 

3) QV Gentle Wash

- 含 10%甘油 (Glycerol), 有高度鎖水保濕因子

- 同人體自然皮膚既pH值相吻合, 可預防微生物既生長

- 不含油脂, 唔油膩, 任何性質皮膚都岩用

 

       

  *  無皂成份!  唔好洗去皮膚上原有既正常油脂! 清潔同時又可以滋潤...

 

       

  *  質地唔會太稀! 大力泵一下已夠用全身!

 

 

4) QV Lip Balm

- 有 Soft White Paraffin & Dimethicone, 能給咀仔一層保護膜及滋潤, 防止皺裂及痛楚

- 有 SPF20, 不會受 UV-A, UV-B影響

 

       

   *  唇油係我第二最愛! 好潤又防紫外線… 我用左之後都少左好多唇紋添呀!

 

 

各位姊妹, 希望你地鍾意我既推介! 一齊做個潤美人啦!!!

 

 

 

煙花伴生日飯 @ Duetto

 

我又大一歲啦!!! 今年亨利為我提早左一日慶祝生日, 因為佢要俾個驚喜我!

 

     

 

第一次食意大利+印度自助餐, 最正係可以食住黎睇煙花, 唔洗同人地迫…

餐廳分三邊坐位, 我地坐左大廳, 因為露天位已經 full 晒啦… 不過唔緊要, 因為室內都同樣熱鬧…

     

     

     

     

 *  天氣好, 坐露天位真係好正呀!

 

     

 

 

食物主打意大利 & 印度野, 不過款式唔多, 但主要既 pasta, pizza, 意大利雲吞, 意大利飯, 風乾火腿, caesar salad, 咖哩羊, fish fillet都有! 但我同亨利都覺得味道一般啦…

      

     

     

     

   * 坦白講, 意大利自助餐好難整得好食! 好似pizza咁, 如果唔係即刻攞到食, 淋左又邊會係好食呢???  而意大利雲吞, pasta都係一樣, 所以味道真係麻麻~~~

 

 

雖然食物味道好一般, 但餐廳氣氛好好, 而且大部份食客都係外國人添…  食到中段, 餐廳總廚仲揸住支mic經過每張枱唱意大利情歌, 真係好特別好開心喔!

     

     

  *  一陣就 full house 囉...

 

     

  *  Little cakes 做住生日蛋糕先, hehee...

 

     

 

 

到十五分鐘放煙花前, 我同亨利走左去露台位行下同埋揀番個靚位睇煙花…

估唔到餐廳睇煙花既位置係咁正架! 又清楚又舒服, 睇完仲可以行番埋位繼續食, 簡直係享受!!!

     

     

     

  *  露天位外仲有咁大既位置俾其他食客企下吹下水同睇煙花, 正!

 

      

     

  *  8點45分已企滿晒人等睇煙花啦...

 

     

     

  *  真係好近好清楚, 依場煙花感覺特別靚~~~

 

     

     

     

     

     

 

* DUETTO @ 香港灣仔港灣道30號新鴻基中心2樓 (Tel: 2598 1222)