驚喜

真係估唔到我既“仔仔女女” (公司既同事 – 因為我係依間公司係做得最耐既一個)會記得我既生日, 而尋日仲同我補祝….

無端端叫我唔好帶媽咪愛心飯盒, 話一齊出街食, 不過我都話好呀!

去香港仔既“泰國人”道食, 食完忽然有個蛋糕出場 (由 Helen 同 Ivy 準備), 真係開心到震呀!!!

今年家人無買到生日蛋糕, 依個可以話補番; 點蠟燭, 許願, 仲要唱埋生日歌, 好感動呀!!!

P.S. 覺得自己真係好幸福哦, 因為有好多人對自己好哇....



     

     * 依個蛋糕真係好好食架... 佢地話係蛋白蛋糕喎! 個餅底同朱古力都好正.  我地仲話下次邊個生日, 都會買番一樣既... hehee  (fyr: 蛋糕購自美心西餅)