提早送份聖誕禮物俾你~

只要係下星期一 (11月8號) present 以下張 e-coupon @ agnes b. DELICES shop (岩岩打去問, 一定要color print張coupon呀!!!), 你就可以免費得到4粒聖誕古古力加埋一張coupon啦!!!

 

預祝各位姊妹聖誕快樂!!!

Merry Christmas!!! HOHOHO!!!

 

 

 

http://agnesb-delices.com/specialgift.html

 

 

 

你也來感受大自然有機力量啦~

早前上「屈臣氏 Beauty Club (Watsons HK)」Facebook 登記, 抽中左有一套Nature & Co. - Vital Purity 嫩肌保濕體驗裝!        

究竟 Nature & Co. 係咩牌子黎架?!  上網了解之後, 原來佢係每個姊妹都認識既 KOSE 呀~!

依條 line, 原來係 KOSE 主打既 “天然有機護膚品” 黎架! 強調產品係  “無添加”、”自然成分”, 產品中亦添加經過歐洲 ECOCERT 及美國 OTCO 單位認證的有機草本淬取液, 可以令皮膚保濕同時, 又可以有美白既效果.

 

Nature & Co. 有三個 series:

- Pure White Series (美白護理)

- Vital Purity Series (嫩肌保濕)

- Three Butters Series (身體護理)

 

        

   *   Vital Purity 化妝水 & 乳液

 

        

   *   估唔到體驗版都有35ml咁大支, 今次真係可以試清楚啦!

 

       

   *   清完面, 我個乾乾面只有 18.6% 既濕度, 簡直係超乾呀~

 

       

   *  拍上超濃花味既 Vital Purity Lotion 之後, 面仔濕度即時跳到去 26.6%... 不過我都係覺得佢唔係好夠濕潤...

 

       

   *  乳液真係好 milky, 質地唔太厚身~

 

      

   *  Lotion 好潤澤, 亦唔笠膩, 保濕度仲去到 51.3% 添, 抵讚!

 

Vital Purity Series 含有機認證植物成份 & 活膚成份:

- 有機薰衣草及有機洋金菊花萃取液, 保濕皮膚同時, 淡淡的花香能舒緩身心

- 有維他命E, 給皮膚保濕功效, 重現年輕彈性

- 膠原蛋白提供高效滋潤, 令肌膚飽滿水潤

- GABA 能整頓肌理

 

 

         

    *   體驗裝仲有一包 Vital Purity Lift Mask 試用呀! 不過仲未開黎試... 

 

       

    *  Nature & Co. - Vital Purity Series 用上薰衣草既紫色為包裝, 好清雅呀!

 

"以大自然有機力量, 孕育年輕活力肌膚" by Nature & Co

More Information @ http://www.kose.com.hk/nc/

 

 

 

 

shu uemura海洋深層保濕底霜

超開心呀! 估唔到上網投票, 都會贏到份“投票得獎”禮物!

前排為 “Fashion & Beauty 流行新姿” -「OL直選‧完美品牌大賞2010」投票, 幸運之神好眷顧我, 竟然被我羸左份 “shu uemura 海洋深層保濕底霜”!!!

當收到 F&B 既 email 時, 真係開心到不得了, 因為我一直都好想買 shu uemura 既產品架! 今次終於有機會試啦...

以前我只係用過 shu uemura 既落妝油, 其他甚麼都無啦...  聽聞佢既 base 唔錯, 依次我真係可以試下...

 

       

       

       

        

         

      * 個底霜有少少淺粉紅色, 岩晒可以調節膚色!  質地好柔滑, 好水潤, 保濕度非常明顯, 真係岩晒家下乾燥既天氣用!

 

         

  *  本身好乾既手, 搽左個 base 之後, 即時睇到白滑左, 滋潤左, 同少左D紋呀!

 

雖然佢好保濕同水潤, 但發覺佢好快滲入皮膚, 唔會留係表面, 變成油膩, 幾好!

上網了解, 原來“shu uemura 海洋深層保濕底霜” 成份有海洋深層水, 柔焦粉末 & 持久粉末複合因子! 

柔焦粉末能夠減少細紋, 收細毛孔; 而持久粉末複合因子就可以防止乾燥和抗皮脂!

不過好可惜, 唯一缺點, 就係佢完全無防曬或防紫外線功能!  如果一支過, 咁就perfect 啦! 

你知啦, 冬天既陽光, 係我地靚女既大敵, 真係唔可以睇少架!!!

 

特別鳴謝 Fashion & Beauty  X  shu uemura

 

 

Q版生油???

 

每日出街, 除左要化好一個靚妝, gel好一個靚頭之外, 再噴一下香水, 總會覺得果一日先至係完美...  

Samba Fresh 一隻來自美國既香水, 原來 “Samba” 自1987年起已經推出左超過 26款唔同既香水啦...  而每款都會散發出熱帶風情既韻味, 好特別喔!

"Samba Fresh 熱帶風情香水" 有男女香水, 而我今次試用既當然係岩自己既女香水啦!

 

        

       

    

       

 

女香水用左鮮黃色既玻璃樽同一貫既螺旋形設計! 我第一眼見到, 仲覺得佢好似一支Q版既生油呀! 但再睇真D, 佢個 look 又真係幾有夏天冰涼透澈 feel 喎!

依支 Samba Fresh Woman 用上梅子, 熱情果, 小蒼蘭, 牡丹, 蓮花 雪松木 & 麝香調制, 除左有淡淡既花香味外, 當中仲會帶出熱情果味!  嘩! 真係個個人都會鍾意!  唯獨佢既味道唔可以 keep 到成日!  朝早噴完, lunch time 都已經無晒味啦...

雖然依支香水充滿住既森巴熱帶風情既味道, 但我相信黎緊既冬天, 我都會繼續用喔!

 

Samba Fresh Woman Eau de Toilette

100ml/$168

Samba Fresh香水產品於全線莎莎化粧品有售

 

 

 

試影 @ 攝影皇城

 

真係估唔到又有機會影婚紗相… 你知啦, 女人最靚既時候, 永遠都係穿上婚紗既時候嘛, hahaha…

今次好多謝 BL x 攝影皇城, 抽中我免費影相兼送3張4R!

初初抽中時都有少少驚, 因為我都無聽過依間野, 怕影完之後會勁 sell 你買相既package…  點知, 由影相, 揀相, 到攞相, 都幾滿意同開心!

依次試影, 仲可以任自己決定影單人照, 家庭照, 還是雙人照...  但我見送相只有3張, 所以都係自己去影吧...

 

        

 

10月7日放左工, 單人匹馬去左油麻地鑽婚廣場3樓既 “攝影皇城”, 地點都算方便!

入到去地方唔算大, 化妝姐姐俾左我本相簿我睇, 佢仲好 nice 同我一齊坐底揀衫, 俾意見我, 真係幾好...

但可惜相簿只有一本!!! 而且衫既選擇真係好少… 雖然都有婚紗/晚裝/宮廷/和服選擇...

跟住我問點解無和服既相可以睇? 化妝品姐姐話無相, 但都好好人即刻帶左我去衣帽間睇一套套掛起既...

望左兩眼, 我都無乜心機揀... 本來想影和服, 但又無相睇…  淨係睇掛起左既和服, 根本完全睇唔到件衫個款...  如果著起唔鍾意, 我諗我會唔好意思出聲叫換第二套, 話晒都係免費試影嘛!　所以最後都係決定影婚紗...

化妝既時候, 化妝姐姐仲問我想化咩色既 eye shadow, 同埋 set 咩頭! 難得有得玩, 我叫佢幫我畫左對 smoky eyes呀! Hehee…

化左大半個鐘, 首先係可以影埋自己著黎套便服...

估唔到個幫我影相既攝影師係一個後生哥哥, 心情當堂放鬆晒同埋可以笑多D… (因為我真係好怕個攝影師係一位阿叔, 仲要扮晒 cool 果D, haha)

我自己都好主動同個攝影哥哥傾計, 仲俾佢知我其實係成日去影相, 所以唔會太怕鏡頭, 等佢都可以放心幫我影靚D, 哈哈!!

之後換左套自己好鍾意個 low-cut 款既婚紗影相…  影完之後, 攝影哥哥仲話麻煩晒辛苦晒, 真客氣...

跟住化妝姐姐幫我抹淡少少個妝, 走既時候都差唔多九點啦, 嘩, 好得肚餓呀!

 

過左幾日去揀相, serve 我既 Cherry 好 nice, 佢簡單介紹左一D曬相既 package 俾我, 跟住就俾我睇相 (原來我影左有121張)...

我仲以為揀相係從電腦/notebook度睇住黎揀, 因為可以清楚D…  估唔到佢地係 print晒出黎, 細到好似以前既菲林底片細細格咁黎揀, oh no…  最搞笑就係佢地俾埋個放大鏡我揀相, 可想而之D相有幾細...

Anyways, 揀相既過程好愉快, 又無 hard sell 成份, 揀相好安心呀! 雖然最後我都只係揀左佢地送既3張相走人, 但完全沒有黑面! 抵讚!

 

- 以下既3張相攝影皇城係完全未執相的!

- 你問我靚唔靚? 我覺得一般啦...  沒有太大既驚喜!

- 攞相角度我未係最滿意...  尤其第一張!

- 同埋個妝, 出黎既效果唔夠 sharp!

 

        

   *  點解隻bear唔影多少少呢? 現家好似 cut 左一邊咁, 唔似我抱住佢... 不過好彩我個樣都算影得自然! ha!

 

       

  *  依張係百幾張相之中最為滿意既一張!

 

       

  *  依張好似跳芭蕾舞既 pose 都幾特別...  所以揀左依張!

 

 

上個星期六同亨利行街街, 無意間係一個商場裡面見到 “攝影皇城” 擺 counter 呀! 仲見到有好多客睇相簿, 價錢仲好吸引添~ 

想青春留倩影, 價錢又唔貴, 我相信 “攝影皇城” 都可以去 ”玩吓” 架!

 

         

 

 

 

去角質話咁易~

 

近年愛上Bioderma, 鍾意佢夠 ”簡單”, 夠 ”直接”…

“簡單” 咁幫我落晒成個妝, 可以乾乾淨淨…  都係多得 “深層卸妝潔膚水”!

“直接” 咁幫我去晒角質, 帶走污垢, 可以白白滑滑… 就係每星期我都用既 “控油去角質啫喱” / “水活保濕煥膚霜” 啦…

今次真係好想推介依隻超正既去角質面膜俾各位姊妹用呀~!  點解? 因為…

 

夏天我必用既控油護膚系列 – 控油去角質啫喱 (Sebium Exfoliating Gel)!  雖然我係混合性皮膚, T字位油但面仔又乾…  但用完依支控油面膜, 一D都唔覺得乾, 仲會 feel到皮膚柔軟左好多同乾淨左!

控油去角質啫喱有溫和既去角質粒子, 塗上面上然後打圈, 好明顯feel到一粒粒好似磨沙粒子咁!  係鼻頭位特別按多兩下, 黑頭都會少D呀~

 

        

 

 

最近天氣轉秋冬, 剛巧依支控油去角質啫喱又俾我用完, 係時候要轉新野啦…

今次我買左 Bioderma 既水活保濕系列 – 水活保濕煥膚霜 (Hydrabio Exfoliating Cream) 試下!

 

        

        

        

   *  塗上面上打圈按摩, 已經見到好水水, 好保濕; 仔細睇你會見到去角質粒子...

         

依支 “水活保濕煥膚霜” 其實同 “控油去角質啫喱” 既目標都係一樣, 就係去角質 (帶走老化既角質)!  “水活保濕煥膚霜” 同樣有去角質粒子, 促進角質細胞更生, 但同時有保濕功效! 

洗乾淨面部後, 仲未抹乾塊面之時, 跟住攞適當份量搽上面, 以打圈手勢按摩面部/鼻/下爬/額頭各十下, 然後用清水沖洗!  真係估唔到滋潤同乾淨既效果, 有如做完一個深層清潔既facial!!!

有時唔知你地有無發覺, 搽極什麼什麼好野, 皮膚都好似唔吸收咁呢? 最大既原因除左皮膚污垢積聚之外, 就係因為被厚厚老化既角質阻住啦!!! 所以想護膚品真真正正被皮膚吸收同發揮作用, 定時深層清潔同軟化角質係好最要架!